ԲՈԼՈՐ ՆՅՈՒԹԵՐԸ
Արդեն վերջում կունենանք սնանկ ճանաչված, պարտքերի տակ մնացած փաստաբաններ. Արա Զոհրաբյան 12/22/2017 15:50 | ԼՐԱՀՈՍ
Որոշ կենսական նշանակություն ունեցող օրինագծեր՝ Դատական և Քաղաքացիական դատավարության օրենսգրքերը, շրջանառության մեջ դրվում ու ընդունվում են պատշաճ կերպով քննարկում չկազմակերպելով: Այսօրվա մամուլի ասուլիսում այսպիսի տեսակետ հայտնեց ՀՀ փաստաբանների պալատի նախագահ Արա Զոհրաբյանը:
Մասնավորապես, ՓՊ նախագահն ընդգծեց, որ ՀՀ ԱԺ-ում առաջին ընթերցմամբ ընդունված Դատական օրենսգիրքը դատավարական գործընթացը՝ քրեական, քաղաքացիական, վարչական, կարգավորող բոլոր օրենքների հիմքն է հանդիսանալու: Ուստի առնվազն պետք է Փաստաբանների պալատի, դատական համակարգի և դատախազության տեսակետները հաշվի առնվեին:
Դատական օրենսգրքի նախագծում նախատեսվում է փաստաբանների նկատմամբ մինչև հարյուր հազար դրամի դատական տուգանքի նշանակում: Այդ կարգավորումը նպատակ ունի կանխել հնարավոր ոչ իրավաչափ վարքագիծը, որը կարող է ենթադրաբար դրսևորվել փաստաբանի կամ դատախազի կողմից: Այսինքն, օրենսդիրը շարժվում է այն կանխավարկածով, որ հնարավոր է լինեն ոչ բարեխիղճ փաստաբաններ կամ դատախազներ, սակայն կարող են լինել նաև անբարեխիղճ դատավորներ:
«Մենք չունենք այսօր երաշխիքներ անբարեխիղճ դատավորներից պաշտպանվելու համար»,- ասաց Արա Զոհրաբյանը՝ հավելելով, առաջարկվող իրավակարգավորմամբ դատավորի ոչ օրինական գործողություններին փաստաբանի դիմադրելու դեպքում, դատավորը կարող է նրան նախազգուշացնել և կիրառել դատական տուգանք: Ընդ որում, ընդգծեց ՓՊ նախագահը, տուգանք նշանակելու մասին որոշումը ուժի մեջ է մտնում կայացման պահից և ենթակա է կատարման, դրա բողոքարկումը չի կասեցնում այդ որոշման կատարումը:
«Որոշ փաստաբաններ կարող են մեկ դատական նիստի ընթացքում ունենալ մեկ մլն դրամը գերազանցող տուգանքներ, եթե դատավորին փորձեն դիմադրություն ցույց տալ օրենքով սահմանված կարգով, և դատավորի դուրը դա չգա: Պատկերացրեք փաստաբան, ով առարկում է նախագահող դատավորի գործողությունների դեմ, ստանում է դրա դիմաց տուգանք, մի քանի անգամ առարկում է, մի քանի անգամ ստանում է տուգանք, այնուհետև այդ տուգանք նշանակելու մասին որոշումը սկսվում է իրագործվել, իր հաշիվների, գույքի վրա կալանք է դրվում, միգուցե նաև բռնագանձվում է այդ գումարը, մյուս անգամ փաստաբանը սկսելու է կաշկանդվել»,- ասաց ՓՊ նախագահը՝ հավելելով, որ սրանում իրենք խնդիր են տեսնում:
Արա Զոհրաբյանը նշեց, որ այո, կան երկրներ, որտեղ նման սանկցիաներ հնարավոր են, բայց պետք չէ մոռանալ, որ այդ երկրներում արդարադատության համակարգի նկատմամբ հանրային վստահությունն էլ այլ մակարդակի վրա է, արդարադատության համակարգն էլ այլ որակի աշխատանք է տանում: «Եվ մենք չենք կարող այստեղից վերցնել միայն պատժամիջոցները և չվերցնել մյուս դրական հատկանիշները»,- հայտարարեց Արա Զոհրաբյանը: Այդ առումով ՓՊ-ն կարծում է, որ առնվազն պետք է երաշխիքներ տալ:
