ԲՈԼՈՐ ՆՅՈՒԹԵՐԸ
Գյուղապետին սպանելու շարժառիթը բացակայում է. արդարացվեց արարքում հանցակազմի բացակայությամբ 02/07/2018 13:04 | Արդարացման դատավճիռներ
Սպանության փորձի մեջ մեղադրվող Տավուշի մարզի Վերին Ծաղկավան գյուղի 87-ամյա բնակիչն արդարացվել է: Դատարանը՝ նախագահությամբ դատավոր Զոյա Զաքինյանի, գտել է՝ Սահակ Խաչատրյանի արարքում հանցակազմը բացակայում է:
Նախաքննական մարմինը Խաչատրյանին մեղադրանք էր առաջադրել` Վ.Ծաղկավան համայնքի ղեկավար 40-ամյա Արթուր Ղազարյանի նկատմամբ սպանության փորձ կատարելու համար:
Դատալեքս տեղեկատվական համակարգից տեղեկանում ենք, որ դեպքը տեղի է ունեցել դեռևս նախորդ տարի մայիս 7-ին. երեկոյան ժամը 20.00-ի սահմաններում Խաչատրյանը Արթուր Ղազարյանին կյանքից զրկելու նպատակով վերջինիս «Պրադո» մակնիշի ավտոմեքենայի առջևի ձախ կողմի դռան բռնակի վրա լցրել է ցինկի ֆոսֆիդ (մկնդեղ):
Դեպքի վայրում տուժողը հաղորդում է տվել, որ Սահակ Խաչատրյանն իր ավտոմեքենայի առջևի ձախ դռան բռնակի վրա դրսից լցրել է մկնդեղ` ցանկանալով իրեն սպանել:
Այս ամենից զատ, համայնքի ղեկավարը նաև դիմումով նախաքննական մարմնին հայտնել է, թե Խաչատրյանը ներողություն է խնդրում, հայտնել է, որ սպանելու միտում չի ունեցել, և ինքը ներել է նրան, իսկ ինքը հաղորդում է տվել, քանի որ համագյուղացի Խաչատրյանը իր հարցերին չի պատասխանում, և ինքը մտածում էր, որ ցանկացել է սպանել իրեն:
Սահակ Խաչատրյանին մեղադրանք է առաջադրվել ՀՀ քրեական օրենսգրքի 34-104-րդ հոդվածի 1-ին մասով: Սպանության փորձի մեղադրանքով Խաչատրյանի նկատմամբ որպես խափանման միջոց է ընտրվել չհեռանալու մասին ստորագրությունը:
Ի՞նչ է պարզվում դատարանում, ամբաստանյալի աթոռին հայտնված տարեց տղամարդն իրեն մեղավոր չի ճանաչում և դատարանում ցուցմունք տալիս հայտնում է, որ նախկին գյուղապետ Արթուր Ղազարյանի հետ ինքը թշնամություն չի ունեցել: Նա նաև հայտնել է, որ վարելահող չունի, հողագործությամբ էլ չի զբաղվում, իրեն ոչ ոք մկնդեղ չի տվել, իսկ մկնդեղը սովորաբար գյուղապետն է բաժանում:
Ըստ ամբաստանյալի ցուցմունքի՝ նշված օրը տանը հեռուստացույց դիտելիս է եղել, երբ իրեն ձայն են տվել: Դուրս է եկել պատշգամբ և տեսել է գյուղապետ Արթուրին և երկու հոգու, ովքեր պատի վրայով ցատկել, մտել են իր տան բակ:
Այդ անձանցից մեկն իրեն բռնել է ու ձեռքերը կապել, ինչից հետո տոպրակ են ցույց տվել, որն առաջին անգամ է տեսել: Բացի այդ էլ նա նշել է՝ եթե վկաներ են եղել և տեսել են, թե ինքն ինչպես է մեքենայի վրա մկնդեղ լցնելիս, ինչու հենց այդ պահին իրեն չեն բռնել:
Տուժող գյուղապետն էլ ցուցմունք է տվել, թե այդ օրը, սովորականի նման իջել է գյուղամեջ, մեքենան կայանել է Սահակ Խաչատրյանի տան մոտ, որտեղ տղաներ են եղել հավաքված: Ապա այդտեղ կանգնած տղաներից մեկը հրավիրել է իրենց տուն` սուրճ խմելու, մի քանի ժամ անց նկատել է, որ Անդրանիկ անունով մի տղամարդ իր մեքենայի վրա ջուր է լցնում, հարցրել է, թե ինչ է անում, վերջինս էլ պատասխանել է, որ լվանում է:
Այդ ամենից հետո էլ Անդրանիկն ասել է, որ Սահակը գյուղապետի ավտոմեքենայի վրա մկնդեղ է լցրել, իսկ երբ գնացել են Սահակի տուն, ինքը զգացել է, որ Սահակը խմած է և հայհոյանքներ է հնչեցրել, սակայն հարգելով նրա տարիքը՝ ինքը չի պատասխանել:
Գյուղապետը ևս նշել է, որ Սահակի հետ գտնվել է ջերմ հարաբերությունների մեջ, իրենց միջև երբևէ թշնամանք չի եղել:
Տուժողը նաև հայտնել է, որ 11 տարի աշխատել է որպես գյուղապետ, մկնդեղն ստացել են մարզպետարանից, որը, ցորենի հետ խառնած, յուրաքանչյուր տարի շաղ է տրվել գյուղացիների ցորենի դաշտերում:
Գյուղապետը նաև հայտնել է, որ Անդրանիկին տեսել է իր մեքենայի վրա ջուր լցնելիս, սակայն Սահակին իր մեքենայի վրա փոշի քսելիս չի տեսել:
Գյուղապետը մտածել է՝ քանի որ նախընտրական շրջան է, որևէ մեկը Սահակին խմեցրել է, որ իրեն վատություն անի:
Սահակն էլ իր խմած լինելու վերաբերյալ ցուցմունքում պնդել է, որ այդ օրը խմած չի եղել և ընդհանրապես չի խմում:
Անդրանիկը, ով գյուղապետի խոսքով՝ ասել է, թե Սահակն է ավտոմեքենայի վրա մկնդեղ լցրել, գործով որպես վկա է դատակոչվել և դատարանում հայտնել է, թե նշված օրը Սահակ Խաչատրյանի տան մոտ ինքը գյուղապետ Արթուր Ղազարյանի և Արտակ Խալաթյանի հետ կանգնած զրուցել է, երբ Սահակ Խաչատրյանը ալկոհոլ օգտագործած վիճակում տնից դուրս է եկել: Դրանից հետո նկատել են, որ Արթուրի ավտոմեքենայի դռան բռնակի վրա մկնդեղ կա լցված:
Միևնույն ժամանակ, դատարանում հայտնել է, որ Սահակին տեսել է Արթուրի ավտոմեքենայի մոտ, սակայն չի տեսել, որ նա գյուղապետի մեքենայի վրա ինչ որ բան լցնի:
Վկայի նախաքննական և դատաքննական ցուցմունքներում առկա հակասությամբ հրապարակվել է նախաքննական ցուցմունքը, որից հետո վկան հայտնել է, որ Սահակն ինչ որ նյութ է մեքենային քսում: Մոտեցել են Սահակին և տեսել, որ շարունակում է քսել:
Ինքն էլ պատից ցատկել է Սահակի տան բակ և այնտեղից հանել պարկը, որի մեջ եղել է մկնդեղը, ապա պարկը նորից նետել է բակ և ոստիկանության աշխատակիցների գալուց հետո` իրենք են հանել այն:
Այսպիսով, համաձայն փորձաքննության եզրակացության և փորձագետի ցուցմունքի՝ բամբակե խծուծների վրա առկա նյութը հանդիսանում են ցինկի և ֆոսֆորի քիմիական տարրեր, սակայն հնարավոր չի եղել պարզել՝ ցինկի ֆոսֆի՞դ է, թե՝ ոչ, այսինքն` այս երկու նյութերը մեկ ամբողջություն կազմու՞մ են, թե՝ ոչ:
Դատարանն արձանագրել է՝ վերը նշված փաստերը, այդ թվում` տուժողի և վկաների ցուցմունքների միջև առկա հակասությունները, փորձագետների եզրակացությունները, հիմք են տալիս համոզվելու, որ հիմնավորված չէ ամբաստանյալին առաջադրված մեղադրանքը, ուստի՝ պետք է ճանաչել նրա անմեղությունը և նրան արդարացնել:
Ապացուցված չէ նաև տուժողին սպանելու վերաբերյալ ամբաստանյալի մտադրությունն ու դիտավորությունը: Թե՛ ամբաստանյալը և թե՛ տուժողն ու վկաները, ցուցմունք են տվել այն մասին, որ երբևէ ամբաստանյալն ու տուժողը որևէ խնդիր չեն ունեցել միմյանց հետ, նրանք գտնվել են ջերմ հարաբերությունների մեջ: Սահակ Խաչատրյանը պատճառ չի ունեցել սպանելու Արթուր Ղազարյանին, հետևաբար` բացակայում է նաև սպանության շարժառիթը:
Այսպիսով, դատարանը հանգել է հետևության, որ անհիմն է Սահակ Խաչատրյանին ՀՀ քրեական օրենսգրքի 34-104 հոդվածի 1-ին մասով առաջադրված մեղադրանքը, ուստի՝ հիմք ընդունելով ՀՀ քրեական դատավարության օրենսգրքի 35 հոդվածի 1-ին մասի 2-րդ կետը` նշված հոդվածով նրան արդարացրել է՝ արարքում հանցակազմի բացակայության պատճառով:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
Արտակարգ պատահարներ
- 04/19/2024 12:58 Պայթուցիկի ահազանգ՝ Սլավոնական համալսարանում
- 04/19/2024 12:09 Կիևյան 7 շենքի մոտ տղամարդու դի է հայտնաբերվել. shamshyan.com
- 04/19/2024 11:00 Վրաերթ՝ Երևանում․ 61-ամյա հետիոտնը հիվանդանոցում մահացել է․ shamshyan.com
- 04/19/2024 10:43 Գայի պողոտայում ավտոմեքենա է շուռ եկել. կան տուժածներ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
- 04/18/2024 17:08 Քանյե Ուեսթը կասկածվում է տղամարդու վրա հարձակվելու մեջ
- 04/17/2024 23:53 Թվարկել են 40 տարեկանից հետո մաշկի խնամքի հետ կապված տարածված սխալները
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