Փաստ ինֆո

Վերջին օրերին հանրությանն ալեկոծել է փաստաբանների միջև տեղի ունեցած վերջին ցավալի միջադեպը:

Փաստաբանական համայնքը հանրային կառույց է, ուստի միջադեպը չի կարող «իմ ու քո գործը» լինել, այն բոլորիս գործն է: Բացի այդ, փաստաբաններն են հազարավոր մարդկանց ամեն օր դուրս բերում դժվարին իրավիճակներից և զարմանալի չէ հանրության մտահոգ արձագանքը տեղի ունեցածին, անկախ նրանից, թե ով որ կողմին է ճիշտ համարում, որին՝ սխալ:

Փաստաբանների ծեծկռտուքի վերաբերյալ երկրորդ քրեական գործը ևս ընդունվել է Քննչական կոմիտեի վարույթ

Գուցե հանրության այս բանավեճը բանավեճ էլ կմնար, եթե չլինեին հարուցված երկու գործերը՝ ՀՀ քրեական օրենսգրքի 118-րդ հոդվածի՝ Ծեծը, հատկանիշներով, ինչն արդեն մուտք է խոստանում քրեական դաշտ: Ընդ որում, քրեական գործերը հարուցվել են «հակամարտող» կողմերի փոխադարձ՝ մեկը մյուսի դեմ ներկայացված հաղորդումների հիման վրա:

Երկու փաստաբան տուժող է ճանաչվել. գործը ՔԿ վարույթում է

Նշենք, որ «Փաստաբանության մասին» ՀՀ օրենքի 33-րդ հոդվածի՝ Փաստաբանական գործունեության սահմանափակումները, 2-րդ մասի համաձայն, անձը չի կարող լինել փաստաբան, եթե նա դատապարտվել է դիտավորությամբ կատարված հանցագործության համար (իսկ ծեծը դիտավորյալ հանցագործություն է) և նրա դատվածությունը մարված կամ հանված չէ։ Ասել է թե` դատական ավարտի դեպքում կողմերը կարող են նաեւ զրկվել փաստաբանի արտոնագրից, իսկ մասնակիցներն իսկապես փորձառու փաստաբանն են:

Բայց ինչպես ասում են` անելանելի իրավիճակներ գոյություն չունեն՝ գործերը մասնավոր գանգատի գործեր են, որոնք կարող են կարճվել համապատասխան դիմում ներկայացնելու դեպքում: Եվ այսօր կարելի է ասել կողմերը կանգնել են դիլեմայի առաջ. վեճը տեղափոխել քրեական դաշտ, թե փորձել ջենտլմենական համերաշխություն կնքել:

Աղբյուր` Փաստինֆո