ԲՈԼՈՐ ՆՅՈՒԹԵՐԸ
Քաղաքացին ձեռք է բերել բնակարան, սակայն զրկված է սեփականատիրական իրավունքից 12/18/2016 11:15 | Քաղաքացիական իրավունք
Քաղաքացի Գոհար Աբրահամյանը փաստացի ձեռք է բերել բնակարան՝ վճարելով 26.000 ԱՄՆ դոլար: Սակայն այսօր պարզվում է, որ նա ոչ բնակարանի տերն է և ոչ էլ իր գումարի՝ բնակարանի նախկին սեփականատերը՝ Ռոզա Զաքարյանը, շարունակում է բնակվել այդ բնակարանում:
Ռոզա Զաքարյանը, մասնավորապես, տարբեր պատճառաբանություններ է բերում՝ ուղղված առուվաճառքի պայմանագրի անվավեր ճանաչելուն: Նա հայտարարում է, որ իր որդին՝ Աբրահամ Ալավերդյանը, ում ինքը լիազորել էր առուվաճառքի պայմանագիր կնքել ու ներկայացնել նոտարի հաստատմանը, հոգեկան առողջության հետ կապված խնդիրներ ունի և պայմանագիր կնքելու պահին ընդունակ չի եղել հասկանալու իր գործողությունների նշանակությունը և չի կարողացել դրանք ղեկավարել:
Ինչպես «Փաստինֆո»-ի լրագրողի հետ զրույցում նշեց Գոհար Աբրահամյանի ներկայացուցիչ, փաստաբան Զարուհի Հայրապետյանը, Ռոզա Զաքարյանը սկզբում հայտարարում էր, որ լիազորագիրը տալու ժամանակ որդին՝ Աբրահամ Ալավերդյանը, իրեն ծեծի է ենթարկել, իր նկատմամբ կատարել է բռնություններ և որ իբրև թե լիազորագիրը իր կամքով չի տվել:
Այդ փաստի առթիվ հարուցվել էր քրեական գործ, որին զուգընթաց Ռոզա Զաքարյանը այդ հիմքով վիճարկել էր առուվաճառքի պայմանագիրը, սակայն հետագայում հրաժարվել էր հայցից:
Երևան քաղաքի Ավան և Նոր Նորք վարչական շրջանների ընդհանուր իրավասության դատարանը՝ նախագահությամբ դատավոր Դ. Հարությունյանի, քննելով քրեական գործն ըստ մեղադրանքի Աբրահամ Ալավերդյանի ՀՀ քրեական օրենսգրքի 118-րդ հոդվածով` ծեծ, վերջինիս ճանաչել է անպարտ՝ արարքում հանցակազմի բացակայության հիմքով:
Քրեական գործի շրջանակներում Ռոզա Զաքարյանը ցուցմունք էր տվել հայտնելով, որ 1973 թվականից բնակվում է Նոր Նորքի 2-րդ զանգվածի Թոթովենց փողոցի 7 շենքի 2-րդ բնակարանում: 1974 թվականին որդեգրել է Աբրահամ Երվանդի Ալավերդյանին, ում հետ մինչ օրս բնակվում է նշված հասցեում: Աբրահամ Ալավերդյանը իր ցուցմունքով ևս հայտնել է, որ մանուկ հասակից բնակվում է մոր՝ Ռոզա Զաքարյանի, հետ:
Դատարանը նաև հաստատված է համարել, որ Աբրահամ Ալավերդյանը 2001 թվականից ունեցել է հոգեկան առողջության հետ կապված խնդիրներ, պարբերաբար բուժվել է: Աբրահամ Ալավերդյանը տարբեր հանցագործությունների համար դատապարտված է եղել ընդհանուր 7 անգամ:
Աբրահամ Ալավերդյանը դեռևս 2001 թվականին՝ լինելով ազատազրկման դատապարտված, բուժում է ստացել «Դատապարտյալների հիվանդանոց»-ի հոգեբուժական բաժանմունքում, որտեղ հետագա դատվածությունների ժամանակ էլ պարբերաբար բուժումներ է ստացել, իսկ արդեն 2014 թվականի հունիսի 14-ից վերցվել է դիսպանսեր հաշվառման Ավանի հոգեբուժական կլինիկայում:
Ռոզա Զաքարյանը դատավարության ընթացքում ցուցմունք է տվել՝ հայտնելով, որ իր նախաքննական ողջ ցուցմունքը չափազանցված է, իրականում որդին երբևէ իրեն ծեծի չի ենթարկել, հարվածներ չի հասցրել, զուտ մեկ անգամ հրել է, որդու նկատմամբ որևէ բողոք կամ պահանջ չունի:
Միևնույն ժամանակ այդ դատական ակտով հաստատվել է, որ Աբրահամ Ալավերդյանը, նախնական քննության ընթացքում՝ վերագրվող արարքը՝ ծեծը, կատարելու ժամանակ՝ 08.04.2014թ., տառապել է հոգեկան հիվանդությամբ:
