Փաստ ինֆո

«Հրապարակ»-ը գրում է, որ ԱԺ պատգամավոր Սամվել Ալեքսանյանը գնել է Հովիկ Աբրահամյանին պատկանող գույքի մի մասը, մասնավորապես՝ «Արտաշատի տրիկոտաժի ֆաբրիկան»:

Երեկ լրատվամիջոցի լուրը պաշտոնապես հաստատել են: Օլի­գարխին պատկանող ընկերությունից՝ «Ալեքս տեքստիլի» մարկետինգային հարցերով պատասխանատու Քրիստինա Ներսեսյանը հայտնել է, որ տրիկոտաժի ֆաբրիկայի տարածքը մոտ մեկ-երկու ամիս առաջ է գնվել:

«Նպատակը տնային տեքստիլի արտադրություն սկսելն է: Արտադրվելու է սրբիչ, ինչպես նաև կտորեղենի արտա­դրություն է լինելու»,- ասաց ընկերության մենեջերը՝ հավելելով, որ մինչև այս տար­վա վերջ կամ գուցե հաջորդ տարվա սկիզբ պլանավորում են սկսել արտադրությունը:

Գրել էինք նաև, որ Ալեքսանյանը ձեռք է բերել Աբրահամյանին պատկանող մեկ այլ՝ «Արտաշատի փորձարարական մե­խանիկական գործարանը» ևս: Այս մասով էլ հաստատեցին մեր տեղեկությունը՝ մեզ փոխանցեցին, որ «Մեխզավոդը» գնվել է, այն վատ վիճակում է և այժմ վերանորոգ­վում է:

Թե երբ կվերագործարկվի, հայտնի չէ, բայց «մեծ թվով աշխատատեղեր կբացվեն»: Հիշեցնենք, որ այս ձեռնարկու­թյունները պատկանում էին ԱԺ նախկին նախագահ, նախկին վարչապետ Հովիկ Աբրահամյանին, ով, ըստ լուրերի, կապի­տալը տեղափոխում է Գերմանիա՝ պատ­րաստվում է այնտեղ բիզնես ծավալել»,-գրում է թերթը:

Հոդվածն ամբողջությամբ կարող եք կարդալ «Հրապարակ»-ի՝ 22.07.17թ. համարում:

Աղբյուր` Փաստինֆո