ԲՈԼՈՐ ՆՅՈՒԹԵՐԸ
Ապստամբության բնական իրավունքն իրացրած անձինք ենթակա չեն քրեական պատասխանատվության. Մուշեղ Շուշանյան 11/22/2017 19:31 | Դատական ռեպորտաժներ
«Սասնա Ծռեր»-1-ի գործով այսօրվա դատական նիստում դատարանի նկատմամբ անհարգալից վերաբերմունքի պատճառաբանությամբ դատարանի դահլիճից մեկ ժամով հեռացվեց Արայիկ Խանդոյանը: Մինչ այդ նա իր դժգոհությունն էր հայտնել իրենց «ամբաստանյալ» բառով դիմելու կապակցությամբ՝ ընդգծելով, որ իրենք ապստամբներ են:
Դատարանը միաժամանակ դատական սանկցիա՝ նախազգուշացում, կիրառեց նաև մեղադրողի հանդեպ, ով, դատարանի գնահատմամբ, հակադարձել էր Ա.Խանդոյանին:
Արայիկ Խանդոյանի պաշտպան Արա Ղարագյոզյանը միջնորդեց ամբաստանյալին ներս բերել դահլիճ, որպեսզի իր պաշտպանյալը հրաժարվի իր ծառայություններից, քանի որ վերջինիս բացակայությամբ ինքը լիազորված չէ նրա շահերը ներկայացնել, իսկ մյուս պաշտպան Արայիկ Պապիկյանը միջնորդեց ամբաստանյալին վերադարձնել դահլիճ: Ըստ պաշտպանի, իր պաշտպանյալը որևէ անհարգալից վերաբերմունք չի դրսևորել դատարանի հանդեպ, հակառակը, նրա ու նրա պաշտպանների նկատմամբ է անհարգալից վերաբերմունք դրսևորվել:
Դատարանն ընդգծեց, որ դատական սանկցիան իրավաչափ է, սակայն թեև սանկցիայի գործողության ժամկետը չի լրացել, որոշեց վերանայել իր որոշումն, ու Արայիկ Խանդոյանին վերադարձնել դատական նիստերի դահլիճ՝ դատական քննության ողջամիտ ժամկետը չխախտելու մտահոգությունից ելնելով:
Պաշտպան Դավիթ Գյուրջյանն իր հերթին միջնորդեց պարտավորեցնել մեղադրող Արամ Արամյանին ներկայացնել պատշաճ լիազորագիր՝ ըստ նրա, գործում լիազորագիր առկա չէ:
Դատարանը գտավ, որ գործում առկա է լիազորագիրը. մասնավորապես, առկա է նախորդ դատավոր Արտուշ Գաբրիելյանին ուղղված դատախազի վերադասի գրությունը դատախազ Արամ Արամյանին լիազորելու մասին: Ըստ դատարանի, այն որ, գործից մասն անջատվել է պատճենահանման եղանակով, չի նշանակում, որ դատախազները կորցրել են իրենց լիազորությունները:
Սմբատ Բարսեղյանի պաշտպան Հայկ Ալումյանն առարկեց դատարանի գործողությունների դեմ՝ նշելով, որ պետք չէ նույնացնել գործից մաս անջատելը պատճենահանման հետ, սա ուրիշ քրեական գործ է: Ըստ պաշտպանի, սա ևս մեկ անգամ ցույց է տալիս, որ դատարանը կաշկանդված է գործից անջատված մասերով դատավորների կայացրած որոշումներով՝ նախօրեին Սասնա Ծռերից անջատված մեկ այլ գործով դատարանը մերժել է նույնաբովանդակ միջնորդությունը:
Հայտարարությանը հետևեց դատարանին ինքնաբացարկ հայտնելու փաստաբան Դավիթ Գյուրջյանի միջնորդությունը: Ըստ պաշտպանի, դատարանն ակնհայտ կանխակալ ու կողմնակալ է, պատրաստ է կոպտորեն խախտել օրենքը՝ միայն թե մեղադրող կողմին ոչ ձեռնտու գործողություն չկատարի:
Դատարանը մերժեց միջնորդությունը, քանի որ ըստ դատարանի որոշման, բացակայում է որևէ օբյեկտիվ հիմք ինքնաբացարկ հայտնելու համար:
