Փաստ ինֆո

Ավրորա Պերրինոն, ով «Մնալ ողջ» սերիալից հայտնի, դերասան Հարոլդ Պերրինոյի դուստրն է, մեղադրել է կինոմատոգրաֆիստ Մյուրրեյ Միլլերին բռնաբարության մեջ: Միջադեպն, ինչպես պնդում է աղջիկը, տեղի է ունեցել 2012թ., երբ ինքը 17 տարեկան է եղել: Հերթական սեքսուալ սկանդալի մասին պատմում է The Wrap պորտալը:

Ըստ աղջկա, այն ժամանակ 35-ամյա Միլլերի հետ ինքը ծանոթացել է Լոս Անջելոսի Standart օթելի բարում, որտեղ իր ընկերների ընկերակցությամբ ալկոհոլ էր խմում: Տղամարդը բացեիբաց սիրախաղ էր անում, Ավրորան մի քանի անգամ ասել է նրան, որ ինքն ընդամենը 17 տարեկան է:

Որոշ ժամանակ անց Մյուրրեյը խնդրել է Պերրինոյի ընկերներից մեկին իրեն տուն տանել, քանի որ «ինքը հարբած է»:

«Միլլերի տան մոտ մենք բոլորս մեքենայից դուրս եկանք: Ես դա չէի ուզում, սակայն զգում էի, որ ես պետք է լինեմ ընկերներիս կողքին»,- գրել է Ավրորան օկրուգի շերիֆին ներկայացված հայտարարության մեջ:

Ինչ է եղել հետո, ինչպես խոստովանում է աղջիկը, ինքը չի հիշում: Նա սթափվել է այն պահին, երբ մերկ պառկած է եղել անկողնում, իսկ Մյուրրեյ Միլլերն իրեն բռնաբարում է:

«Ես նրա հետ որևէ սեքսուալ շփման համաձայնություն չէի տվել»,- վստահ է Ավրորան:

Կինոմատոգրաֆիստի ներկայացուցիչները ժխտում են, որ տեղ է գտել բռնաբարություն: Ավելին, նրանք պնդում են, որ աղջիկը փորձում էր Մյուրրեյից ստանալ զգալի գումար՝ իր լռության դիմաց, իսկ ոստիկանություն գնացել է միայն այն բանից հետո, երբ վերջինս իրեն մերժել է: Ավրորա Պերրինոյի ընտանիքը տարակուսանք է հայտնել այդ մեղադրանքների կապակցությամբ, հայտարարելով, որ իրենց դստերը նեղացնողից չի խնդրել և ոչ մի դոլար:

Աղբյուր` Փաստինֆո