Մասնավոր մուլտիպլեքսորի լիցենզավորման պայմանները չեն համապատասխանում ոլորտի զարգացման արդի պահանջներին

ԲՈԼՈՐ ՆՅՈՒԹԵՐԸ

Բոլորը

04/09/2020 13:40 3750 հղի կին աջակցություն կստանա. Ծրագիրը կմեկնարկի վաղը 04/10/2020 14:21 Վիրուսի շրջանառությունը, որպես այդպիսին, վերահսկողությունից դուրս է եկել 04/08/2020 23:30 Կինը գրգռվածություն է զգացել եւ ամիսներ շարունակ խուսափել է սեքսից՝ հազվադեպ հիվանդության պատճառով 04/10/2020 11:05 Մահացել է կորոնավիրուսով եւս մեկ հիվանդ, ընդհանուր վարակակիրների թիվը հասել է 937-ի 04/09/2020 19:25 Ֆրանսիան սրտից չհանեց Նապոլեոնին, երբե՛ք չի հանելու. Հարցազրույց Ալվարդ Պետրոսյանի հետ 04/09/2020 19:12 Կաշառք վերցնելու համար ԱԱԾ-ն ձերբակալել է Դավիթաշենի բաժանմունքի պետին, տեղակալին եւ օպերատիվ ծառայողին․ Araratnews.am 04/09/2020 14:56 Ռոբերտ Քոչարյանը դատի է տվել ՀՀ-ին՝ ի դեմս Քրեակատարողական ծառայության. պահանջում է կանխել իրավունքները խախտող գործողությունները 04/09/2020 16:09 Աննա Դանիբեկյանը պետպատվերով ենթարկվել է քթի վիրահատության, ուստիեւ հետաձգվում է Քոչարյանի գործով քննությունը. Մանթաշյան 04/10/2020 15:45 Արմեն Ամիրյանը չի հարցաքննվել. Նա մամուլից է տեղեկացել քրեական գործի մասին 04/09/2020 11:04 Կորոնավիրուսով վարակակիրների թիվը հասել է 921-ի․ մեկ մարդ մահացել է 04/09/2020 17:47 Ոստիկանության Դավթաշենի բաժանմունքում ԱԱԾ-ն գործողություններ է իրականացրել հարուցված քրեական գործի շրջանակներում 04/09/2020 17:45 Հնդկաստանի քաղաքացուց շորթմամբ կաշառք ստանալու մեջ մեղադրվող ԱԱԾ պաշտոնյաները գրավի դիմաց ազատ կարձակվեն 04/10/2020 13:02 Նա պաշտպանել է մեզ ա՛յն ժամանակ, երբ մեզ պաշտպանություն էր անհրաժեշտ. «Նախագահ Քոչարյանի ազատության հանձնախումբն» 04/10/2020 13:22 ՀՀ մշակույթի նախկին նախարարի վերաբերյալ քրեական գործ է հարուցվել 04/10/2020 09:28 Աժ նախկին պատգամավոր Արթուր Գևորգյանի նկատմամբ հետախուզում է հայտարարվել 04/10/2020 15:14 «Դատավորի» վիրահատությունը, վիրահատական սեղանին մահացած արդարադատությունը ու անմարդկային վերաբերմունքի մաստեր կլասը» 04/09/2020 21:25 Դատավորը պատասխանատվություն է կրում յուրաքանչյուր կալանավորված անձի կյանքի և առողջության համար.Վարդևանյան 04/09/2020 14:31 Անմարդկային վերաբերմունքը շարունակվում է նույնիսկ հեղափոխությունից հետո.փաստաբան 04/09/2020 10:40 Փրկարարները տեղափոխել են դին եւ տունն ախտահանել 04/09/2020 12:44 Փոխվարչապետը մանրամասնում է որ ապրանքներն են էժանանալու

Մասնավոր մուլտիպլեքսորի լիցենզավորման պայմանները չեն համապատասխանում ոլորտի զարգացման արդի պահանջներին 08/08/2017 15:44 | ԼՐԱՀՈՍ

Օգոստոսի 4-ին Հեռուստատեսության եւ ռադիոյի ազգային հանձնաժողովը չկայացած է հայտարարել մասնավոր մուլտիպլեքսորի գործունեության լիցենզավորման համար իր կազմակերպած մրցույթը՝ սահմանված ժամանակահատվածում (ս. թ. մայիսի 2-ից օգոստոսի 2-ը) դիմում չներկայացվելու հիմքով: Հիշեցնենք, որ նույն ճակատագրին էր արժանացել նաեւ անցյալ տարի անցկացված առաջին մրցույթը։ Իրավիճակի վերաբերյալ հայտարարությամբ են հանդես եկել լրագրողական կազմակերպությունները, որտեղ մասնավորապես ասվում է,

