ԲՈԼՈՐ ՆՅՈՒԹԵՐԸ
Շատ դատավորներ փաստաբաններին շնորհավորել են, ասելով՝ լավ է, որ դատական տուգանքը դուրս եկավ ԴՕ-ից. Արա Զոհրաբյան 02/07/2018 18:43 | ԼՐԱՀՈՍ
Դատավորները փաստաբանների նկատմամբ դատական տուգանք նախատեսելու նախաձեռնության հետ կապ չունեն: Այս մասին առաջարկվող իրավակարգավորման դեմ փաստաբանների բողոքի ակցիային նվիրված այսօրվա քննարկմանը հայտարարեց ՀՀ փաստաբանների պալատի նախագահ Արա Զոհրաբյանը՝ հայտնելով, որ երբ իրավակարգավորման դրույթը Դատական օրենսգրքից հանվել է, շատ դատավորներ փաստաբաններին շնորհավորել են, ասելով՝ լավ է, որ դուրս եկավ:
Լրագրողի՝ իսկ ո՞րն է մոտիվացիան հարցի պատասխանն ՓՊ նախագահն էլ կցանկանար իմանալ՝ եթե դրույթի ուժի մեջ մտնելը մեկ տարի հետո են նախատեսել, ինչո՞ւ է կառավարությունը հրատապ փորձում խցկել այն ու խախտումներով անցկացնել: Արա Զոհրաբյանը հայտարարեց, որ այդ նպատակը Հայաստանի Հանրապետության և արդարադատության շահերը չեն: Նա հավելեց, որ նույնիսկ ձևական քննարկում չեն անցկացրել փաստաբանների հետ, դրա համար էլ ինքը մտածում է, որ կառավարության համար սա ուղղակի սկզբունքի հարց է: «Բայց արդյոք կարելի՞ է սեփական ժողովրդի նկատմամբ սկզբունքի հարց դարձնել, իսկ փաստաբանական համայնքին այսպես փորձել ճնշել: Ես կարծում եմ, որ սա լավ բանի չի բերելու»,- ասաց Արա Զոհրաբյանը:
Առաջարկվող կարգավորման դեմ իրենց տեսակետները հայտնեցին ՀՀ փաստաբանների պալատի Խորհրդի անդամ փաստաբանները:
Մասնավորապես Խորհրդի անդամ Կարեն Մեժլումյանը նշեց, որ հայ փաստաբանները հպարտ կեցվածքով են հանդիպում իրենց արտերկրյա գործընկերների հետ, խոսում խնդիրների մասին:
Կ.Մեժլումյանը համեմատության համար բերեց հետխորհրդային տարածքի այլ երկրների փաստաբանների՝ իրենցից տարբերվող իրավիճակի օրինակները: Մասնավորապես, փաստաբանի գնահատմամբ, Ուկրաինայում բեսպրեդել վիճակ է, կարող են փաստաբանին սպանել, գողանալ, Վրաստանում Սաակաշվիլու իշխանության տարիներին մոտ 300 փաստաբան է կալանավորվել, հարևան Ադրբեջանի փաստաբաններն ընկճված գալիս, կանգնում են, ասում՝ բա գիտես մեզ մոտ այս վիճակն է: Իսկ Հայաստանում այսօրվա դրությամբ էլ նման խնդիրներ դեռ չկան: «Հիմա ինչ են ուզում անել, այդ հպարտությունը, մեր երկրի դրական վարկանիշը մի կողմ դնենք ու մենք էլ գնանք ինչ-որ տեղ ընկճված կանգնենք ու ինչ-որ՝ քաղաքական կամ այլ գործով, ասենք, մեզ տուգանում են, մենք չենք կարողանում ակտիվ իրական պաշտպանություն իրականացնել, դա՞ են ուզում: Դա մեր երկրի վարկանիշի վրա բացասական առումով միանշանակ կազդի»,- ասաց Կարեն Մեժլումյանը:
