Փաստ ինֆո

ՀՀ աշխատանքի և սոցիալական հարցերի նախարարությունը 2016թ. ընթացքում ստացել է 50597 դիմում, որից 36994-ը պաշտոնական գրություն, 11153-ը` դիմումներ քաղաքացիներից և իրավաբանական անձանցից, 2450-ը ներքին փաստաթղթաշրջանառության փաստաթղթեր: Այս մասին «Արմենպրես»-ին տեղեկացրին ՀՀ աշխատանքի և սոցիալական հարցերի նախարարության հասարակայնության հետ կապերի բաժնից:

Քաղաքացիներից և իրավաբանական անձանցից ստացվել է 11153 դիմում, որից 8182-ը գրավոր, 2971-ը բանավոր:

Գրավոր դիմումներում գերակշիռ մաս են կազմել ավանդների փոխհատուցման 863 (11%), պետական նպաստների 707 (9%), հումանիտար օգնության 674 (8%), աշխատանք տրամադրելու 431 (6%), կենսաթոշակի նշանակման և վերանայման 455 (6%), ինչպես նաև հաշմանդամության խմբի նշանակման և վերանայման 369 (5%) վերաբերյալ դիմումները:

Ներկայացված բանավոր դիմումներում գերակշիռ մաս են կազմել ավանդի փոխհատուցման 831 (28%), պետական նպաստների 742 (25%), կենսաթոշակի նշանակման և վերանայման 307 (10%), ինչպես նաև դիմումի ընթացքի ճշգրտման 229 (8%) վերաբերյալ դիմումները:

Տարվա ընթացքում ՀՀ օրենսդրության պահանջներին համապատասխանեցնելու նպատակով ուսումնասիրվել և առաքվել է 12778 ելքագրված փաստաթուղթ՝ 8721 պաշտոնական գրություն, 4200 քաղաքացիներից և իրավաբանական անձանցից ստացված դիմումի պատասխան:

Ելքագրված 4200 դիմուﬓերի պատասխաներն, ըստ բնույթի, ունեն հետևյալ պատկերը. 2764 (65%)-ը պարզաբանվել է, 1102 (26%) քաղաքացու խնդրանք բավարարվել է, 253-ը (6%) վերահասցեագրվել է պետական այլ մարմիններ, իսկ 140-ին (3%) տրվել է մերժողական պատասխան:

2016թ. ընթացքում կազմակերպվել է նախարարի 6 ընդունելություն, որին մասնակցել է 6 քաղաքացի, փոխնախարարների` 23 և աշխատակազմի ղեկավարի 2 ընդունելություն` համապատասխանաբար 35 և 2 քաղաքացու մասնակցությամբ: Վերը նշված յուրաքանչյուր ընդունելությունից հետո կազմվել է 31 արձանագրություն` ապահովվելով նրանցում ներառված հանձնարարականների սահմանված կարգով գրանցումն ու ամրագրված ժամկետներում դրանց կատարումը:

2016թ. ընթացքում նախարարության կողﬕց մշակվել և ՀՀ Կառավարություն է ներկայացվել 79 իրավական ակտի նախագիծ:

Տարվա ընթացքում նախարարություն է այցելել 4767 քաղաքացի:

09.01.2016թ.-31.12.2016թ.                     12.01.2015թ.-31.12.2015թ. ընթացքում                  համեմատություն
ընթացքում կատարված                             կատարված աշխատանքներ                                  
աշխատանքներ

ընդունելության բաժին դիմած                    ընդունելության բաժին դիմած                                  աճել է 1276- ով
քաղաքացիների թիվը - 4767                     քաղաքացիների թիվը - 3491

քաղաքացիների դիմումներ - 8182             քաղաքացիների դիմումներ -6836                            աճել է 1346- ով

ելքագրվել է փաստաթուղթ -12778             ելքագրվել է փաստաթուղթ - 8667                             աճել է 4111 -ով

Լուսանկարը՝ Armenpress-ի

Աղբյուր` Փաստինֆո