Փաստ ինֆո

Տարկետումը վերանայող «Զինվորական ծառայության և զինծառայողի կարգավիճակի» մասին օրենքի նախագծի դեմ ուսանողների նախաձեռնած բողոքի ակցիաներն աջակցություն են ստանում արտերկրից։

Այսօր Ագզային ժողովում «Զինվորական ծառայության և զինծառայողի կարգավիճակի» մասին օրենքի նախագծի քննարկման ժամանակ նման հայտարարությամբ է հանդես եկել Հանրապետական խմբակցության պատգամավոր Հայկ Բաբուխանյանը:

«Մեզ հասած տեղեկությունների համաձայն՝ «Հանրային օրակարգ» հասարակական կազմակերպությունը «Սորոսի» հիմնադրամից ստացել է 20 հազար դոլար գրանտ, որ պայքարի, քննադատի և վարկաբեկի ազգ-բանակ՝ մեզ համար կարևոր և մեծ նշանակություն ունեցող հայեցակարգը: Մի քանի օրվա մեջ է ստացվել այդ գրանտը:

Դրամաշնորհի պահանջների մեջ է դրված, որ համալսարանների ուսանողների կողմից կազմակերպվի քննադատության պրոցես, հետո ձևավորվեն ֆոկուս խմբեր, հետո՝ ինչ-ինչ երևույթներ: Այնպես որ, այն, ինչ մենք այսօր տեսնում ենք, «Սորոս» կոչվող չարիքի ազդեցության տակ է»,- հայտարարել է պատգամավորը:

Նշենք, որ արդեն 6-րդ օրն է, ինչ շարունակվու մէ մի շարք ուսանողների հայտարարած դասադուլը։ Բողոքի ակցիաներն իրականացնում են «Հանուն գիտության զարգացման» նախաձեռնության անդամները, որի 5 ներկայացուցիչ այսօր հայտարարել են հացադուլի մասին։ Նրանք անժամկետ հացադուլ են սկսել Երևանի պետական համալսարանի սոցիոլոգիայի, ինֆորմատիկայի և կիրառական մաթեմատիկայի ֆակուլտետների մասնաշենքի լսարաններից մեկում ։

Երևանի պետական համալսարանի առջև տեղի ունեցող ուսանողների դասադուլին այսօր միացել են նաեւ Երևանի Կոմիտասի անվան պետական կոնսերվատորիայից մոտ երեք տասնյակ ուսանողներ։

Աղբյուր` Փաստինֆո