Ըստ փաստաբանի, իրենք համաձայնության են գալիս նախաձեռնության հեղինակների հետ, Դատական օրենսգրքից հանում են իրավակարգավորումը, իսկ հաջորդ օրը կամ մեկ շաբաթ անց մեկ այն այլ օրենսգիրք են մտցնում: «Չի կարելի մանիպուլյացիաներ անել, եկեք նստենք խոսենք, տեսնենք ինչում է կայանում այդ անհրաժեշտությունը»,- ասաց Կ.Մեժլումյանը: Ըստ նրա, տեղին չէ այն փաստարկը, թե անգլո-սաքսոնական մի քանի երկրում դա կա: «Անգլո-սաքսոնական երկրներում երդվյալների դատարան կա, բերեք համակարգը մտցրեք, թե երդվյալ ատենակալներն ինչպիսի որոշում կկայացնեն, քանի արդարացում կլինի, միայն մահակն են բերում: Գիտեք այնտեղ դատարանի նկատմամբ ինչ հարգանք կա, մեզ մոտ՝ ինչ հարգանք կա՝ վստահության առումով եմ ասում»:
Խորհրդի մեկ այլ անդամ Սեդրակ Ասատրյանը նշեց, որ իրավակարգավորմամբ հնարավորություն է տրվում դատարանին միանգամից տուգանք կիրառել՝ առանց կողմերին լսելու, առանց մինչև վերջ հասկանալու, միանգամից մուրճիկը կիրառում է, մտնում է ուժի մեջ: Ըստ փաստաբանի, ներկայումս գործում է Խորհրդի միջոցով փաստաբաններին կարգապահական պատասխանատվության ենթարկելու կայացած ինստիտուտն, այն «ռելսերի վրա դրված է, կարգավորված է և գնում է առաջ, մենք դատարանների հետ որևէ խնդիր չունենք»: 1900 փաստաբանի մեջ եթե մեկ տասնյակ փաստաբաններ իրենց վատ են պահում, դա ամեն տեղ էլ լինելու է, ասաց նա, և ՓՊ խորհուրդը դրա դեմ է պայքարում: «Խորհրդի ընտրություններից առաջ որոշ փաստաբաններ անընդհատ բողոքում էին, որ Խորհուրդը պատժիչ գործողություններ է իրականացնում, հենց դա ապացույց է, որ խորհուրդը լավ է աշխատում: Եթե կան հիմքեր, պետք է պատժվեն, եթե հիմքեր չկան, մենք այն կարծիքին ենք, որ մենք պիտի կանգնենք մեր փաստաբանների թիկունքին, մինչև վերջ պետք է օգնենք, որ փաստաբանը առանց հիմքի, անտեղի կամ ինչ-որ մեկի քմահաճույքով չպատժվի»:
Խորհրդի անդամ Հարություն Հարությունյանը նշեց, որ այս օրենքի փոփոխությունն անուղղակիորեն ազդելու է պետական ապարատի ներկայացուցիչների իրավունքների վրա: Օրինակ, երեկվա պաշտոնատար անձն այսօր ունի մեղադրյալի կարգավիճակ և ստիպված պետք է օգտվի փաստաբանների ծառայություններից: «Ես կոչ եմ անում պետական մարմիններին հաշվի նստել նաև այն հանգամանքի հետ, որ այս կյանքում ոչ ոք ապահովագրված չէ, հենց միգուցե մարդիկ, ովքեր այսօր ջանք չեն խնայում օրենքի նախագիծը անցկացնելու համար, հենց վաղը կարիք ունենան փաստաբանի ծառայությունից օգտվելու: Վստահ եմ, որ մեր կազմակերպած պայքարն երբեք չի կարող դրական ելք չունենալ»,- ասաց նա:
Խորհրդի անդամ Մելանյա Առուստամյանն ընդգծեց, որ փաստաբանության ազատության ու անկախության դեմ ուղղված այս գործողությունների դեմ պետք է պայքարել: Նա փաստեց, որ Խորհուրդը շատ քիչ սանկցիաներ է ունեցել դատարաններից այս 12 տարվա ընթացքում: «Նույնիսկ հիսունի չի կարող հասնել այն փաստաբանների թիվն, որոնց նկատմամբ դատարանները որոշում են կայացրել դիմել ՓՊ պատասխանատվության ենթարկելու սանկցիայով: Ընդ որում, մեծ մասամբ, փաստաբանները կրկնվել են այդ դեպքերում»,- ասաց նա, ուստի և չկա որևէ անհրաժեշտություն նման նորմի ընդունման համար:
«Ես կարծում եմ, որ ընդվզումը պետք է շարունակական լինի, քանի որ իմ հետ բոլոր զրույցներում փաստաբանները բոլորը հայտնել են, որ մեկօրյա գործադուլը շատ քիչ է, և հնչել են նույնիսկ առաջարկներ դա անել անժամկետ»,- ասաց Մ.Առուստամյանը՝ հավելելով, որ դատարանների որոշումների հիման վրա հարուցված կարգապահական վարույթները շատ դեպքերում կարճվել են, և իրեն հայտնի չէ որևէ դեպք, երբ որևէ դատավոր բողոքարկած լինի ՓՊ Խորհրդի որոշումը, այսինքն՝ դա նշանակում է, որ Պալատի Խորհուրդը միշտ էլ օբյեկտիվ, բազմակողմանի, լրիվ քննություն է անցկացրել, իսկ վարույթների կարճվելն էլ փաստում է այն մասին, որ դատավորները միշտ չէ, որ ճիշտ են եղել:
Խորհրդի անդամ Տարոն Սիմոնյանը հույս հայտնեց, որ օրենսդիրները և գործադիր իշխանության համապատասխան մարմինները կհասկանան, որ պատահական և դիպվածային կարգավորումներով չէ, որ պետք է դատական կայուն և արդյունավետ իշխանություն ձևավորվի:
«Եթե մենք ցանկանում ենք ունենալ նման իշխանություն և ցանկանում ենք, որ փաստաբանությունն արդյունավետորեն նպաստի դատական իշխանության կայացմանը և զարգացմանը, ապա որևէ պարագայում դիպվածային և հատվածական կարգավորումներ իրավունք չունենք մտցնել օրենսդրական կարգավորման դաշտ»,- ասաց նա՝ նկատելով, որ սրանք ոչ միայն սեփական, այլև ամբողջ պետականության ու արդարադատության շահերն են:
Հարակից հրապարակումներ`
Տեսանյութեր
02/29/2024 15:35 Ադրբեջանցի զինված դիվերսանտը ներխուժել է ՀՀ տարածք ու ձերբակալվելՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/28/2024 08:25 ՔՊ-ականներն այլևս առաջվանը չեն․ «Հրապարակ»
- 03/28/2024 08:22 Փաշինյանը զարմացել է, որ ժողովուրդն այսքան տարի իրենց հանդուրժում է․«Հրապարակ»
- 03/28/2024 08:17 Ցելոֆանե տոպրակները չհանվեցին, այլ թանկացան. Նիկոլ Փաշինյանը խաբել է. մաս 190. «Ժողովուրդ»
- 03/28/2024 08:14 Իշխանությունների՝ ամեն ինչ օպտիմալացնելու սևեռումը հասել է Դիլիջան․«Հրապարակ»
- 03/28/2024 08:11 Որքան է Հ1-ը վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար․ «Հրապարակ»
- 03/28/2024 08:06 Գեներալները չկան, Փաշինյանը որոշել է հանձնել Տավուշի բնակավայրերը․«Հրապարակ»
- 03/28/2024 07:41 Քաոս Կոռուպցիայի կանխարգելման հանձնաժողովում․ աշխատակիցները հերթով ազատվում են, իսկ իշխանությունը չի գտնում իր «սրտի» ԿԿՀ նախագահին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
Արտակարգ պատահարներ
- 03/28/2024 23:59 «ՎԱԶ-21214»-ի 31-ամյա վարորդը մահացել է
- 03/28/2024 21:03 Վիճաբանություն և ծեծկռտուք Երևանում.վիճաբանության մասնակիցների մեծ մասը անչափահասներ են․ կա վիրավոր
- 03/28/2024 20:29 Թումանյան փողոցում ծառի ճյուղը թեքվել և ընկել է էլեկտրական լարերի վրա, առկա է ընկնելու վտանգ
- 03/28/2024 12:23 Երևանում «Toyota»-ի վարորդը, լինելով ամենաբարձր աստիճանի խմած, դարձել է շղթայական ավտոմեքենաների ջարդի հեղինակ. 12-ամյա երեխան ու նրա մայրը տեղափոխվել են հիվանդանոց
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել