Փաստ ինֆո

Հղիությունը կնոջ կյանքում կարևոր և հուզական շրջան է: Թեմայի առնչությամբ AdMe.ru -ն միֆեր է առանձնացրել հղիության մասին, որոնց շարունակում ենք դեռ հավատալ:

1. Հղի կնոջն անհրաժեշտ է սննունդ ընդունել երկու հոգու համար: ԱՄՆ բժշկական համալսրանի բժիշկները պնդում են, եթե կինը ունի առողջ քաշ, ապա հղիության առաջին եռամսյակում լրացուցիչ կալորիաներ անհրաժեշտ չեն, Երկրորդ եռամսյակում խորհուրդ է տրվում ավելացնել օրվա սննդակարգում ևս 340 կալորիա, իսկ երրորդ եռամսյակում՝ շուրջ 450 կալորիա:
Ուստի՝ ոչ թե անհրաժեշտ է շատ սնվել, այլ՝ ճիշտ սնվել:

2. Հղիությունից կանայք հիմարանում են:Հորմոնալ փոփոխություններն իսկապես կնոջը դարձնում են ավելի էմոցիոնալ, դյուրագրգիռ, երբեմն էլ՝ ոչ տրամաբանական: Եվ հենց այս շրջանում էլ շատ կանայք բացահայտում են որոշ ունակություններ, որոնցով օժտված են, սակայն նախկինում անգամ չէին էլ կռահում:

3. Ուլտրաձայնային հետազոտությունը վնասակար է երեխայի առողջության համար:Համաձայն Առողջապահության նախարարության նորմատիվների՝ ուլտրաձայնային հետազոտություններ կարելի է կատարել հղիության ընթացքում երեք անգամ՝ յուրաքանչյուր եռամսկայում մեկ անգամ: Ավելի հաճախ նման հետազոտության արժե գնալ, եթե ապագա մայրիկի առողջությանը վտանգ է սպառնում:

4. Առաջին երեխային պետք է հասցնել ծննդաբերել մինչև 30 տարեկանը:Եթե 30 տարեկան կինը հետևում է իրեն, ճինշտ սննդակարգով է սնվում, սպորտով է զբաղվում և պարբերաբար գինեկելոգի մոտ է այցելում՝ հետազոտվելու նպատակով, ապա հղիության ընթացքում բարդություններ ունենալու ռիսկերն ավել չեն, քան 20-ամյա ապագա մայրիկինը: Երեխեյի պաթոլոգիան հղիության ընթացքի հետ կապ ունի ոչ թե բիոլոգիական տարիքի, այլ՝ կնոջ մարմնի վիճակի հետ:

Ժամանակակից սարքավորումներով հետազոտությունները և ախտորոշումներ թույլ են տալիս հղիության վաղ շրջանում հայտնաբերել հնարավոր շեղումներ: Ուստի՝ կանայք կարող են հղիությունը պլանավորել այն ժամանակ, երբ իրենք թե՛ ֆիզիկապես և թե՛ հոգեպես պատրաստ են դրան:
Բժիշկների մեծամասնությունը գտնում է, որ առաջին երեխային ծննդաբերելու իդիալական տարիք է 20–30 տարեկանը, սակայն Տեխասից Ջոն Միրուոսկի գիտական հետազոտություններն այլ բան են ասում՝ առողջ երեխա ունենալու լավագույն տարիքը 34 տարեկանն է:

5. Հղիության ընթացքում կինը միշտ ցանկանում է թթու ուտել:Հղի կինն այդ ընթացքում ինչպես թթու, աղի կարող է ցանկանալ ուտել, այնպես էլ՝ քաղցր, երբեմն էլ այդ բոլորը միասին: Նշվում է նաև, որ հղիների մոտ առաջին ամսվա ընթացքում ամենասիրելին շոկոլադն է՞

6 . Սպորտով զբաղվել, լողավազաններ և արշավների մասնակցելը փոխարինել հանգիստ վիճակում գտնվելուն ևս միֆերի թվում է:
Եթե հղիությունը նորմալ է ընթանում, պարբերաբար ֆիզիկական ծանրաբեռնվածությունը անգամ անհրաժեշտ է: Սպորտով զբաղվելն անգամ կօգնի ծննդաբերության հեշտ անցնելուն, արագ վերադառնալ նախկին կառուցվածքին:

7. Հղիության ընթացքում սեքսը կարող է վնասել երեխային:
Ամենատարածված միֆերը հղիության ընթացքում սեքսով զբաղվելուն են առնչվում, այն որ վնասակար է, տհաճ, վտանգավոր է երեխայի համար և ընդհանրապես անբարո է, սակայն եթե հղիությունը նորմալ է ընթանում, ապա ինտիմ կապը ոչ մի վտանգ չի հասցնի երեխային, հակառակը՝ պարբերաբար սեռական հարաբերությունները ցանկալի են, քանի որ դրանք նպաստում են նստատեղի մկանների ամրանալուն և դրական զգացողություններ են հաղորդում ապագա մայրիկին, քանի որ կնոջ հոգեբանական վիճակն այդ ընթացքում շատ կարևոր է:

8. Հղիներին չի կարելի ներկել մազերը և հարդարել եղունգները:Հղիության ընթացքում գեղեցիկ և խնամված լինելն իրատեսական է: Հայտնի բրենդների կոսմետիկ միջոցները չեն պարունակում վտանգավոր նյութեր, ուստիև՝ հղի կանայք դրանց պարունակությունը ուսումնասիրելուց հետո կարող են օգտագործել:

9. Սթրեսները հղիների համար վտանգավոր են:
Հաճախակի սթրեսները ոչ մեկի համար օգտակար չեն, սակայն մարդիկ հաճախ են հայտնվում սթրեսային իրավիճակներում և դա նորմալ է: Այստեղ վտանգավոր չէ ոչ այնքան տվյալ իրավիճակը, որքան այն, թե մենք ինչպես ենք դրան վերաբերվում:
Այն, որ հաճախ կանանց հանգիստ չի տալիս միտքը, որ «իր այդ վիճակի պատճառով երեխան տառապում է», իրականում ավելի վատ է, քան կարճատև էմոցիոնալ պոռթկումը:

10. Մաշկը ձգվելու հետևանքով առաջացած բծերի դեմ քսուքներ:
Այդ քսուքները պարունակում եմ խոնավեցնող և սնուցող նյութեր, դրանք կարող են մաշկը ավելի էլաստիկ դարձնել, բայց ամբողջությամբ հեռացնել առաջացած բծերը՝ ոչ:

11. Երրորդ եռամսյակում անհրաժեշտ է խմել քիչ հեղուկ:
Նախկինում հղիության երրորդ եռամսկայում խորհուրդ էր տրվում քիչ ջուր խմել որպեսզի այտուցներ չլինեն, սակայն բժիշկները ապացուցել են, որ ծննդաբերության ժամանակ այտուցները կապված չեն կնոջ կողմից օգտագործված ջրի քանակի հետ: Հակառակը՝ բավարար քանակությամբ ջուրը օգնում է հաղթահարել այտուցները:

12. Հղիության ընթացքում սննդի մեջ ներառեք հնդկական ընկույզ և ձուկ, ձեր փոքրիկը խելացի կլինի:
Այս մթերքների օգտակար լինելը ոչ ոք չի կարող բացառել, հնդկական ընկույզը պարունակում է մագնեզիում, կալիում, որոնք ամրացնում են սրիտը և անոթները, ինչպես նաև բարենպաստ են ազդում նյարդային համակարգի վրա: Այդ է պատճառը, որ խորհուրդ է տրվում ապագա մայիկներին իրենց սննդի մեջ ներառել ընկույզը և ձուկը, որը պարունակում է օմեգա 3, ինչն օգնում է առողջ ուղեղի պահպանմանը: Սակայն դրանց ազդեցությունը երեխայի մտքի զարգացման վրա ապացուցված չէ:

13 Երեխայի ծննդից հետո մեր կյանքում ոչինչ չի փոխվել:

Դուք կարող եք երեխայի ծնվելուց հետո առաջին ամիսներին աշխատանքի անցնել կամ երեխայի հետ գնալ հանգստանալու, սակայն դուք պետք է այդ ամենը կազմակերպեք՝ միայն երեխայի առկայությունը հաշվի առնելով:

Աղբյուր` Փաստինֆո