ԲՈԼՈՐ ՆՅՈՒԹԵՐԸ
Կնոջն առանց «ռետուզ», մեջքը կիսով չափ բաց տեսել է հարևանի կողքին ու խանդել 10/01/2016 13:47 | ԳՈՐԾ #
Ազգությամբ ռուս ՀՀ քաղաքացի Արթուր Սոբչենկոն կասկածել է կնոջը հարևանի հետ իրեն դավաճանելու մեջ այն պատճառով, որ նրանց երկուսին մի քանի անգամ տեսել է անասնագոմում: Դրանից տղամարդը անհիմն ենթադրել է, որ կնոջ ու հարևանի միջև սիրային հարաբերություններ կան:
Արթուր Սոբչենկոն 2003թ.-ից փաստական ամուսնական հարաբերությունների մեջ է գտնվել կնոջ հետ, 2014թ. մարտ ամսից նրա ու չորս անչափահաս երեխաների հետ համատեղ բնակվել Արարատի մարզում, ֆերմայի տարածքում, որտեղ վարձավճարով զբաղվել է անասնապահությամբ:
Հարևանությամբ բնակվել և անասնապահությամբ ու հողագործությամբ է զբաղվել նաև Գագիկը, վերջինիս ու Ա.Սոբչենկոյի միջև ձևավորվել են ընկերական հարաբերություններ, նրանք հաճախակի են միասին հաց կերել, խմիչք օգտագործել:
Արթուր Սոբչենկոն մի քանի անգամ Գագիկին ու կնոջը միասին տեսնելով անասնագոմում, կասկածել է վերջինիս հավատարմությանը ու սկսել անհիմն ենթադրել նրանց միջև հնարավոր սիրային հարաբերությունների մասին:
2015 թվականի մայիսի վերջերին Ա.Սոբչենկոն այդ մասին խոսակցություն է սկսել Գագիկի հետ՝ ասելով, որ կինն ընդունակ է իրեն դավաճանել և հարցրել է Գագիկին նրանց հարաբերությունների մասին: Վերջինս հայտնել է, որ իրենց միջև սիրային կապ չկա և փորձել է վստահեցնել, որ երբեք իրեն թույլ չի տա նման կապ հաստատել կնոջ հետ, սակայն Ա. Սոբչենկոն շարունակել է անհիմն խանդել կնոջը:
Ա.Սոբչենկոն որդու ծննդյան տարեդարձի օրը` 2015 թվականի հունիսի 22-ին` ժամը 17:00-ի սահմաններում վագոն-տնակում Գագիկի հետ միասին ոգելից խմիչք են օգտագործել, որից հետո` ժամը 20:30-ի սահմաններում գնացել է արոտավայր` անասուններին անասնագոմ բերելու:
Ժամը 21:30-ի սահմաններում վերադարձել է կիսակառույց շինություն, որտեղ շարունակելով խանդել կնոջը և նրան կասկածելով Գագիկի հետ իրեն դավաճանելու մեջ, այդ հարցի շուրջ վիճաբանել է կնոջ հետ, ապտակել նրան, որից հետո գնացել վագոն-տնակ: Այնուհետև, երբ վերադարձել է Գագիկը և իր հետ բերել օղի` շարունակել են ալկոհոլային խմիչք օգտագործել:
Դատարանը դատաքննությամբ հաստատված է համարել, որ այդ ընթացքում Ա. Սոբչենկոն, գտնվելով ալկոհոլի ազդեցության տակ, կնոջ հետ իրեն դավաճանելու համար ներքուստ զայրացած, ագրեսիվ պահվածք է դրսևորել Գագիկի նկատմամբ ու, չհանդուրժելով կնոջ հետ դավաճանելու նրա հնարավոր այդ քայլը, ժամը 23:30-ի սահմաններում, կնոջ հետ իրեն դավաճանելու անհիմն խանդի շարժառիթով պայմանավորված, կիսակառույց շինության պատուհանից մուտք է գործել ֆերմայի տիրոջ կողմից օգտագործվող շինություն, որտեղ սեղանի տակից հափշտակել է վերջինիս պատկանող «ТOЗ-8» մոդելի 5.6 մմ տրամաչափի որսորդական-սպորտային հրացանը և 5.6 մմ տրամաչափի որսորդական-սպորտային փամփուշտը, լիցքավորել հրացանը, որից հետո վագոն-տնակում հրազենի փողը առնվազն 120 սանտիմետր հեռավորությունից ուղղելով Գագիկի վրա, կրակ է արձակել նրա կենսականորեն կարևոր օրգանների ուղղությամբ:
Սպանությունն ավարտին չի հասցրել իր կամքից անկախ հանգամանքներով, քանի որ կրակված փամփուշտի գնդակը դիպել է Գագիկի կրծքավանդակի աջ շրջանին, որի հետևանքով կրծքավանդակի աջ կեսի, աջակողմյան հեմոպնևմոթորաքսով զուգորդված, աջից` 1-ին և 10-րդ կողոսկրերի կոտրվածքներով, աջ թոքի միջանցիկ վնասումով` կրծքավանդակի աջ կեսի հրազենային, գնդակային, /բեկորների առաջացումով/, թափանցող կույր վիրավորման ձևով վերջինիս առողջությանը պատճառել է ծանր վնաս` կյանքին վտանգ սպառնացող, սակայն մահը վրա չի հասել:
