Փաստ ինֆո

BBC-ի «Պանորամա» ծրագրում ֆիլմ-հետաքննություն է ներկայացվել Բրիտանիայի քրեակատարողական համակարգի մասին: Լրագրողները ցույց են տվել Բրիտանիայի ամենախոշոր բանտերից մեկի առօրյան: Ֆիլմում բանտապահներն ասում են, որ կորցրել են իրավիճակի նկատմամբ հսկողությունը, իսկ որոշ բանտարկյալներ պարբերաբար թմրանյութեր են ընդունում:

Ռեպորտյոր Ջո Ֆենթոնը գաղտնի տեղավորվել է այնտեղ աշխատանքի՝ բանտապահ Ջո Ֆենթոնի համար բանտը Նորթումբերլենդ կոմսությունում երկու ամսով դարձել է նրա կյանքը:

Նորթումբերլենդի քրեակատարողական հիմնարկը պրոբլեմատիկ հաստատություն է: Խնդիրներն այստեղ շատ-շատ են:

Առաջին իսկ օրը Ֆենթոնին մի քանի ուրիշ նորեկների հետ տարել են մի սենյակ, որտեղ նրանց ցույց են տվել թմրանյութերով ծածկված սեղանը: Դա մեծ գտածո էր բանտի աշխատակիցների համար՝ 2,5 կգ սփայս տեսակի թմրանյութ, շատ ավելի ուժեղ, էժան, մարիխուանայի սինթետիկ այլընտրանք:

Սփայսն ամենահանրամատչելի, ոչ լեգալ թմրանյութերի տարատեսակներից մեկն է, որն օգտագործում են բանտում: Իրենք՝ բանտարկյալներն, ասել են բանտապահներին, որ այդ գտածոն այսբերգի միայն գագաթն է:

Առաջին շաբաթը ես պատասխան էի տալիս 70 բանտարկյալներին ուղեկցելու համար, սակայն իրականում այնպիսի զգացողություն ունեի, որ ինձ են ուղեկցում: Ես այնքան էլ լավ չգիտեի դեպի ուր գնալ, այդ պատճառով պարզապես գնում էի բանտարկյալների հետ և բացում էի դռները նրանց առջև, պատմում է Ֆենթոնը:

Հասկանալու համար, որ իրականում հենց բանտարկյալներն են կառավարում բանտը, շատ ժամանակ չպահանջվեց: Ես տեսա, թե ինչպես են որոշները հարբած օրորվում, մյուսները թմրանյութերի ազդեցության տակ են, իսկ երրորդները մի կերպ կախվածությունն էին հաղթահարում:

Ստանդարտ 10-ժամյա հերթափոխի ընթացքում բանտարկյալների պահանջներն անվերջ էին թվում: Աշխատանքի գալուց մինչև տուն գնալը աշխատանքը չէր ավարտվում: Այնտեղ հինգ կամ վեց օր անընդմեջ աշխատել հնարավոր չէ՝ դա քեզ կոտրում է, և դու քեզ այլևս մարդ չես զգում, միայն գոյություն ես ունենում:

Աղբյուր` Փաստինֆո