Ռոզա Զաքարյանը այս անգամ հիմք ընդունելով այդ դատական ակտը և համապատասխան փորձագետի եզրակացությունը՝ 2016 թ. օգոստոս ամսին հայց է ներկայացրել դատարան ընդդեմ Գոհար Աբրահամյանի՝ պահանջելով անվավեր ճանաչել կողմերի միջև կնքված առուվաճառքի պայմանագիրը այն պատճառաբանությամբ, որ որդին՝ Աբրահամ Ալավերդյանը, առուվաճառքի պայմանագիրը կնքելու պահին չի գիտակցել իր գործողությունները և չի կարողացել դրանք ղեկավարել:
«Տարակուսանք է առաջացնում Ռոզա Զաքարյանի ներկայացված հայցի հիմքում ընկած փաստերը, քանի որ Ռոզա Զաքարյանը դեռևս 1974 թ. բնակվելով որդու հետ և իմանալով նրա հոգեկան առողջության հետ կապված խնդիրների մասին, նրան տալիս է լիազորագիր, որպեսզի վաճառի իր բնակարանը, այնուհետ հայց է ներկայացնում դատարան՝ վիճարկելով այդ պայմանագիրը, այն հիմքով, որ որդին գործարք կնքելու պահին չի գիտակցել և չի ղեկավարել իր գործողությունները»,- ասաց Զ.Հայրապետյանը:
Ակնհայտ է, նշեց փաստաբանը, որ ենթադրյալ «ծեծի» փաստակազմով քրեական գործը այլ նպատակ էր հետապնդում՝ դատական ակտով հաստատված համարել հոգեկան հիվանդության առկայության փաստը՝ առուվաճառքի պայմանագիրը անվավեր ճանաչելու համար: Այսինքն՝ այլ խոսքով, Ռոզա Զաքարյանը ամեն կերպ ստեղծել է ինչ-որ արհեստական նախադրյալներ կողմերի միջև կնքված պայմանագիրը անվավեր ճանաչելու համար:
Իսկ առուվաճառքի գործընթացի հետ կապված փաստերն հետևալն են՝ Գոհար Աբրահամյանը՝ ցանկանալով գնել բնակարան, հետևել է www.list.am կայքի հայտարարություններին: Նշված կայքում նկատել է Թոթովենցի 7 շենքի թիվ 22 բնակարանի 28.000 ԱՄՆ դոլարով վաճառքի հայտարարությունը, զանգահարել է նշված հայտարարությունը տեղադրած անշարժ գույքի գործակալին և միասին այցելել են նշված բնակարանը, որտեղ իրենց դիմավորել է տան սեփականատեր Ռոզա Զաքարյանը:
Գոհար Աբրահամյանը այդ կապակցությամբ նշում է հետևյալը. «Դուռը բացեց տան սեփականատեր Ռոզա Զաքարյանը, ում բարևեցինք և ներս մտանք: Նա տանը մենակ էր, ցույց տվեց բնակարանը, խորհուրդներ տվեց, թե բնակարանը գնելու դեպքում ինչ ձևափոխություններ կարելի է անել: «Տես, աղջիկ ջան, պետական վիճակ է, գազը տեղափոխել եմ պատշգամբ, խոհանոցում մահճակալ եմ տեղադրել ու սարքել եմ ննջասենյակ»,- ասաց: Ինձ նաև հետաքրքրում էր, թե բնակարանը լվացք փռելու պարան ունի՞, թե՞ ոչ, ինչին տկն Ռոզան դրական պատասխանեց և բացելով պատուհանը՝ ցույց տվեց այն: Ապա ցույց տվեց սեփականության իրավունքի վկայականի բնօրինակը, որպեսզի համոզվեմ, որ ինքն է բնակարանի սեփականատերը»:
Բնակարանը տեսնելուց հետո Գոհար Աբրահամյանը անշարժ գույքի գործակալին հայտնել է, որ բնակարանը պահանջվող գումարին համապատասխան չէ և խնդրել է սակարկել: Սակարկության արդյունքում բնակարանի գին է սահմանվել 26.000 ԱՄՆ դոլարը:
09.04.2014 թ.-ին ժ. 13:30-ի սահմաններում Գոհար Աբրահամյանը, Աբրահամ Ալավերդյանը՝ Ռոզա Զաքարյանի որդին, և Շ. Ավետիսյանը, ով հանդես է եկել որպես Ա. Ալավերդյանի եղբայր, գնացել են Կենտրոնի նոտարական գրասենյակ:
Աբրահամ Ալավերդյանը ներկայացրել է մոր՝ Ռոզա Զաքարյանի կողմից տրված լիազորագիր, որով վերջինս լիազորել էր իրեն կատարելու բնակարանի վաճառքի հետ կապված գործարքը: Առուվաճառքի պայմանագիրը կնքվել է, և Գոհար Աբրահամյանը պայմանագրային ամբողջ գումարը վճարել է:
Գոհար Աբրահամյանը պայմանագիրը կնքելուց հետո օրենքին համապատասխան ներկայացրել է այն անշարժ գույքի կադաստրի պետական կոմիտե՝ իրավունքի պետական գրանցում կատարելու համար, սակայն Կադաստրը կայացրել է իրավունքի պետական գրանցումը կասեցնելու մասին որոշում, քանի որ Ռոզա Զաքարյանը պայմանագրի կնքման անմիջապես հաջորդ օրը վերացրել է իր իսկ կողմից տրված լիազորագիրը:
Այն, որ կադաստրը իրավունք չուներ այդ հիմքով իրավունքի պետական գրանցումը կասեցներ, վիճարկվել է Գոհար Աբրահամյանի ներկայացուցչի կողմից և այս պահին գործի քննությունը գտնվում է Վարչական դատարանում:
2014 թվականից մինչ օրս Գոհար Աբրահամյանը գտնվում է տարբեր դատական քաշքշուկների մեջ:
Այս պահի դրությամբ Երևան քաղաքի Ավան և Նոր Նորք վարչական շրջանի ընդհանուր իրավասության դատարանի դատավոր Ա. Բադիրյանի վարույթում է գտնվում հիշյալ քաղաքացիական գործն ըստ հայցի Ռոզա Զաքարյանի ընդդեմ Գոհար Աբրահամյանի, երրորդ անձինք՝ Աբրահամ Ալավերդյանի, Կենտրոն նոտարական տարածքի նոտար Հայկուհի Հարությունյանի՝ անշարժ գույքի առուվաճառքի պայմանագիրն անվավեր ճանաչելու պահանջի մասին:
«Լիահույս ենք, որ այս պահին քննվող քաղաքացիական գործի շրջանակներում դատարանը կգնահատի այս բոլոր հանգամանքները և կկայացնի արդարացի դատական ակտ՝ հնարավորություն ընձեռելով Գոհար Աբրահամյանին օգտվելու իր սեփականատիրական իրավունքներից»,- ասաց Զարուհի Հայրապետյանը:
Տեսանյութեր
02/29/2024 15:35 Ադրբեջանցի զինված դիվերսանտը ներխուժել է ՀՀ տարածք ու ձերբակալվելՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/28/2024 08:25 ՔՊ-ականներն այլևս առաջվանը չեն․ «Հրապարակ»
- 03/28/2024 08:22 Փաշինյանը զարմացել է, որ ժողովուրդն այսքան տարի իրենց հանդուրժում է․«Հրապարակ»
- 03/28/2024 08:17 Ցելոֆանե տոպրակները չհանվեցին, այլ թանկացան. Նիկոլ Փաշինյանը խաբել է. մաս 190. «Ժողովուրդ»
- 03/28/2024 08:14 Իշխանությունների՝ ամեն ինչ օպտիմալացնելու սևեռումը հասել է Դիլիջան․«Հրապարակ»
- 03/28/2024 08:11 Որքան է Հ1-ը վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար․ «Հրապարակ»
- 03/28/2024 08:06 Գեներալները չկան, Փաշինյանը որոշել է հանձնել Տավուշի բնակավայրերը․«Հրապարակ»
- 03/28/2024 07:41 Քաոս Կոռուպցիայի կանխարգելման հանձնաժողովում․ աշխատակիցները հերթով ազատվում են, իսկ իշխանությունը չի գտնում իր «սրտի» ԿԿՀ նախագահին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
Արտակարգ պատահարներ
- 03/28/2024 23:59 «ՎԱԶ-21214»-ի 31-ամյա վարորդը մահացել է
- 03/28/2024 21:03 Վիճաբանություն և ծեծկռտուք Երևանում.վիճաբանության մասնակիցների մեծ մասը անչափահասներ են․ կա վիրավոր
- 03/28/2024 20:29 Թումանյան փողոցում ծառի ճյուղը թեքվել և ընկել է էլեկտրական լարերի վրա, առկա է ընկնելու վտանգ
- 03/28/2024 12:23 Երևանում «Toyota»-ի վարորդը, լինելով ամենաբարձր աստիճանի խմած, դարձել է շղթայական ավտոմեքենաների ջարդի հեղինակ. 12-ամյա երեխան ու նրա մայրը տեղափոխվել են հիվանդանոց
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել