Փաստ ինֆո

Լոնդոնի ոստիկանությունը վերանայում է անվտանգության միջոցները ծննդյան և Ամանորի տոներին զանգվածային միջոցառումների անցկացման ժամանակահատվածի համար, ըստ BBC-ի ռուսական ծառայության, ինչպես ասվում է Սքոթլենդ-յարդի հայտարարության մեջ՝ Թուրքիայում ու Բեռլինում «ահավոր միջադեպերից» հետո:

Անվտանգության ապահովման պլանները մանրակրկիտ մշակված են՝ նոր հանգամանքներն ու սպառնալիքները հաշվի առնելով, այդ թվում՝ կապված մեծ տրանսպորտային միջոցների օգտագործման հետ, հայտարարում է ոստիկանությունը:

Բրիտանիայում սպառնալիքի մակարդակը չի բարձրացել և գնահատվում է որպես «բավականաչափ», այսինքն՝ հարձակումների հավանականությունը շատ բարձր է:

Երկուշաբթի Անկարայում «Ռուսաստանը Կալինինգրադից մինչև Կամչատկա» ցուցահանդեսի բացման ժամանակ ժամանակակից արվեստի կենտրոնում սպանվել էր Թուրքիայում Ռուսաստանի դեսպան Անդրել Կարլովը: Հարձակումն արձանագրած տեսագրության մեջ լսվում է, թե ինչպես կրակողը գոռում էր. «Չմոռանա՛ք Հալեպի մասին, չմոռանա՛ք Սիրիան»:

Ավելի ուշ Թուրքիայի իշխանությունները հայտնել էին, որ կրակողը 22-ամյա Մևլյութ Մերթ Ալթընթաշն է, ով ծառայում էր ոստիկանության հատուկ ստորաբաժանումում:

Երկուշաբթի Բեռլինի կենտրոնում, Բրայթշայդպլաց հրապարակում բեռնատարը ծննդյան տոնավաճառում բաբանահարել էր ամբոխին: Ողբերգության հետևանքով, վերջին տվյալներով, զոհվել է 12 մարդ, 48-ը վիրավորվել է: Գերմանական ոստիկանությունը համարում է, որ ողբերգությունը Բեռլինում կարող էր ահաբեկչական ակտ լինել: Գերմանիայի կանցլեր Անգելա Մերկելը նույնպես հայտարարել է, որ այդ հարձակումը պետք է որակվի որպես ահաբեկչական ակտ:

Աղբյուր` Փաստինֆո