Արա Զոհրաբյանը նշեց, որ գործող Դատական օրենսգրքում նշված է, որ դատավորի օրինական կարգադրությունը չկատարելը առաջացնում է նման պատասխանատվություն, նախագծում «օրինական» բառը հանվել է, անհրաժեշտ է այն վերականգնել: ՓՊ-ն առաջարկում է նախատեսել մի պայման, որ փաստաբանի մասնագիտական պարտականությունը Վարքագծի կանոնագրքին համապատասխան կատարելու դեպքում չի կարող համարվել խախտում, կամ եթե դատավորի կողմից փաստաբանի կամ դատախազի նկատմամբ անհիմն տուգանքի սանկցիա է կիրառվել, ապա դա հիմք լինի դատավորի նկատմամբ կարգապահական վարույթ հարուցելու համար: «Սա մեզ համար կլինի լծակ՝ դատավորը հինգ անգամ կչափի, նոր մեկ անգամ կկտրի»,- գտնում է Արա Զոհրաբյանը: Նա հավելեց նաև, որ դատական տուգանքի սանկցիայի բողոքարկումն առնվազն պետք է կասեցնի դրա կատարումը:
«Փաստաբանները կընճվեն, իհարկե, կլինեն փաստաբաններ, որոնք չեն ընկճվի, բայց ես պատկերացնում եմ արդեն վերջում կունենանք սնանկ ճանաչված փաստաբաններ՝ իրենց անունով գույք չեն ունենա, կունենանք պարտքերի տակ մնացած փաստաբաններ:… Բայց մենք կամիկաձեների միություն չենք, մենք նորմալ իրավաբանների, ինտելեկտուալ մարդկանց միություն ենք և ուզում ենք նորմալ շախմատ խաղալ, ոչ թե գնանք ուրիշ բաներով զբաղվենք, ուրիշ սպորտաձևով»,- ասաց ՓՊ նախագահը:
Արա Զոհրաբյանը նշեց, որ Քաղաքացիական դատավարության օրենսգիրքը նոր խմբագրությամբ նույնպես առաջին ընթերցմամբ ընդունվեց Ազգային ժողովի կողմից՝ առանց իրենց կարծիքը հաշվի առնելու: Փաստաբանների պալատը չի հասցրել մեկ ամսվա ժամկետում այդ ծավալուն նախագծի մասին առաջարկություն կամ դիտողություն ներկայացրել: Ինչպես ՓՊ նախագահը տեղեկացել է ամփոփաթերթից, դատական համակարգն էլ չի ներկայացրել առաջարկություններ: Արդյունքում ստացվել է այնպես, որ օրինագիծն առաջին ընթերցմամբ ընդունվել է, մինչդեռ դրա վերաբերյալ երկու կարևորագույն օղակներ, որոնք հենց այդ օրինագծի աշխատացնողն են լինելու, իրենց կարծիքը չեն հայտնել:
«Ես նկատում եմ գործադիր և օրենսդիր իշխանության ներկայացուցիչների կողմից արհամարհական վերաբերմունք մասնագիտացված կառույցների նկատմամբ»,- ասաց Արա Զոհրաբյանը՝ հավելելով, ինտելեկտուալ հարթակը թողած, «դո՞ւրս գանք, ի՞նչ անենք, ցուցապաստառներով Ազգային ժողովի, կառավարության մոտ կանգնե՞նք»: ՓՊ նախագահը նկատեց, որ այդ ճանապարհն ընտրելու դեպքում ավելի թիրախային քայլեր կարող են կատարել:
ՓՊ նախագահը կոչ արեց ԱԺ նախագահին՝ պահանջելով Ազգային ժողովից հնարավորություն ընձեռել մասնագիտացված կառույցների հետ քննարկում կազմակերպել այս կարևոր օրինագծերի վերաբերյալ:
Արդյոք դատական տուգանքի կիրառման դրույթը որևէ կերպ բխում է ներկայումս ընթացող աղմկահարույց գործերից հարցին ի պատասխան Արա Զոհրաբյանը նշեց, որ երբ որ պետական մարմինը տեսնում է, որ մի կառույցի միջոցով հնարավոր չէ ինչ-որ մի բան կարգավորել, ինքը սկսում է շրջանցել այդ կառույցը: ՓՊ նախագահը նշեց, որ աղմկահարույց դատավարությունների շրջանակում ՓՊ-ն փաստաբանների նկատմամբ 80-ից ավելի սանկցիաների որոշումներ է ստացել: Պալատի խորհուրդը դրանց մեծ մասը կարճել է, և այդ առումով միգուցե դատավարական գործընթացների ազդեցության տեսակետից ՓՊ-ն պետական մարմինների համար արդեն շրջանցման ենթակա մարմին է՝ որևէ մի կառույց չի կարող ճնշել Փաստաբանների պալատին, և հետևաբար մտածում են, որ միգուցե Պալատին պետք է հանել խաղից դուրս և անմիջական ազդեցություն ունենալ փաստաբանի վրա:
