Փաստ ինֆո

Մայրն, ով խոստովանել է, որ խեղդել է իր 9-ամյա որդուն Հելոուինի ժամանակ, պատմել է, որ արել է դա հանուն նրա փրկության: Երբ 47-ամյա Էմբեր Ջեյմսը կալանավորվել է, ոստիկանները նրա մոտ հայտնաբերել են սխտորի մի քանի պճեղ, լապտեր և սուրբ ջուր, հաղորդում է Mirror-ը:

Բժիշկները եկել էին Վաշինգտոնում ընտանիքի տուն, երբ տղան արդեն մահացած էր: Էմբերի պարանոցին նրանք հայտնաբերել էին կարմիր հետքեր, որոնք, դատելով ըստ ամենայնի, թողել էր զոհված տղան՝ փորձելով ազատվել մորից: Կնոջը բերման են ենթարկել ոստիկանական բաժանմունք նրա հոգեկան առողջությունը գնահատելու համար: Գտնվելով հիվանդանոցում՝ նա պատմել է, որ սպանել է երեխային մարդկանցից նրան փրկելու, պաշտպանելու համար:

«Նա նկարագրել է տղային որպես աշխարհի ամենալավ երեխայի: Նա պատմել է, որ աղոթում էր նրա համար, մշտապես մտածում էր նրա մասին ու լացում, իսկ հետո գրկել է նրան կոկորդից, որպեսզի նա այլևս չկարողանա շնչել»,- ասել է ոստիկանը:

Մանկական մահճակալի վերևում Էմբերը ճանկռել է բառեր՝ «հնձելու ժամանակը», «լրտեսներ», «ագահությունը սպանում է», «սեքս-առևտուր», «Աստված շուտով կգա»: Կինը նաև պատմել է ոստիկանությանը, որ մինչ այդ YouTube-ում նայել է վիդեո քաղաքական դավադրության մասին: Բացի այդ, նա հուզմունքի դեղեր էր ընդունում, սակայն նրա մոտ չէր ախտորոշվել որևէ հոգեկան խնդիր: Էմբերին, ում մոտ մնացել է ևս երկու երեխա, երկրորդ աստիճանի սպանության մեղադրանք է առաջադրվել:

Աղբյուր` Փաստինֆո