Պաշտպան Հայկ Ալումյանը միջնորդեց տվյալ գործի քննությունը չանցկացնել մի դահլիճում, որտեղ և որից դուրս մի քանի ամիս առաջ դատական նիստի ընդմիջմանը Մարդու իրավունքների եվրոպական կոնվենցիայով արգելված բռնություն, անմարդկային վերաբերմունք՝ ընդհուպ մինչև խոշտանգման շեմը հասնող, է դրսևորվել գործով մի շարք ամբաստանյալների նկատմամբ: «Այս դատական դահլիճը դեպքի վայր է, որի վերաբերյալ գործ է քննվում ՀՔԾ-ում»,- ասաց Հ.Ալումյանը՝ հավելելով, որ բռնության ենթարկված մարդկանց համար արդարադատությունը տեսանելի չէ, երբ դատավորի գիտությամբ իրենց նկատմամբ այդպիսի վերաբերմունք է դրսևորվել: Պաշտպանը նախօրոք խնդրեց, որ դատարանը որոշում կայացնելիս, իսկ մեղադրող կողմը կարծիք հայտնելիս չհղեն անմեղության կանխավարկածի սկզբունքին՝ այն վերաբերվում է ոչ թե հանցագործությանը, այլ կոնկրետ անձանց, ուստի տվյալ դեպքում չի խախտվում անմեղության կանխավարկածի սկզբունքը:
Մի շարք պաշտպաններ պահանջեցին միջոցներ ձեռնարկել, որպեսզի ենթադրյալ բռնություն կատարողներն այլևս չշփվեն տուժող ճանաչված իրենց պաշտպանյալների հետ:
Դատարանը գտավ, որ պաշտպանական կողմը կարող է դիմել հիշյալ գործով նախաքննական մարմնին՝ խնդրելով դադարեցնել հիշյալ ոստիկանների լիազորությունները, իսկ դատարանը չի կարող բավարարել միջնորդությունը, չի կարող կազմալուծվել դատարանի աշխատանքը, հիշյալ դահլիճում նիստերի անցկացումը չի կարող ազդել արդար դատաքննության վրա, ինչի երաշխավորն ինքն է՝ նախագահող դատավորը:
Այսօր դատարանը քննեց ու մերժեց մի շարք պաշտպանների միջնորդությունները իրենց պաշտպանյալներին կալանքից ազատ արձակելու վերաբերյալ: Մասնավորապես, մերժվեցին Էդվարդ Գրիգորյանի ու Սեդրակ Նազարյանի պաշտպան Լուսինե Սահակյանի միջնորդությունները: Դատարանը մերժեց նաև Պավել Մանուկյանի ու Մխիթար Ավետիսյանի պաշտպան Ինեսսա Պետրոսյանի, Վարուժան Ավետիսյանի պաշտպան Մուշեղ Շուշանյանի միջնորդություններն իրենց պաշտպանյալներին ազատ արձակելու կամ գրավ կիրառելու մասին:
Ըստ Մուշեղ Շուշանյանի, ապստամբության բնական իրավունքն իրացրած իրենց պաշտպանյալները ենթակա չեն քրեական պատասխանատվության: Ըստ նրա, սա իրավական գործընթաց չէ, հաշվեհարդար է, իսկ իրենց պաշտպանյալները ռազմագերիներ ու քաղաքական պատանդներ են: Վարուժան Ավետիսյանն իր հերթին հավելեց, որ քրեական օրենսգիրքը կապված չէ ապստամբության իրավունքի հետ:
Դատարանը մերժեց Հայկ Ալումյանի միջնորդությունը նաև մյուս երկու գործերով վկաների, տուժողների ու ամբաստանյալների հարցաքննություններին, ինչպես նաև մյուս ապացույցների հետազոտմանը և ապացույցների թույլատրելիությանը վերաբերող միջնորդությունների քննարկմանն իր պաշտպանյալ Սմբատ Բարսեղյանին մասնակից դարձնելու մասին: Դատարանը նշեց, որ ինքն այլ դատարանների հետ կապված որոշումներ ընդունելու նման լիազորություն չունի:
Դատարանը մերժեց նաև պաշտպան Հարություն Բաղդասարյանի միջնորդությունը տուժող Արթուր Վանոյանի անվամբ դպրոցն անվանակոչելու մասին Կրթության նախարարությունից փաստաթղթեր պահանջելու մասին: Դատարանը գտավ, որ դա իր գործառույթից դուրս է:
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/24/2024 18:54 Հրդեհ Կամո գյուղում
- 04/24/2024 17:33 Նոր Գեղիում բախվել են «Mercedes»-ը, «06»-ն ու տրակտորը. պապը, տատը, նրանց դուստրն ու 2 անչափահաս թոռները տեղափոխվել են հիվանդանոց
- 04/24/2024 13:15 Եղանակը առաջիկա 5 օրերին
- 04/24/2024 10:18 Քաղաքացին նախկին ճոպանուղու շենքի 2-րդ հարկից ընկել է զրոյական հարկ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