«Ես այդտեղ այդ միտումը տեսնում եմ, բայց դա չի նշանակում, որ Փաստաբանների պալատը պետք է փաստաբաններին դիտավորյալ պատժի անհիմն տեղը, որպեսզի ասի՝ չէ, թողեք այդ հարցը մենք կարգավորենք»,- ասաց Արա Զոհրաբյանը՝ հավելելով, որ ՓՊ Խորհուրդը դատարանների սանկցիաների վերաբերյալ օբյեկտիվ որոշումներ է կայացրել՝ որտեղ փաստաբանը խախտում է թույլ տվել, պատասխանատվության է ենթարկել, որտեղ թույլ չի տվել՝ գործերը կարճել է:
Վիճակագրությունը ցույց է տալիս, նշեց Արա Զոհրաբյանը, մեծ մասամբ սանկցիաները դատավորների ոչ ճիշտ որոշումներն, ոչ ճիշտ վարքագիծն է եղել: Օրինակ՝ դատավորը հետաձգել է գործի քննությունը առանց ժամկետ նշելու, հետո վերսկսելուց հետո տեսնելով, որ փաստաբանը բացակայում է, սանկցիա է կիրառել նրա նկատմամբ ու ուղարկել ՓՊ:
Արա Զոհրաբյանը նշեց, որ մինչև ԱԺ-ում հիշյալ օրինագծերի երկրորդ ընթերցումը փորձելու են ԶԼՄ-ների միջոցով իրենց ձայնը լսելի դարձնել պետական մարմիններին: Չի բացառվում, որ «մենք էլ անցնենք օրենքով չարգելված այլ խաղաղ միջոցների»:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/20/2024 08:23 Արամ Սարգսյանի մտերիմին 1 բուլդոզերի համար 700 հազար դոլար են տվել․«Հրապարակ»
- 04/20/2024 08:18 Արցախի վերնախավը հավաքվել էր․ «Հրապարակ»
- 04/20/2024 08:13 Փաշինյանի հերթական նվերը՝ Ադրբեջանի․ «Հրապարակ»
- 04/20/2024 08:10 Տավուշում սահմանազատման և սահմանագծման գործընթացը բխում է նոյեմբերի 9-ի փաստաթղթից. «Ժողովուրդ»
- 04/20/2024 08:07 Վահագն Հովակիմյանն ու ՄԻՊ-ը կգնան ԱԺ․ «Հրապարակ»
- 04/20/2024 08:05 Մինչ Տավուշի հողերի հանձնման հարցն էր լուծվում , Փաշինյանը բեմականացում էր վայելում․«Հրապարակ»
- 04/20/2024 07:41 Կոռուպցիայի կանխարգելման հանձնաժողով հանձնված գրությունների մեծ մասը ՀՀԽ անդամների այլ վճարովի աշխատանքի անհամատեղելիության վերաբերյալ են. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
- 04/20/2024 12:22 Վերջ չկա. Հաջորդ «կայարանը» Ազատամուտ և Կայան գյուղերն են, հետո՝ Տիգրանաշենը. Էդգար Էլբակյան
- 04/20/2024 11:49 Մի՜ հավատացեք բանսարկուներին. Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է. ԱԺ փոխխոսնակ
Արխիվ
Արտակարգ պատահարներ
- 04/20/2024 14:33 Արտակարգ դեպք՝ Երևանում. կինը տղային իր փոխանցելիս ընկել է հորը. shamshyan.com
- 04/20/2024 13:17 Անհետ կորած տղամարդու դին գտել են Ջրվեժի ձորում՝ նեխած ու հոշոտված. shamshyan.com
- 04/20/2024 11:03 Էրեբունիում 8-րդ դասարանցին պնևմատիկ ատրճանակից կրակել է 9-դ դասարանի երկու երեխաների վրա. shamshyan.com
- 04/20/2024 10:55 Երեկվա քամին ծառեր է շրջել, տանիքներ պոկել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