Փաստ ինֆո

Հայտնի YouTube-բլոգեր և Չիկագոյից երաժշտական կատարող Օսթին Ջոնսը կալանավորվել է իր անչափահաս երկրպագուհիներին պոռնոգրաֆիայի պատրաստմանը հակելու համար, գրում է The Daily Mail-ը:

Հայտնվում է, որ 24-ամյա երգիչը Ֆեյսբուքում նամակագրության մեջ է եղել առնվազն երկու 14-ամյա երկրպագուհիների հետ և խնդրել նրանց իրեն ուղարկել սեքս վիդեո: Աղջիկներից մեկը պնդում է, որ երիտասարդը կոչ է արել ապացուցել նրա հանդեպ իր սերը և մերկանալ: Ընդհանուր առմամբ նա ուղարկել է սիրելի կատարողին 25 վիդեո, այդ թվում ութը՝ մերկ սեռական օրգաններով: Մյուս անչափահասը՝ Ջոնսի ստեղծագործության երկրպագուհին ուղարկել է նրան 15 նման վիդեո:

Հետաքննությունների դաշնային բյուրոյում հաստատում են, որ երկու աղջիկներն էլ զգուշացրել են բլոգերին, որ իրենք միայն 14 տարեկան են: Ինքը՝ կատարողը, հավաստիացնում է, որ երբեք չի խնդրել իրեն ուղարկել սեքս հոլովակներ, նամակագրության մեջ խոսքը գնում էր թվերքինգ ուղղության պարով տեսագրության մասին, գրում է Chicago Sun-Times պարբերականը:

The Daily Mail-ը մեջբերում է քաղվածքներ երկրպագուհիների հետ Ջոնսի սկանդալային նամակագրությունից, ըստ որոնց երգիչն իսկապես խնդրել է նրանց ցույց տալ սեռական օրգանները և իրենց անպարկեշտ արտահայտություններ ուղղել: Կալանքից հետո բլոգերը խոստովանել է, որ վիդեոներն իրեն սեռական բավարարվածություն էին հաղորդում:

Ամեն դրվագի համար Ջոնսին սպառնում է մինչև 15 տարվա բանտարկություն: Ինչպես նշում է պարբերականը, Ջոնսն առաջին անգամ չի հայտնվում փոքրահասակների հետ սկանդալի կենտրոնում: 2015թ. մայիսին նրան մեղադրել են այն բանի համար, որ նա թաքցրել է իր տարիքը անչափահաս երկրպագուհուց աղջկանից թվերքով վիդեո ստանալու համար:

Ջոնսը բլոգեր է դարձել 2007թ.: Նա հայտնի է դարձել հայտնի խմբերի կոմպոզիցիաների կատարումներով: Նա YouTube-ում կեսմիլիոնից ավելի բաժանորդներ ունի, նրա հոլովակները ընդհանուր առմամբ հավաքել են 24 մլն-ից ավելի դիտում:

Աղբյուր` Փաստինֆո