Փաստ ինֆո

Խաղահրապարակում կոշիկը կորցնելու համար 5-ամյա Ալեքս Մալկոլմի խորթ հայրը երեխային այնպես է ծեծի ենթարկել, որ վերջինս մահացել է:

Ինչպես գրում է «Daily Mail»-ը՝ դեպքը տեղի է ունեցել Լոնդոնի հարավ-արևելքում. խաղահրապարակում երեխան կորցրել է իր կոշիկը, ինչի համար խորթ հայրը նրան ծեծի է ենթարկել: Փոքրիկը ներողություն է խնդրել խորթ հորից, սակայն, ինչպես ականատեսներն են հայտնել, ճիչ է լսվել, և 39-ամյա տղամարդը հարձակվել է երեխայի վրա, որից հետո նրան թողել է անգիտակից վիճակում՝ նստարանին պառկած:

Այդ ամենից հետո էլ զանգահարել է կնոջը և ասել, որ երեխան քնել է, և նա շատ ծանր է, որպեսզի գրկած տանի տուն:

Որից հետո էլ տաքսի ավտոմեքենայով երեխային տեղափոխել է մոր մոտ՝ չնայած նրան, որ հիվանդանոցը մոտ է գտնվել:

Տղամարդը կնոջը հայտնել է,որ երեխան ընկել է՝ հարվածելով գլուխը:

Եվ մինչև երեխային տեղափոխել են հիվանդանոց նա դադարել է շնչել, բժիշկները վերակենդանացման աշխատանքներ են կատարել և համակարգչային տոմոգրաֆիա. պարզվել է, որ նրա մոտ մեծ չափերի ուղեղի այտուց է հայտնաբերվել:

Երեխային հնարավոր չի եղել փրկել: Փորձաքննությամբ պարզվել է, որ երեխայի գլխի, պարանոցի և մարմնի վրա առկա այլ վնասվածքներ չէին կարող ընկնելու հետևանքով լինել, սակայն խորթ հայրը պնդել է, որ ինքն անմեղ է:

Աղբյուրը նաև նշել է, որ տղամարդը նախկինում դատված է եղել բռնության համար:

Աղբյուր` Փաստինֆո