Դեպքից անմիջապես հետո Ա. Սոբչենկոն իր դիտավորությունը Գագիկին ներկայացրել է որպես պատահականություն և նրա մոտ իր դիտավորությունը թաքցնելու նպատակով հայտնել է, թե իբր տեղյակ չի եղել հրացանի լիցքավորված լինելու մասին, օգնել է նրան, կանչել շտապ օգնություն ու զենքը նույն ճանապարհով տարել և դրել նույն տեղը:
Դատարանն եկել է համոզման, որ Ա.Սոբչենկոյին մեղսագրվող արարքները հիմնավոր ու ճիշտ են որակված և համապատասխանում են ՀՀ քրեական օրենսգրքի 238-րդ հոդվածի 1-ին մասի և 34-104-րդ հոդվածի 1-րդ մասի հատկանիշներին՝ հրազենի հափշտակություն և սպանության փորձ:
Դատարանի եզրահանգմամբ, հիմնազուրկ են ամբաստանյալ Արթուր Սոբչենկոյի և նրա պաշտպան Անահիտ Սաղաթելյանի պնդումներն այն մասին, որ Ա.Սոբչենկոն դիտավորություն չի ունեցել սպանելու Գագիկին, այլ ընդամենը պատահական է կրակ արձակվել և բացի այդ, չի հափշտակել հրազենն ու ռազմամթերք հանդիսացող փամփուշտը:
Եթե ինքը ցանկանար Գագիկին սպանել, ապա նրան կրակոցից անմիջապես հետո օգնություն ցույց չէր տա, շտապ օգնություն չէր զանգահարի և ցուցաբերած բժշկական օգնության շնորհիվ չէր փրկվի Գագիկը՝ ամբաստանալ Ա.Սոբչենկոյի փաստարկների առնչությամբ դատարանը՝ հաշվի առնելով ՀՀ Վճռաբեկ դատարանի արտահայտած իրավական դիրքորոշումները, գտել է, որ հետհանցավոր դրական վարքագծի մասին վկայող վերոնշյալ հանգամանքները դուրս են գտնվում սպանության արդեն իսկ ավարտված հանցափորձի շրջանակներից: Դրանք կարող են հաշվի առնվել միայն պատիժ նշանակելիս և չեն կարող ազդել արարքի քրեաիրավական որակման վրա և համապատասխանաբար հիմք հանդիսանալ արարքի քրեաիրավական որակումը փոխելու համար:
Ըստ դատարանի, հիմնազուրկ են նաև Ա.Սոբչենկոյի կողմից հրազենի հափշտակություն չկատարելու վերաբերյալ ամբաստանյալ Ա.Սոբչենկոյի և նրա պաշտպան Անահիտ Սաղաթելյանի պնդումները:
Դատարանը գտել է, որ Ա.Սոբչենկոն «ՏՈԶ»-8 մակնիշի հրացանով Գագիկի վրա կրակելու պահից , ունեցել է հրազենն իր հայեցողությամբ տնօրինելու հնարավորություն, որը դրսևորվել է և՛ կրակելու ձևով, և՛ հրացանը կրկին վերադարձնելու, և՛ տեղը դնելու գործողություններով, ինչպես հայտնել է ամբաստանյալն` իր հայեցողությամբ ինչ ցանկանար, այն էլ կաներ:
Հետևաբար, այս դրվագով առկա է ՀՀ քրեական օրենսգրքի 238-րդ հոդվածի 1-ին մասով նախատեսված ավարտված հանցակազմը:
ՀՀ քրեական օրենսգրքի 34-104-րդ հոդվածի 1-ին մասով և 138-րդ հոդվածի 1-ին մասով առաջադրված մեղադրանքում ամբաստանյալ Արթուր Սոբչենկոն դատաքննության ընթացքում իրեն մեղավոր չի ճանաչել՝ պնդելով, որ կրակոցը պատահական է արձակվել ու դիպել Գագիկին, ոստիկանությունում էլ նա ցուցմունք է տվել, որ ինքն է կրակել Գագիկ վրա, սակայն դա դիտավորյալ չի արել, զենքը բերել է բադ որսալու համար:
Նախաքննության ընթացքում նույնպես նա իրեն մեղավոր չի ճանաչել, սակայն որպես կասկածյալ խոստովանական ցուցմունք է տվել: Մասնավորապես, ցուցմունքում նա նշել է, որ բնակվելով նույն տարածքում` առավոտյան ժամերին մի քանի անգամ Գագիկին ու կնոջը նկատել է անասնագոմում, կնոջը` առանց ռետուզ և սկսել է կասկածել նրանց միջև սիրային հարաբերությունների առկայության մասին և իրեն դավաճանելու մեջ: Իսկ որդու ծննդյան տարեդարձի օրը, երբ տուն է վերադարձել արոտավայրից, կնոջը տեսել է մեջքը կիսով չափ բաց, նրա կողքին նստած է եղել Գագիկը:
Ժամը 23:30-ի սահմաններում, երբ արդեն հարբած վիճակում է գտնվել, իրեն դավաճանելու համար ցանկացել է Գագիկին վնասել, և քանի որ զենքի վարման կանոններից անտեղյակ է եղել, այն տվել է Գագիկին, նա լիցքավորել է հրացանը ու տվել է իրեն, ինքն էլ հրացանն ուղղել է Գագիկի ուղղությամբ և կրակել:
Համադրելով ամբաստանյալի նախաքննական և դատաքննական ցուցմունքները դատաքննությամբ հետազոտված մյուս ապացույցների հետ, դատարանն արժանահավատ է համարել Ա.Սոբչենկոյի որպես կասկածյալ տված ցուցմունքը, քանի որ ցուցմունքում ապացուցման առարկային վերաբերող փաստական հանգամանքները հաստատված են նաև դատաքննությամբ հետազոտված, փոխկապակցված հավաստի ապացույցների բավարար համակցությամբ:
Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առել նրա խնամքին մինչև տասնչորս տարեկան չորս անչափահաս երեխայի առկայությունը, իսկ որպես ծանրացնող հանգամանք՝ Ա.Սոբչենկոյի կողմից հանցանքը ալկոհոլի ազդեցության տակ կատարելը:
Արարատի և Վայոց Ձորի մարզերի ընդհանուր իրավասության դատարանը՝ նախագահությամբ դատավոր Թաթուլ Պողոսյանի, այսպիսով Արթուր Սոբչենկոյին մեղավոր է ճանաչել ՀՀ քրեական օրենսգրքի 34-104-րդ հոդվածի 1-ին մասով և 238-րդ հոդվածի 1-ին մասով նախատեսված հանցագործությունների կատարման մեջ և դատապարտել նրան 8 տարի 6 ամիս ժամկետով ազատազրկման:
Արթուր Սոբչենկոյից հօգուտ Գագիկի պետք է բռնագանձվի 300 000 ՀՀ դրամ՝ որպես հանցագործությամբ պատճառված վնասի հատուցման գումար:
Իսկ որսորդական-սպորտային ակոսափող հրազենը՝ թվով 17 հատ 5.6 մմ տրամաչափի փամփուշտներով, պետք է հանձնվի ՀՀ ոստիկանության տնօրինությանը` դատավճիռն օրինական ուժի մեջ մտնելուց հետո:
Վերաքննիչ դատարան ներկայացված բողոքում Արթուր Սոբչենկոն միջնորդում է վերանայել Արարատի և Վայոց Ձորի մարզերի ընդհանուր իրավասության դատարանի 29.07.2016թ. դատավճիռը:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/18/2024 09:30 Այժմ խոսքը Սահմանադրական դատարանինն է. «Փաստ»
- 04/18/2024 08:21 Առողջապահության պետպատվերը չփոխվեց. Փաշինյանը խաբել է. մաս 201. «Ժողովուրդ»
- 04/18/2024 08:17 Սանահինցիները «կանկախանան»․ «Հրապարակ»
- 04/18/2024 08:14 Տավուշցիները որոշել են սպասել իշխանության քայլերին․ «Հրապարակ»
- 04/18/2024 08:11 Խաղաղապահները հեռանում են, բայց ոչ բոլորը․ «Հրապարակ»
- 04/18/2024 08:09 Օսկանյանին սպասելիս․ «Հրապարակ»
- 04/18/2024 07:55 ՊԵԿ-ը հետաձգել է 2023 թվականի հաշվարկ-հայտարարագրերի ներկայացման վերջնաժամկետը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
- 04/18/2024 11:37 Տավուշում դելիմիտացիայի արդյունքում կլինեն լրջագույն խնդիրներ՝ սկսած անվտանգության բացակայությունից
Արխիվ
Արտակարգ պատահարներ
- 04/18/2024 22:07 Տիգրան Մեծի պողոտայում հրդեհ է բռնկվել
- 04/18/2024 19:39 Կայծակը հարվածել է Երեւան-Դուբայ չվերթն իրականացնող օդանավին (տեսանյութ)
- 04/18/2024 12:59 Մեկ տարեկան երեխան ընկել է ատրակցիոնից
- 04/18/2024 10:31 Կոտայքում ավտոմեքենան շուռ է եկել, իսկ վիրավորներին գտել են դրանից 15-20 մ հեռու. կա զոհ. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
- 04/18/2024 17:08 Քանյե Ուեսթը կասկածվում է տղամարդու վրա հարձակվելու մեջ
- 04/17/2024 23:53 Թվարկել են 40 տարեկանից հետո մաշկի խնամքի հետ կապված տարածված սխալները
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