Փաստ ինֆո

Տղամարդու կողմից կնոջն առանձին դաժանությամբ խոշտանգելու վերաբերյալ գործով այսօր դատարանում որպես վկա հարցաքննվեց դատաբժիշկ փորձագետ Աշոտ Դալլաքյանը:

Ըստ փորձագիտական եզրակացության, տուժող կնոջ առողջությանն ընդհանուր առմամբ պատճառվել է թեթև վնաս՝ առողջության կարճատև քայքայմամբ, որը տևել է վեց օրից ոչ պակաս և 21 օրից ոչ ավելի:

Փորձագետն ի պատասխան մեղադրողի հարցին հաստատեց, որ տուժողը վնասվածքները պատճառվել են մի քանի հարվածի հետևանքով, վնասվածքների մի մասը կարող էր առաջանալ հարվածներ ստանալուց հետո վայր ընկնելու հետևանքով: Փորձագետը՝ ի պատասխան դատարանի հարցի, չբացառեց նաև, որ վնասվածքներ կարող էին առաջանալ տուժողին գետնով քաշ տալու հետևանքով:

Այսօրվա դատական չէր ներկայացել գործով երկու վկա՝ նրանցից մեկը գրությամբ դատարանին հայտնել էր, որ գտնվում է Արցախում, իսկ մյուսը հայտնել էր, որ ի վիճակի չէ ներկայանալ դատարան, երկու վկան էլ խնդրել էին հիմք ընդունել իրենց նախաքննական ցուցմունքները:

«Որ ասեմ ինչ-որ բան եմ տեսել՝ չէ». խոշտանգման գործով վկա

Ամբաստանյալ Հայրապետ Թորոսյանի պաշտպան Թամարա Բաղդասարյանը հայտարարեց, որ իրենք դեմ են վկաների նախաքննական ցուցմունքների հրապարակմանը, քանի որ չեն սպառվել դատարանում նրանց ներկայությունը ապահովելու բոլոր միջոցները:

Ի դեպ, նախաքննության ընթացքում ամբաստանյալը հրաժարվել է վկաներից մեկի հետ առերես հարցաքննվելուց, այն է՝ իր հակընդդեմ հարցման իրավունքից:

Դատարանը միջոցներ կձեռնարկի հաջորդ դատական նիստին նրանց ներկայությունն ապահովելու համար:

Ավելի վաղ տեղեկացրել ենք, որ ըստ մեղադրանքի, Հայրապետը 2016թ. հոկտեմբերի 27-ին ժամը 19:00-ի սահմաններում Երևանի Ն.Շենգավիթ 4-րդ փողոցի 14 հասցեի տան բակում առանձին դաժանությամբ կնոջը պատճառել է ֆիզիկական ուժեղ ցավ և հոգեկան ուժեղ տառապանք:

Աղբյուր` Փաստինֆո