Փաստ ինֆո

Աստղագետները պաշտոնապես հայտարարել են գիտության աշխարհում ամենաաղմկոտ իրադարձություններից մեկի մասին՝ 2022թ. Երկրից անզեն աչքով հնարավոր կլինի տեսնել ունիկալ երևույթ՝ երկնքում նոր աստղի ծնունդը: Նրանց կանխատեսումների համաձայն, գերնոր աստղի պայթյունը իր լույսով կստվերի մեր Գալակտիկայի աստղերի մեծամասնության փայլը, գրում է Times-ը:

Նշվում է, որ դա տեղի կունենա երկու այլ աստղերի ընդհարման արդյունքում: Համաձայն ամերիկացի աստղագետ Լարրի Մոլնարի հետազոտության տվյալների, նոր երկնային մարմինը հայտնվել է աստղերի ընդհարման արդյունքում դեռևս մ.թ. երրորդ դարում, սակայն բռնկման լույսը հասել է Երկրին մոտ 1 800 տարի: Ըստ նրա, կանխագուշակել նման տիեզերական աղետները բավականին բարդ է՝ հետազոտության համար պահանջվել է մի քանի տարի (աստղային զույգը աստղագետները սկսել են ուսումնասիրել դեռևս 2013թ.):

Նոր աստղը կհայտնվի որոշ ժամանակով Կարապի համաստեղությունում: Այդտեղ աստղերն իրար այնքան մոտ են գտնվում, որ ընդհանուր մթնոլորտ ունեն, իսկ նրանց պտույտի արագությունը մշտապես ավելանում է (այժմ դրա ժամանակահատվածը կազմում է 11 ժամ):

Աստղագետները գտնում են, որ երբ որ աստղերը կխրվեն մեկը մյուսի մեջ, ապա երկուսն էլ կզոհվեն, սակայն մինչ այդ շատ լույս ու էներգիա կարձակեն, ձևավորելով կարմիր գերնորը և ավելացնելով կրկնակի աստղի պայծառությունը 10 000 անգամ: Գերնորը կերևա երկնակամարում որպես Կարապի և Հյուսիսային խաչի համաստեղության մաս: Դա կլինի առաջին դեպքը, երբ մասնագետներն և անգամ սիրողները կկարողանան հետևել կրկնակի աստղներին անմիջապես նրանց մահվան պահին: Բռնկումը կարող է այնքան ուժգին լինել, որ մի քանի օր կդառնա գիշերային երկնքում ամենապայծառ օբյեկտը:

Մոլնարը գտնում է, որ Երկրի բնակիչները կկարողանան դիտել իրադարձությունը 2022թ., թեև հաշվարկներով նախատեսված է մի քանի տարվա սխալանք:

Աղբյուր` Փաստինֆո