«Այս փաստը վառ ապացույց է, որ «Հեռուստատեսության եւ ռադիոյի մասին» ՀՀ օրենքում նախատեսված՝ մասնավոր մուլտիպլեքսորի ստեղծման ու լիցենզավորման պայմանները չեն համապատասխանում հեռարձակման ոլորտի զարգացման արդի պահանջներին, համահունչ չեն այդ դաշտում առկա մարտահրավերներին, ինչպես նաեւ հրապուրիչ չեն ձեռնարկատիրության տեսանկյունից։ Մասնավորապես՝ անընդունելի է այստեղ փոքր ու միջին ձեռնարկությունների ձեւավորման բացառումը։ Օրինակ, այն օրենսդրական դրույթը՝ համաձայն որի մասնավոր մուլտիպլեքսորը պետք է ընդգրկի Հայաստանի ամբողջ տարածքը, իսկ համայնքային եւ մարզային ծածկույթ ունեցող մուլտիպլեքսոր չի նախատեսվում, ոչ մի լավ հեռանկար չի խոստանում ոլորտին։

Վերոհիշյալ մրցույթի չկայանալը նշանակում է, որ թվային հեռարձակման հանրային ցանցը, այսինքն՝ պետական մուլտիպլեքսորը, անորոշ ժամանակով պահպանելու է իր մենաշնորհ դիրքը։ Բացի դա, զավեշտալի իրավիճակում են հայտնվում մարզերում գործող 10-ից ավելի այն հեռուստաընկերությունները, որոնք շարունակում են աշխատել անալոգային ռեժիմով եւ կարող են անցնել թվային հեռարձակման միայն մասնավոր մուլտիպլեքսորի առկայության դեպքում։

Մենք՝ ներքոստորագրյալ կազմակերպություններս, բազմիցս բարձրաձայնել ենք այս խնդիրները եւ առաջարկել ենք դրանց լուծումները՝ սկսած 2010 թվականից, երբ, ըստ էության, ընդունվում էր «Հեռուստատեսության եւ ռադիոյի մասին» նոր օրենք, եւ հատկապես՝ 2015թ. դեկտեմբերի 18-ից հետո, երբ առանց որեւէ հանրային քննարկման իշխանությունները անհեռատես փոփոխություններ եւ լրացումներ կատարեցին այդ օրենքում։ Սակայն խորհրդարան ներկայացված մեր առաջարկներն ու օրինագծերն այդպես էլ շրջանառության մեջ չդրվեցին։

Հաշվի առնելով վերոգրյալը՝ մենք պահանջում ենք.

- ՀՀ Ազգային ժողովից՝ անդրադառնալ հեռարձակման ոլորտի խնդիրներին եւ նախաձեռնել դրանց օրենսդրական լուծումները՝ կազմակերպելով հանրային քննարկումներ այլընտրանքային գաղափարների շուրջ եւ շրջանառության մեջ դնելով խորհրդարան ներկայացված նախագծերը,

- Հեռուստատեսության եւ ռադիոյի ազգային հանձնաժողովից՝ վերանայել ոլորտի կարգավորման համար մինչ օրս որդեգրած սկզբունքներն ու մոտեցումները եւ ակտիվ քայլեր ձեռնարկել հեռարձակմանը վերաբերող օրենսդրության բարեփոխման ու ծագած բազմաթիվ այլ խնդիրները լուծելու ուղղությամբ։

Տարիներ շարունակ ուսումնասիրելով հեռարձակման ոլորտը, մենք՝ լրագրողական կազմակերպություններս, մշտապես հրապարակայնորեն արտահայտել ենք մեր տեսակետներն ու գնահատականները եւ այժմ էլ պատրաստակամություն ենք հայտնում մասնակցելու նոր քննարկումներին եւ ներկայացնելու մեր առաջարկություններն ու մշակած փաստաթղթերը»։

ԽՈՍՔԻ ԱԶԱՏՈՒԹՅԱՆ ՊԱՇՏՊԱՆՈՒԹՅԱՆ ԿՈՄԻՏԵ

ԵՐԵՎԱՆԻ ՄԱՄՈՒԼԻ ԱԿՈՒՄԲ

ՄԵԴԻԱ ՆԱԽԱՁԵՌՆՈՒԹՅՈՒՆՆԵՐԻ ԿԵՆՏՐՈՆ

Աղբյուր` Փաստինֆո