ԲՈԼՈՐ ՆՅՈՒԹԵՐԸ
Կարեն Վարդանյանի սպանությունից մեկ տարի է անցել. Նրա դիակի գտնվելու վայրը մատնանշած անձն այսօր չի ընդունում առաջադրված մեղադրանքը 03/18/2017 13:31 | Քրեական խրոնիկոն
Ուղիղ մեկ տարի առաջ՝ 2016թ. մարտի 17-ին, դաժանաբար սպանվեց փորձագետ Կարեն Վարդանյանը: Այն, որ փորձագետը դաժանորեն սպանվել էր հայտնի դարձավ ավելի ուշ, իսկ մինչ այդ Վարդանյանը ոստիկանների կողմից որոնվում էր որպես անհետ կորած:
1982թ. ծնված Կարեն Վարդանյանը մարտի 17-ին դուրս էր եկել տանից՝ Արաբական Միացյալ Էմիրություններ մեկշաբաթյա գործուղման մեկնելու նպատակով և չէր վերադարձել:
Նախաքննական մարմնի կողմից հարուցվեց քրեական գործ՝ սպանության հատկանիշներով և իրականացվեց օպերատիվ-հետախուզական լայնածավալ միջոցառումներ, 2016թ. մարտի 31-ին, Երևանի Տիգրան Մեծի և Երվանդ Քոչարի փողոցների խաչմերուկից սպանությունը կատարելու կասկածանքով բերման ենթարկվեց 1993թ. ծնված Գևորգ Զոհրաբյանը, իսկ 1973 թ. ծնված Արթուր Միհրանյանը բերման ենթարկվեց Կոտայքի մարզի Մրգաշեն գյուղից:
Ավելի ուշ Քննչական կոմիտեն հանդես եկավ հաղորդագրությամբ՝ հայտնելով, որ պարզվել են առերևույթ հանցագործությունը կատարած անձանց ինքնությունը և շարժառիթը:
Կարեն Վարդանյանն իր՝ Երևան քաղաքի Լենինգրադյան 31/8 շենքի 32-րդ հասցեի բնակարանը նվիրաբերել է 23-ամյա Գևորգ Զոհրաբյանին, որի դիմաց պետք է ստանար դրամական փոխհատուցում։ Պայմանավորված գումարը Կարեն Վարդանյանին չտալու համար Գևորգ Զոհրաբյանն առաջարկել է Կարենին Վրաստանով մեկնել Դուբայ՝ շրջագայության՝ մտադրվելով Վրաստան ուղեկցելու ճանապարհին սպանել նրան։ Նշված մտադրության մասին Գևորգ Զոհրաբյանը հայտնել է 1973թ. ծնված Ա.Միհրանյանին, ով 2016թ. հունվար ամսից օրավարձով վարել է Գ.Զոհրաբյանին պատկանող «Օպել Վեկտրա Բ» մակնիշի ավտոմեքենան՝ խոստանալով դրա դիմաց որոշակի գումար:
Պայմանավորվածության համաձայն՝ Արթուր Միհրանյանը 2016թ. մարտի 17-ին Լենինգրադյան փողոցում գտնվող դեղատնից գնել է «Դիմեդրոլ» տեսակի 5 դեղահաբ, դրանք լցրել ջրով լի շշի մեջ և դրել ավտոմեքենայի հետնամասում, որպեսզի Կարենը ճանապարհին այն խմի և քնի, ապա երեքով «Օպել Վեկտրա Բ» մակնիշի ավտոմեքենայով ուղևորվել են դեպի Սևան քաղաք՝ Կարենին Վրաստանի հանրապետություն ուղեկցելու պատրվակով:
Ճանապարհին Կարենը խմել է դեղահաբերով ջուրը, սակայն այն որևէ ներգործություն չի ունեցել։ Հասնելով Սևանի Ախթամար կղզու մոտ՝ ավտոմեքենան կանգնեցրել են բնական կարիքները հոգալու պատրվակով։
Գետնից քար վերցնելով՝ Գևորգը վերադարձել է և նստել ավտոմեքենայում Կարենի կողքին, ապա քարով հարվածներ է հասցրել նրա գլխին: Կարենին հարվածներ է հասցրել նաև ավտոմեքենայի վարորդը՝ Արթուրը։
Տեսնելով անշնչացած Կարենին և հասկանալով, որ նա արդեն մահացել է՝ նրան թողել են ավտոմեքենայի սրահի հետնամասում, վերադարձել Երևան, որտեղ դիակը տեղափոխել են Գևորգին պատկանող ավտոտնակ և թաղել։
Եվ հենց նրանց իսկ մատնանշած վայրից հայտնաբերվել է Կարենի դիակը՝ գլխի շրջանում բազմաթիվ վնասվածքներով:
Այսպիսով, շուրջ մեկ տարի անց Կարենի սպանության գործն արդեն դատարանում է և գտնվում է դատաքննության փուլում, իսկ նրա սպանության մեջ մեղադրվող և Կարենի դիակի վայրը մատնանշած անձ Գևորգը Զոհրաբյանն իրեն առաջադրված մեղադրանքը չի ընդունում: Ավելին՝ երբ դատարանում քննության առնվեց լրատվամիջոցների կողմից նիստը տեսանկարահանելու և լուսանկարահանելու հարցը, վերջինս առարկեց՝ հայտարարելով, որ գործով դատավճիռ դեռևս չի հրապարակվել, իսկ լրագրողներն իրենց նյութերով վարկաբեկում են իրեն:
Գործով մյուս ամբաստանյալ Արթուր Միհրանյանն առաջադրված մեղադրանքն ընդունում է:
Դատարանը ներկաներին տեղեկացրեց, որ ստացել էր հայցադիմում Մարինե Մկրտչյանից, ով սպանված Կարեն Վարդանյանի մոր քեռու դուստրն է, և չնայած նրան, որ նա տուժողի իրավահաջորդի ներկայացուցիչ չի ճանաչվել, քանի որ մերձավոր ազգական չէ, սակայն Մարինե Մկրտչյանը դատարանին հայցադիմում էր ներկայացրել՝ նշելով, որ ինքն է կազմակերպել Կարենի հուղարկավորությունը և գերեզմանի ծախսերն է կատարել, ուստիև՝ ընդհանուր առմամբ ծախսել է 1.600 000 ՀՀ դրամ գումար և պահանջում էր որպեսզի ամբաստանյալներից բռնագանձվի այդ գումարը:
Դատարանը՝ դատավոր Տաթևիկ Գրիգորյանի նախագահությամբ, Մարինե Մկրտչյանին ճանաչեց քաղաքացիական հայցվոր, իսկ ամբաստանյալներին՝ քաղաքացիական պատասխանող:
Նշենք նաև, որ դատարան էր ներկայացել վկա Արթուր Զոհրաբյանը, ով ամբաստանյալ Գևորգ Զոհրաբյանի եղբայրն է:
Դատարանի կողմից վկայի իրավունքների և պարտականությունների պարզաբանումից հետո վերջինս հրաժարվեց ցուցմունք տալուց, և մեղադրող դատախազի միջնորդությամբ հրապարակվեց նրա նախաքննական ցուցմունքը:
Ըստ նախաքննական ցուցմունքի՝ վկան սպանված Կարենին ճանաչում էր, քանի որ բնակվել են միևնույն շենքում, սակայն նրա հետ չի շփվել, եղբայրը՝ Գևորգն է մտերիմ եղել: Վկան հայտնել էր, որ եղբայրը՝ Գևորգը, զբաղվել է մանկական հագուստի վաճառքով և հագուստներ ներմուծելու նպատակով 2015թ. 2 անգամ մեկնել է Դուբայ:
Արթուր Զոհրաբյանը տեղյակ է եղել նաև, որ իր եղբայրը և Կարենը միասին բիզնես ծրագիր են նախապատրաստելիս եղել, և այդ իսկ նպատակով Կարենն իր սեփական բնակարանը նվիրաբերել է եղբորը, որպեսզի բնակարանը գրավադրեն և բանկից վերցված վարկով սկսեն գործը, իսկ ստացված եկամուտներից եղբայրը պետք է Կարենին գումարներ տար:
Այս ամենից հետո էլ Կարենի բնակարանը պետք է վաճառվեր, որպեսզի վերցված վարկը մարեին, իսկ մնացած մասով՝ 15 000 ԱՄՆ դոլարով, կարենի համար 1 սենյականոց բնակարան գնեին:
Նախապես պլանավորվածի համաձայն՝ Կարենի բնակարանը Գևորգը վաճառել է 37. 000 ԱՄՆ դոլարով: Այդ գումարից իբր թե 12 000 դոլարը Գևորգը տվել է Կարենին, համենայնդեպս եղբորն այդպես է ասել Գևորգը:
Այդ օրերին Գևորգը գնել է «ԲՄՎ» մակնիշի ավտոմեքենա և վճարել է գումարի մի մասը, մինչև մնացած մասի վճարելը նրան ձերբակալել են, իսկ մեքենայի նախկին սեփականատերը, տեղեկանալով այդ մասին վերադարձրել է Գևորգի տված գումարը և ավտոմեքենան հետ վերցրել:
Իսկ երբ 2016թ. մարտի 31-ին եղբոր և այլ անձի հետ շոգեբաղնիքից տաքսի ավտոմեքենայով տուն վերադառնալիս են եղել, այդ պահին ոստիկանության աշխատակիցները կանգնեցրել են մեքենան և նրանց բոլորին բերման ենթարկել:
Որոշ ժամանակ անց ոստիկաններն իրեն և ընկերոջը բաց են թողել, իսկ եղբորը Կարենի սպանության կասկածանքով պահել են:
Արթուր Զոհրաբյանը իր նախաքննական ցուցմունքում նաև նշել է, որ իր համար անհասկանալի է, թե ինչու է Կարենն իր բնակարանը նվիրել իր եղբորը, սակայն նա նաև նշել էր, որ չի հավատում, որ եղբայրն ընդունակ է մարդ սպանել:
Նրա նախաքննական ցուցմունքից պարզ դարձավ նաև, որ Կարենի տան գույքը՝ լվացքի մեքենան և փոշեկուլը, Գևորգենց տանն է:
Նշենք նաև, որ դատական նիստին ներկա էին սպանված Կարեն Վարդանյանի ընկներները:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/25/2024 08:19 Տարածվել ա, կարդացվել ա՝ բավարար ա, էլի․ «Հրապարակ»
- 04/25/2024 08:16 Ընդդիմադիրները հիասթափված են․ «Հրապարակ»
- 04/25/2024 08:13 Ինչ ցանել ես, այն էլ կհնձես. Ծիծեռնակաբերդում տեղի ունեցած միջադեպից հետո թերեւս, արժե թարմացնել ՔՊ-ականների հիշողությունը. «Ժողովուրդ»
- 04/25/2024 08:10 «Քարֆուրի» տերերը հեռանում են Հայաստանից․ «Հրապարակ»
- 04/25/2024 08:03 Գերիների հարցով կակտիվանան․ «Հրապարակ»
- 04/25/2024 07:53 Դեսպան չնշանակվեց, կուսակցությունն էլ, փաստացի, գոյություն չունի. «Ժողովուրդ»
- 04/25/2024 07:50 Բնակարան, մեքենա․ ի՞նչ հայտարարագիր է ներկայացրել Տավուշի նոր դատախազը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/25/2024 22:46 Թումանյան փողոցում գտնվող ռեստորաններից մեկի ծխատարում հրդեհ է բռնկվել
- 04/25/2024 19:49 Կիրանցում ականազերծման աշխատանքների ընթացքում վիրավորում է ստացել զինծառայող. ՊՆ-ն հաստատում է
- 04/25/2024 19:24 Կիրանցում ականի պայթյունից քաղաքացի է վիրավորվել. Հրատապ
- 04/25/2024 10:19 Ուղևորը վարորդի աչքերին քիմիական նյութ է փչել. վերջինս այրվածքներով տեղափոխվել է հիվանդանոց. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