Փաստ ինֆո

Արդարադատության եվրոպական դատարանը մերժել է Հունգարիայի և Սլովակիայի հայցերը, որոնք պահանջում էին վերացնել 2015թ. ներդրված միգրանտեր ընդունելու քվոտաները:

Հունգարիան չի ընդունել և ոչ մի միգրանտ վերջիններիս տեղաբաշխման քվոտաների եվրոպական համակարգի երկու տարի առաջ ուժի մտնելուց ի վեր, ինչը պետք է նվազեցներ ճնշումն այնպիսի երկրների վրա, ինչպիսին են Հունաստանն ու Իտալիան, որտեղ ուղղվում էր Եվրոպա ժամանող միգրանտների հիմնական զանգվածը:

Այդ համակարգի շրջանակներում ընդունվել էր ընդամենը 28 հազար միգրանտ, թեև դրա հաստատման պահի դրությամբ ենթադրվում էր, որ այն կընդգրկի մինչև 160 հազար մարդու:

Ըստ BBC-ի ռուսական ծառայության, Հունգարիան, Սլովակիան, Չեխիան և Ռումինիան քվեարկել են քվոտաներ ներդնելու դեմ: Սակայն եվրոպական իշխանությունները Լյուքսեմբուրգում հայտարարել են, որ քվոտաների համակարգը պարտադիր է ԵՄ բոլոր երկրների համար, անկախ նրանից, թե նրանք քվեարկե՞լ են, արդյոք, հօգուտ դրա: Հունգարիան պետք է ընդուներ 1294 փախստականի, Սլովակիան՝ 802-ի:

Այսօրվա դրությամբ Սլովակիան ընդունել է միայն տասնյակին մոտ փախստականների:

Հայցերով դիմելով Արդարադատության եվրոպական դատարան՝ Հունգարիան և Սլովակիան պնդում էին, որ քվոտաների համակարգ ընդունելու ժամանակ թույլ են տրվել ընթացակարգային խախտումներ և որ քվոտաները միգրացիոն ճգնաժամին ի պատասխան հավասարազոր միջոց չեն:

Երկու երկրների դատական իշխանությունները հայտարարել էին, որ քվոտաների համակարգը ուժեղացնում է իսլամական ահաբեկչության վտանգը և սպառնալիք է ներկայացնում էթնիկական առումով միատարր իրենց հասարակությունների համար:

Նրանց հայցերը պաշտպանել է Լեհաստանը, որտեղ իշխանության է եկել աջ կառավարությունը:

Սակայն այժմ նրանք մերժված են ԵՄ բարձրագույն դատական ատյանի կողմից, որի որոշման մեջ ասվում է, որ դատարանը մերժում է Հունգարիայի և Սլովակիայի կողմից ներկայացված հայցերը ապաստարան տալու խնդրանքով դիմած փախստականների պարտադիր տեղաբաշխման ժամանակավոր մեխանիզմի վերաբերյալ:

«Այդ մեխանիզմն օգնում է Հունաստանին ու Իտալիային հաղթահարել 2015թ. միգրացիոն ճգնաժամի հետևանքները և համամասնական միջոց է»:

Դատարանի որոշումը վերջնական է և ենթակա չէ բողոքարկման:

Հունգարիան, Լեհաստանը և Չեխիան կարող են նաև բախվել Եվրոպական հանձնաժողովի կողմից դատական միջոցների՝ փախստականների տեղաբաշխման պարտադիր ծրագրի չկատարման հետ կապված:

Եվրոպական հանձնաժողովը կարող է Արդարադատության եվրոպական դատարանում հայցեր հարուցել ծրագրի չկատարման համար և պահանջել զգալի տուգանքներ վճարել:

Աղբյուր` Փաստինֆո