Փաստ ինֆո

Արաբկիր և Քանաքեռ-Զեյթուն վարչական շրջանների ընդհանուր իրավասության դատարանը մերժել է փաստաբան Գայանե Գալոյանին գրավով ազատ արձակելու վերաբերյալ նրա պաշտպանի ներկայացրած միջնորդությունը: Այդ մասին «Փաստինֆո»-ի թղթակիցը տեղեկացավ Գայանե Գալոյանի պաշտպան Մնացական Ղազարյանից:

Հիշեցնենք, որ Գայանե Գալոյանը կալանավորվել է Հատուկ քննչական ծառայությունում քննվող կաշառքի վերաբերյալ գործի շրջանակներում և մինչև կալանավորման որոշումը Գալոյանի ինքնազգացողությունը վատացել է, դատարան է հրավիրվել շտապօգնություն և դեղորայքի միջոցով փորձ է արվել բարձր զարկերակային ճնշումը կարգավորել, սակայն նա հոսպիտալացվել էր շաքարախտի պատճառով և գտնվում էր Երևանի հիվանդանոցներից մեկի ինտենսիվ թերապիայի բաժանմունքում:

Սեպտեմբերի 29-ին փաստաբան Գալոյանը տեղափոխվել է «Աբովյան» քրեակատարողական հիմնարկ:

Պաշտպանից նաև տեղեկացանք, որ այս ընթացքում Գալոյանի մասնակցությամբ քննչական գործողություն է իրականացվել՝ առրեսում է կատարվել Գալոյանի և վերջինս նախկին պաշտպանյալի միջև:

Հիշեցնենք նաև, որ Վերաքննիչ քրեական դատարանը մերժել էր Գալոյանին կալանավորվելու վերաբերյալ առաջին ատյանի դատարանի որոշման եմ պաշտպանի բերած բողոքը, այս որոշման դեմ պաշտպանը Վճռաբեկ բողոք է բերել:

Գայանե Գալոյանին մեղադրանք է առաջադրվել ՀՀ քրեական օրենսգրքի 38-311-րդ հոդվածի 4-րդ մասի 2-րդ կետով:

Աղբյուր` Փաստինֆո