Հայաստանում երեխան պաշտպանված չէ բռնությունից. հայտարարություն

ԲՈԼՈՐ ՆՅՈՒԹԵՐԸ

Բոլորը

05/20/2022 14:37 Կտրուկ զարգացումներ են սպասվում. մոտ է այն պահը, երբ Փաշինյանը կհեռանա զբաղեցրած պաշտոնից. Գառնիկ Դավթյան (տեսանյութ) 05/21/2022 21:30 «Դիմադրության» հանրահավաք-երթին մասնակցում է 40.000 մարդ. Հովհաննիսյան 05/20/2022 16:23 ԱԱԾ-ն հրաժարվում է վերացնել դատավոր Դավիթ Հարությունյանին գաղտնալսելու արդյունքում կատարված ձայնագրությունները, թեեւ դրանք անթույլատրելի են ճանաչվել 05/20/2022 19:50 Սա բնազդային վախ է. գիշերը դատարանի նախագահ Արթուր Մկրտչյանին բերման են ենթարկել դատարան, թուղթը տվել են ձեռքը, որ ապօրինի մակագրի. փաստաբանը մանրամասներ է ներկայացրել 05/20/2022 19:31 Նյարդերի պայքար է գնում. Փաշինյանը երկու քարի արանքում է. Կարեն Քոչարյան 05/21/2022 21:27 Իրավապահ համակարգի անգործություն, թե հովանավորչություն. «Դոգ»-ը շարունակում է թիրախավորել ու զրպարտել բարձր վարկանիշ ունեցող դատավորներին 05/20/2022 22:20 Օնիկ Գասպարյանը, Սեյրան Օհանյանը և այլ զինվորականներ պահանջում են քրգործ հարուցել գնդապետին ոտքերով հարվածած ոստիկանի դեմ 05/20/2022 20:40 «Պատերազմի դաշտում միակ թշնամիս ես լինելու». ծայրահեղական Գորշ գայլերի հայտնի անդամը՝ դաշնակցականին 05/21/2022 22:33 «Դատարկ դագաղներն ու ծաղկեպսակները որևէ նորմալ, ավանդապաշտ և առողջ հասարակության մեջ չեն մոռացվելու, դրանք անպայման հիշեցնել են տալու իրենց. եկել է հենց այդ պահը». Ալեն Ղևոնդյան 05/20/2022 13:56 Ինչպես ՀՀ-ում բերել ենք ժողովրդավարություն, այնպես էլ բերենք խաղաղություն.Նիկոլ Փաշինյան 05/21/2022 19:01 Թշնամական ԱԹՍ-ը հետախուզական թռիչք է իրականացնում Արարատի մարզի ուղղությամբ 05/21/2022 19:17 Հակառակորդի արձակած կրակոցից ժամկետային զինծառայող է վիրավորվել 05/20/2022 22:53 «Ազովստալի» տարածքն ամբողջությամբ ազատագրվել է 05/20/2022 20:58 ՀՀ գլխավոր դատախազը միջնորդագիր է հղել ՀՀ ոստիկանապետին 05/21/2022 16:02 ՔՊ-ում վախ կա. Ժամանակը ի վնաս Փաշինյանի և իր թիմի է աշխատում. ներքաղաքական պայթյունն անխուսափելի է. Քաղաքագետ (տեսանյութ) 05/21/2022 20:49 Ովքեր են հայտնվել Ֆրանսիայի հրապարակի «Ամոթի պատին». Անուն առ անուն (տեսանյութ) 05/21/2022 22:19 Դատավոր Բորիս Բախշիյանի գործը փլուզվել է. Դատավորին ամիսներ շարունակ կալանքի տակ պահելուց հետո քննիչը մեղադրանքը փոխել է 05/21/2022 21:52 Մայիսի 22-ին երթ կամ հանրահավաք չի լինի. Իշխան Սաղաթելյանը ներկայացրեց վաղվա ծրագիրը (տեսանյութ) 05/20/2022 14:36 Փաշինյանը Մարիոթից հեռանում է տասնյակ թիկնապահների և ավտոշարասյան ուղեկցությամբ 05/21/2022 13:01 Համաշխարհային ամենախոշոր քաղաքական ընտանիքը դատապարտել է Հայաստանի իշխանությունների կողմից իրականացվող բռնությունները

Հայաստանում երեխան պաշտպանված չէ բռնությունից. հայտարարություն 12/15/2016 18:49 | ԼՐԱՀՈՍ

Երեխաների պաշտպանության ցանցը խորը մտահոգություն է հայտնում ՀՀ-ում ֆիզիկական բռնությունից երեխայի պաշտպանված լինելու իրավունքի իրացման հետ կապված:

Մասնավորապես, Երևան քաղաքի Մալաթիա-Սեբաստիա վարչական շրջանի ընդհանուր իրավասության դատարանը 06.12.2016թ. վճռել է Ա.Սարգսյանին մեղավոր ճանաչել ՀՀ քրեական օրենսգրքի 118-րդ հոդվածով ու նրան դատապարտել տուգանքի 30.000 /երեսուն հազար/ ՀՀ դրամի չափով:

34-ամյա Ա.Սարգսյանը մեղադրվում էր իր 8-ամյա դստերը ծեծելու համար: Մասնավորապես հայրը ձեռքերով ու ոտքերով հարվածներ է հասցրել աղջնակի դեմքին, ձախ ոտքին, քաշքշել է նրա պարանոցից՝ երեխային պատճառելով վնասվածքներ ու ֆիզիկական ցավ։

Դրական գնահատելով այն փաստը, որ երեխայի ծեծի մասին հաղորդման արդյունքում քրեական գործ է հարուցվել և դատարանի կողմից վճիռ է կայացվել, այնուամենայնիվ Երեխաների պաշտպանության ցանցը հայտնում է իր խորը մտահոգությունը իրականացված վճռի՝ որպես դատական պրակտիկա ձևավորվելու և դրա սոցիալական հետևանքների առումով: Մասնավորապես, կայացված վճիռը ընտանիքում բռնության կանխարգելման, բռնության ենթարկված երեխայի վերականգնողական ծառայությունների և բռնարարի վարքագծի շտկմանն ուղղված անհրաժեշտ գործողություններ չի նախատեսում, փոխարենը այն խոցելի վիճակում գտնվող ընտանիքի համար սահմանում է ֆինանսական պարտականություններ հօգուտ ՀՀ բյուջեի: Տվյալ գործի շրջանակներում արդյունավետ պատիժ չի կարող համարվել այս գումարի բազմակի անգամ ավել կամ պակաս լինելը, քանի որ վճռի պատժողական բնույթը մեծ ռիսկեր է ստեղծում նույն ընտանիքում ընտանիքի անդամներ նկատմամբ բռնության կրկնության համար: Նմանօրինակ դեպքերում անհրաժեշտ է պարտադիր մասնագիտական վերականգնողական ծառայության տրամադրում ինչպես բռնության ենթարկվածներին, այնպես էլ բռնարարին, ինչը գրագետ ձևով արմատախիլ կանի բռնությունը ընտանիքում:

ՀՀ երեխաների պաշտպանության ցանցի կողմից 2016թ.-ին կազմած «Երեխաների պաշտպանության ինդեքս»-ը փաստում է, որ ՀՀ-ն սահմանափակ գործողություններ է իրականացնում երեխաների նկատմամբ բռնությունների դեպքերի կանխարգելման, վաղ հայտնաբերման և հաղորդման վերաբերյալ:

Դեռևս 2010թ.-ին իրականացրած Հայաստանի ժողովրդագրության և առողջության հարցերի հետազոտությունը վկայում է, որ 2-14 տարեկան երեխաների շուրջ 40 տոկոսի նկատմամբ որպես դաստիարակության մեթոդ կիրառվում է ֆիզիկական բռնություն: Վորլդ Վիժն Հայաստան կազմակերպության կողմից 2015թ.-ին իրականացրած ուսումնասիրությունը փաստում է, որ այդ ցուցանիշը հինգ տարիների ընթացքում գրեթե չի փոխվել:

Հայաստանը, Երեխայի իրավունքների մասին ՄԱԿ-ի կոնվենցիայով ստանձնած պարտավորությունների համաձայն, պետք է առաջարկի երեխաների դեմ բռնության կանխարգելման մեխանիզմներ և վերականգնողական ծառայություններ, մինչդեռ ՀՀ-ում քիչ թվով ծառայություններ կան, որոնք արձագանքում են ընտանեկան և այլ տեսակի բռնությունների ենթարկված երեխաների խնդիրներին:

Ելնելով վերոգրյալից, Երեխաների պաշտպանության ցանցը կարևորում է օր առաջ «Ընտանեկան բռնության կանխարգելման և դրա դեմ պայքարի մասին» օրենքի ընդունումը և բռնությունից երեխաների պաշտպանության գործուն մեխանիզմների ներդրումը:

Աղբյուր` Փաստինֆո