ԲՈԼՈՐ ՆՅՈՒԹԵՐԸ
Եթե անգամ բոլոր վնասվածքները պատճառվել են ամբաստանյալի կողմից, դրանցում բացակայում է դիտավորությունը. Հայկ Ալումյան 10/30/2017 23:25 | Դատական ռեպորտաժներ
Դատարանն այսօր հեռացել է խորհրդակցական սենյակ՝ ՀՀ քրեական օրենսգրքի 112-րդ հոդվածի 2-րդ մասի 14-րդ կետով (դիտավորությամբ առողջությանը ծանր վնաս պատճառելը, որն անզգուշությամբ առաջացրել է տուժողի մահը) մեղադրվող Արմեն Համազասպյանի վերաբերյալ դատական ակտ կայացնելու: Այն կհրապարակվի վաղը:
Այսօրվա դատական նիստում պաշտպանական ճառով հանդես է եկել ամբաստանյալի պաշտպան Հայկ Ալումյանը, ով միջնորդել է իր պաշտպանյալին առաջադրված մեղադրանքում ճանաչել անպարտ և արդարացնել: Նշենք, որ մեղադրողն իր ճառում պնդել էր մեղադրանքը և միջնորդել ամբաստանյալին դատապարտել ութ տարվա ազատազրկման:
Ըստ պաշտպանի, պնդելով մեղադրանքը՝ դատախազը և տուժող կողմն ուզում են ասել, որ քրեական գործով հաստատված է, որ Արմեն Համազասպյանը գիտակցել է, որ իր գործողությունների հետևանքով Արա Մաթևոսյանին պատճառվելու է ծանր մարմնական վնասվածք, մինչդեռ քրեական գործի նյութերը վկայում են հակառակի մասին:
Այսպես, մեղադրանքի կողմի վարկածը հանգում է նրան, որ Արմեն Համազասպյանը, վիճաբանության մեջ մտնելով իր մտերիմ Արա Մաթևոսյանի հետ, գիտակցել է, որ իր բռունցքի հարվածով կարող է կոտրել իրենից ֆիզիկապես անհամեմատ ավելի ուժեղ Արա Մաթևոսյանի գլուխը, բռունցքով հարված է հասցրել վերջինիս գլխին և կոտրել նրա գանգի թաղի և հիմի ոսկրերը:
Ըստ պաշտպանի, եթե անգամ Արա Մաթևոսյանի մարմնական վնասվածքները բոլորը պատճառված են եղել Արմեն Համազասպյանի կողմից և պատճառված են եղել մեղադրանքում նկարագրված պարագաներում, ապա նույնիսկ այդ դեպքում Արմեն Համազասպյանի գործողություններում բացակայել է Արա Մաթևոսյանին ծանր մարմնական վնասվածք պատճառելու ուղղակի կամ անուղղակի դիտավորությունը: Մասնավորապես, քրեական գործի նյութերով չի հաստատվում, որ Արմեն Համազասպյանն ուներ այդպիսի վնասվածք պատճառելու շարժառիթ: Եվ, որն ամենակարևորն է, քրեական գործում չկա որևէ ապացույց առ այն, որ Արմեն Համազասպյանը գիտակցել է, որ իր ձեռքի հարվածի հետևանքով Արա Մաթևոսյանի գլուխը կարող է կոտրվել:
Ծանր մարմնական վնասվածք պատճառելու դիտավորության բացակայության մասին են վկայում նաև Արմեն Համազասպյանի հետագա գործողությունները: Մասնավորապես, գործով հաստատված է, որ նա (դեռևս չիմանալով, որ Ա.Մաթևոսյանն ունի ծանր մարմնական վնասվածք), անմիջապես միջոցներ է ձեռնարկել Արա Մաթևոսյանի արյունահոսությունը դադարեցնելու, ցավը թուլացնելու ուղղությամբ, առաջարկել է տանել նրան բժշկի մոտ, ինչին վերջինս ակտիվորեն դիմադրել է: Այս հանգամանքը հաստատվում է ինչպես Արմեն Համազասպյանի, այնպես էլ՝ գործով վկաներ Անահիտ Ղազարյանի, Կոլյա Գրիգորյանի և Կարեն Հայրապետյանի ցուցմունքներով:
Այն, ինչ նկարագրում են մեղադրողը և տուժողի իրավահաջորդի ներկայացուցիչն իրենց ճառերում, հաստատվելու դեպքում կարող է վկայել միայն այն մասին, որ ծանր վնասվածքը պատճառված է եղել անզգուշությամբ, գտնում է պաշտպանը:
Այսինքն ՝ դեպքի պարագաներն ու հանգամանքները, որոնք նկարագրված են մեղադրանքի մեջ և մեղադրողի ու տուժողի իրավահաջորդի ներկայացուցչի ճառերում, վկայում են Արմեն Համազասպյանի կողմից Արա Մաթևոսյանին ծանր մարմնական վնասվածք հասցնելու նկատմամբ անզգույշ մեղքի, այլ ոչ թե դիտավորության մասին: Այսինքն՝ Արմեն Համազասպյանը չի նախատեսել իր հարվածների հետևանքով Արա Մաթևոսյանին ծանր մարմնական վնասվածք պատճառելու (բռունցքի հարվածով գանգը կոտրվելու) հնարավորությունը, թեև իրական հնարավորություն և պարտավորվածություն է ունեցել նախատեսել դա:
Եթե նույնիսկ հիմք ընդունել մեղադրանքի կողմի վարկածը և հաշվի առնել քրեական գործով անվիճելիորեն հաստատված մի շարք հանգամանքները (Արմեն Համազասպյանի և Արա Մաթևոսյանի մտերմությունը, Արմեն Համազասպյանի համեմատ Արա Մաթևոսյանի ֆիզիկական ուժի զգալի առավելությունը, այն, որ կոտրված է եղել Արա Մաթևոսյանի գանգի ոսկրի համեմատաբար հաստ հատվածը, այն, որ վիճաբանությունից անմիջապես հետո Արմեն Համազասպյանը տեղում օգնություն է ցուցաբերել և փորձել է Արա Մաթևոսյանին տանել բժշկի), ապա, այդ փաստերի նկատմամբ կիրառելով քրեական օրենքի նորմերը, հերքվում է ծանր մարմնական վնասվածքը դիտավորությամբ պատճառելու հանգամանքը:
Ըստ Հայկ Ալումյանի, գործը քննվել է թերի, որի հետևանքով մեղադրանքը գնահատելու համար էական նշանակություն ունեցող մի շարք հանգամանքներ մնացել են չպարզված:
Մասնավորապես, դեպքը տեղի է ունեցել երկու բարձրահարկ բազմաբնակարան շենքերի մոտ, դրանցից 20-50 մետր հեռավորության վրա, շենքերի պատուհաններից ուղիղ տեսանելիության և լսելիության գոտում: Դեպքը տեղի է ունեցել այն ժամին, երբ բնակիչների մեծամասնությունն արդեն վերադարձած են լինում տուն և դեռ քնած չեն լինում: Գործով հաստատվել է, որ դեպքը զուգորդված է եղել բղավոցներով և վիրավորական արտահայտություններով: Չնայած դրան, ոչ ոստիկանությունը, ոչ քննչական մարմինը, ոչ դատախազությունը և ոչ էլ Դատարանը չեն կարողացել գտնել և հարցաքննել դեպքի որևէ ականատեսի:
«Նման պայմաններում Արմեն Համազասպյանի ցուցմունքները պետք է հիմք ընդունվեն, քանի որ տեղեկության այլ աղբյուր ներկա պահին պարզապես գոյություն չունի: Պետք է հիմք ընդունվի նաև տուժողի կնոջ հայտնած այն տեղեկությունը, որ Արա Մաթևոսյանն ընկել է և գլուխը հարվածել քարե մակերեսի, քանի որ այդ ցուցմունքը հիմնված է հենց Արա Մաթևոսյանի բառերի վրա»,- նշել է Հ.Ալումյանը:
Ըստ պաշտպանի, գործով միանշանակորեն հաստատված է, որ դեպքի վայր համարվող տեղանքից Արա Մաթևոսյանը գնացել է ինքնուրույն, նստելով իր ավտոմեքենայի ղեկին և վարժ վարելով այն: Պարզաբանված չէ նաև այն հարցը, թե ինչպե՞ս կարող էր գանգոսկրի կոտրվածք ստացած և ուղեղի զարգացող արյունազեղում ունեցող մարդը պահպանել կողմորոշումը տարածության մեջ և այն որակները, որոնք անհրաժեշտ են ավտոմեքենա վարելու համար: Այս հարցը էլ ավելի է կարևորվում, հաշվի առնելով տուժող կողմի հնչեցրած այն պնդումները, որ հնարավոր է Արա Մաթևոսյանի մասնակցությամբ ծեծկռտուք տեղի է ունեցել նաև մեկ այլ վայրում և այլ անձանց մասնակցությամբ:
Պաշտպանն ընդգծել է, որ գործով վկա Արծրուն Գրիգորյանի նախաքննական ցուցմունքները, որոնց վրա մեծապես հիմնվել է թե՛ մեղադրողը և թե՛ տուժողի իրավահաջորդի ներկայացուցիչը, չի կարող դրվել մեղադրական դատավճռի հիմքում: Գործը դատարանում քննվելու ժամանակաշրջանում վկան առավելապես գտնվել է Հայաստանում, չնայած դրան՝ ՀՀ ոստիկանությունն այդպես էլ չի ներկայացրել նրան դատարան, որի հետևանքով խախտվել է Արմեն Համազասպյանի՝ «Մարդու իրավունքների և հիմնարար ազատությունների պաշտպանության մասին» Եվրոպական կոնվենցիայի 6-րդ հոդվածի 3-րդ կետի «դ» ենթակետով երաշխավորված հակընդդեմ հարցման իրավունքը, այն է՝ հարցաքննելու իր դեմ ցուցմունք տված վկաներին:
Հարակից հրապարակումներ`
Տեսանյութեր
03/29/2024 11:55 Աննկարագրելի քաոս էր,երեխաներին ասել ենք՝ չխոսեք,վերև չնայեք, թուրքերի միջով ենք գնում.գաղթը՝ ՇոշիցՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել