ԲՈԼՈՐ ՆՅՈՒԹԵՐԸ
Միջուկային անվտանգության կոմիտեն կոչ է անում քաղաքացիներին զերծ մնալ կասկածելի գործարքի մեջ մտնելուց 06/29/2016 11:03 | ԼՐԱՀՈՍ
Հայաստանում գործնականում հնարավոր չէ ռադիոակտիվ նյութ կամ ռադիոակտիվ թափոն հափշտակել ապօրինի օգտագործման նպատակով: Հսկողությունն իրականացվում է ամենաբարձր մակարադակով: Այս մասին «Արմենպրես»-ի հետ զրույցում նշեց ՀՀ ԿԱ Միջուկային անվտանգության կարգավորման պետական կոմիտեի նախագահ Աշոտ Մարտիրոսյանն` անդրադառնալով միջուկային նյութերի անօրինական իրացման փորձի համար Վրաստանում Հայաստանի 3 քաղաքացիների ձերբակալման փաստին: Վերջերս վրացական էլեկտրոնային լրատվամիջոցները լուրեր էին տարածել այն մասին, որ միջուկային նյութերի անօրինական իրացման փորձի համար ձերբակալվել են Հայաստանի 3 և Վրաստանի 3 քաղաքացիներ:
Հայտարարությանն անմիջապես հաջորդեց ադրբեջանական քարոզչամեքենայի հերթական հակահայկական հիստերիան, թե հայկական «ատոմային ահաբեկչությունը» վտանգ է ոչ միայն Ադրբեջանի, այլ ամբողջ աշխարհի համար: Ադրբեջանը շարունակում է շահարկել այդ տեղեկատվությանը` փորձելով վնասել մեր պետության հեղինակությանը:
Մեր ուսումնասիրությունները ցույց են տվել, որ միջուկային նյութերի անօրինական իրացման փորձի համար Հայաստանի քաղաքացիներ ձերբակալվել են նաև նախկինում: Մասնավորապես, 2010 և 2014 թվականներին: ՀՀ քաղաքացիների որոշ շրջանակ, հիմնականում սոցիալապես անապահով խավից, գայթակղվում են խոշոր գումարներ վաստակելու առաջարկներով և ներքաշվում կասկածելի գործարքների մեջ: Քաղաքացիներին սկզբնական շրջանում առաջարկվում են առաջին հայացքից անմեղ թվացող գործարքներ, որից հետո նրանց առաջարկվում է որոնել «կարմիր սնդիկ», «ցեզիում», «ուրան», «կոբալտ» և այլ ռադիոակտիվ նյութեր: Նման գործարքների նախաձեռնությունը գալիս է բացառապես
օտարերկրացիներից` տարածաշրջանի Հայաստանին սահմանակից և արաբական երկրներից:
Հայաստանում ի՞նչ մակարդակի վրա է միջուկային, ռադիոակտիվ նյութերի ֆիզիկական պաշտպանության մակարդակը: Ինչպիսի՞ հսկողություն է իրականացվում սահմանային հատվածներում: Որքանո՞վ է հավանական Հայաստանից խոշոր քանակի ռադիոակտիվ նյութերի դուրս բերումը. թեմայի վերաբերյալ առավել հանգամանալից տեղեկատվություն ստանալու
համար «Արմենպրես»-ը զրուցել է ՀՀ ԿԱ Միջուկային անվտանգության կարգավորման պետական կոմիտեի նախագահ Աշոտ Մարտիրոսյանի հետ:
-Պարոն Մարտիրոսյան, նախ սկսենք վրացական լրատվաﬕջոցներում տեղ գտած տեղեկատվությունից, միջուկային նյութերի անօրինական իրացման փորձի համար ձերբակալվել են Հայաստանի 3 քաղաքացիներ: Ձեր մեկնաբանությունը:
-Սկսենք Հայաստանում գտնվող ջուկային նյութերի, ռադիոակտիվ նյութերի՝այդ թվում ռադիոակտիվ թափոնների, ֆիզիկական պաշտպանության մակարդակի մասին տեղեկատվությունից: Դա ցույց կտա, որ գործնականում հնարավոր չէ միջուկային կամ ռադիոակտիվ նյութ հափշտակել, կամ ապօրինի օգտագործել: Հայաստանը միացել է Միջուկային զենքի չտարածման պայմանագրին, ինչպես նաև այդ պայմանագրին կից Երաշխիքների կիրառման համաձայնագրին և Լրացուցիչ արձանագրությանը: Դրանով Հայաստանը պարտավորություն է ստանձնել չարտադրել միջուկային զենք, չաջակցել միջուկային զենքի արտադրմանը, ինչպես նաև դրա տարածմանը: Մինչև այժմ, Ատոմային էներգիայի միջազգային գործակալության (Գործակալություն) կողմից անցկացվել են մոտ 200 տեսչական ստուգումներ, որոնք հավաստել են, որ Հայաստանն ամբողջովին կատարում է ստանձնած բոլոր պարտավորությունները: Գործակալության տեսուչները Հայաստանում պարբերաբար իրականացնում են տեսչական ստուգումներ ոչ միայն ատոմակայանում, այնպես էլ` այլ օբյեկտներում: Բոլոր ստուգումների վերաբերյալ կազմում են հաշվետվություններ: Ստուգումները բոլոր օբյեկտներում ցույց են տվել զրո շեղումներ: Դա ոչ միայն միջուկային նյութերի ֆիզիկական պաշտպանության, դրանց հաշվեկշռի, քանակության, գտնվելու վայրի մասին է, այլ նաև տեխնոլոգիաների: Այսինքն` բոլոր հոդվածներով Հայաստանը կատարում է իր միջազգային պարտականությունները: Դա նշանակում է, որ հնարավոր չէ որ միջուկային նյութը հայտնվի օրինախախտների ձեռքում: Ընդ որում, միջուկային նյութի հաշվառումն իրականացվում է գրամի հազարերորդական մասի ճշտությամբ: Նշված նյութերի հսկողությունն իրականացվում է մի քանի մակարդակներով` թե տեղական թե միջազգային:
-Իսկ ինչպիսի՞ հսկողություն է իրականացվում սահմանային հատվածներում:
-Սահմանային կետերում տեղակայված են ժամանակակից, շատ զգայուն դոզիﬔտրիկ սարքավորումներ, որոնք ճառագայթման բնական ֆոնի նույնիսկ աննշան գերազանցումը հայտնաբերում են: Դա նշանակում է, որ ապօրինի կերպով ռադիոակտիվ նյութ Հայաստան ներմուծել կամ Հայաստանից արտահանել անհնար է: Նույնիսկ «ճառագայթահարված» մարդիկ պետական սահմանը աննկատ հատել չեն կարող: Վերջին տարիներին զգալի քանակությամբ ՀՀ քաղաքացիներ բուժման նպատակով մեկնում են Վրաստան: Բուժման ժամանակ հիվանդները անցնում են ռադիոիզոտոպային դիագնոստիկա, ռադիոակտիվ նյութերի կիրառմամբ: Վերադառնալուց, սահմանային կետերում դոզիմետրերը այդ մարդկանց մոտ հայտնաբերում են բնական ֆոնը գերազանցող ռադիոակտիվ ճառագայթում: Մաքսային ծառայությունը միայն անցած մեկ տարում 100-ից ավելի նման դեպք է գրանցել և հայտնել մեզ: Սահմանային ճառագայթային վերահսկողությունը իրականացվում է միջազգային մակարդակին համապատասխան:
-Դուք խոսեցիք այն մասին, որ հնարավոր չէ նման նյութեր հափշտակել: Դա այն տարածքներում, որտեղ պետական վերահսկողություն կա, ի՞նչ կասեք չհաշվառված ռադիոակտիվ աղբյուրների մասին:
-Այդ հիմնախնդիրը կա ոչ միայն մեզ մոտ, այլև ամբողջ աշխարհում: Այդ նյութերի հայտնաբերման համար ԱՄՆ Էներգետիկայի դեպարտամենտի և Միջուկային կարգավորման հանձնաժողովի հետ համատեղ մշակված է և իրականացվում է հատուկ ծրագիր: Հայտնաբերման աշխատանքներ են իրականացվում հատկապես նախկին խորհրդային, փակ ռեժիմով աշխատող ռազմաարդյունաբերական օբյեկտներում, որտեղ հնարավոր է, որ առկա լինեին ռադիոակտիվ նյութեր: ԱՄՆ-ի հետ այդ ծրագիրը բավական արդյունավետ է իրականացվում. ԱՄՆ փորձագետների հետ կազմակերպել ենք հայտնաբերված ռադիոակտիվ նյութերի վնասազերծումը և անվտանգ տեղափոխումը ռադիոակտիվ թափոնների պահեստարան: Դա շարունակական ծրագիր է: Մեկ ուրիշ օրինակ. Գործակալությունը ունեցել է տեղեկություն, որ խորհրդային տարիներին Վանաձորում գործել է ծանր ջրի գործարան, որը օգտագործվում է ատոմային զենքի արտադրության ժամանակ: Գործակալությանը հայտնեցինք, որ այդ գործարանը աշխատել է մինչև 70-ականների վերջը, այնուհետև կազմակաքնդվել է և տեղափոխվել Ռուսաստան և ներկայումս այդ գործարանը չկա: Սակայն Գործակալությունը ցանկացավ ստուգել հայտնված տեղեկությունը: Անցկացվեց կոմիտեի տեսուչների հետ համատեղ այց նշված գործարան: Գործակալության տեսուչները համոզվեցին, որ այդ գործարանը չկա. Միայն շենքն էր մնացել` պատերը, տանիքը: Տեսան, նկարեցին, կատարեցին համապատասխան չափումներ, համոզվեցին: Դրանից հետո ևս 3 անգամ եկան ստուգելու) հավանաբար համոզվելու, որ Հայաստանը չի շարունակում ծանր ջրի արտադրությունը իր ուժերով): Այդպիսի խիստ հսկողություն է, չզարմանաք, այս տարի ևս գալու են ստուգումների: Հետևաբար, բացառում եմ, որ լուրջ քանակի ռադիոակտիվ նյութ գտնվի Հայաստանում ու մենք չիմանանք:
-Կրկին վերադառնանք վրացական լրատվաﬕջոցներում տեղ գտած հրապարակմանը, որտեղ նշվեց նաև ռադիոակտիվ նյութերի արժեքի մասին, մոտ 200 մլն ԱՄՆ դոլարի մասին խոսք գնաց: Հրապարակման մեջ թվարկված ռադիոակտիվ նյութերը որքանո՞վ են արժեքավոր և 200 մլն դոլարի ռադիոակտիվ նյութերի տեղափոխումը որքանո՞վ է իրատեսական:
-Այնտեղ խոսվում էր «ուրան 238»-ի մասին: Միջազգային շուկայում ուրան 238-ի ﬔկ կգ-ն արժե շուրջ 80 ԱՄՆ դոլար: 200 մլն դոլար ստանալու համար նրանք պետք է ունենային ավելի քան 2 հազար տոննա «ուրան-238» : Նախ` ասեմ, որ Հայաստանում մեծ քանակի ուրան կա միայն ատոմակայանում, որն աշխատած միջուկային վառելիք է, ունի հսկայական, մահացու ակտիվություն: Դրա ոչ միայն վաճառելը, նույնիսկ դրան ապօրինի մոտենալը հնարավոր չէ: Այն գտնվում է ատոմակայանի ֆիզիկական պաշտպանության համակարգի ներքո, դրանից բացի Գործակալությունը տեղադրել է 24 ժամյա հսկողությամբ տեսասարքեր այն բոլոր օբյեկտների վրա, որտեղ կա միջուկային նյութ: Այդ օբյեկտները կնքված են հատուկ կնիքներով, որոնց նույնիսկ վնասումն անմիջապես արձանագրվում է Գործակալության համապատասխան ստորաբաժանման կողմից:
-Ամեն դեպքում փաստը կա, որ Հայաստանի 3 քաղաքացի ձերբակալված է: Միգուցե սոցիալական խնդիրներից ելնելով կամ տեղեկացվածության պակասի պատճառով կասկածելի գործարքների մեջ են ներքաշվում: Ձեր խորհուրդը քաղաքացիներին:
-Շատ կարևոր է քաղաքացիներին տեղյակ պահել, որ նրանք իմանան միջազգային փորձը. միջուկային նյութի հետ կապված ապօրինի բոլոր գործողություններն ավարտվում են իրավապահ մարﬕններում: Մարդիկ միգուցե տեղեկացված չեն, չեն պատկերացնում, թե ինչ խարդախության մեջ են մտնում:Հայտնեմ, որ միջուկային և ռադիոակտիվ նյութերը բոլոր երկրներում գտնվում են լուրջ հսկողության տակ:
-Իրավապահների հետ խնդիրներ ունենալուց բացի, ոչ պակաս կարևոր են առողջական խնդիրները: Առնչվելով այդ նյութերի հետ լուրջ առողջական խնդիրների առաջ կկանգնեն:
-Իհարկե, միջուկային և ռադիոակտիվ նյութերն ունեն ներթափանցող հատկություն: Այդ նյութի հետ գործ ունեցողը ստանում է որոշակի դոզա: Մարդիկ պետք է իմանան, որ իոնացնող ճառագայթումը չունի հոտ, համ, գույն: Եթե պատահականորեն նրանց ձեռքն ընկնի ռադիոակտիվ նյութ, ապա շատ լուրջ կﬖասեն իրենց առողջությունը, ընդհուպ դա կարող է հանգեցնել մահվան:
-Նման դեպքերից զերծ մնալու համար ինչ քայլեր են պետք իրականացնել:
-Մենք առաջակում ենք, որպեսզի քաղաքացիները զերծ մնան ապօրինի գործարքների մեջ մտնելուց: Եթե կստանան նման առաջարկություններ, հարկ է դիմել իրավապահ մարմիններին: Դրանից բացի, շատ կարևոր է հասարակության հետ աշխատանքը` օգտագործել հատկապես հեռուստատեսությունը և զանգվածային լրատվության այլ միջոցները, իրազեկվածության մակարդակը բարձրացնելու համար: Իսկ այսպես կոչված «անտեր» ռադիոակտիվ նյութի հանդիպելիս, որի վրա կլինի ռադիոակտիվության նշանը, անհապաղ զանգահարել 911:
Հարցազրույցը` Աննա Գզիրյանի
Հարակից հրապարակումներ`
Տեսանյութեր
02/29/2024 15:35 Ադրբեջանցի զինված դիվերսանտը ներխուժել է ՀՀ տարածք ու ձերբակալվելՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/28/2024 08:25 ՔՊ-ականներն այլևս առաջվանը չեն․ «Հրապարակ»
- 03/28/2024 08:22 Փաշինյանը զարմացել է, որ ժողովուրդն այսքան տարի իրենց հանդուրժում է․«Հրապարակ»
- 03/28/2024 08:17 Ցելոֆանե տոպրակները չհանվեցին, այլ թանկացան. Նիկոլ Փաշինյանը խաբել է. մաս 190. «Ժողովուրդ»
- 03/28/2024 08:14 Իշխանությունների՝ ամեն ինչ օպտիմալացնելու սևեռումը հասել է Դիլիջան․«Հրապարակ»
- 03/28/2024 08:11 Որքան է Հ1-ը վճարել Հրաչուհի Ութմազյանին ու Համլետ Առաքելյանին՝ «Օսկար» մրցանակաբաշխությունը մեկնաբանելու համար․ «Հրապարակ»
- 03/28/2024 08:06 Գեներալները չկան, Փաշինյանը որոշել է հանձնել Տավուշի բնակավայրերը․«Հրապարակ»
- 03/28/2024 07:41 Քաոս Կոռուպցիայի կանխարգելման հանձնաժողովում․ աշխատակիցները հերթով ազատվում են, իսկ իշխանությունը չի գտնում իր «սրտի» ԿԿՀ նախագահին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
Արտակարգ պատահարներ
- 03/28/2024 23:59 «ՎԱԶ-21214»-ի 31-ամյա վարորդը մահացել է
- 03/28/2024 21:03 Վիճաբանություն և ծեծկռտուք Երևանում.վիճաբանության մասնակիցների մեծ մասը անչափահասներ են․ կա վիրավոր
- 03/28/2024 20:29 Թումանյան փողոցում ծառի ճյուղը թեքվել և ընկել է էլեկտրական լարերի վրա, առկա է ընկնելու վտանգ
- 03/28/2024 12:23 Երևանում «Toyota»-ի վարորդը, լինելով ամենաբարձր աստիճանի խմած, դարձել է շղթայական ավտոմեքենաների ջարդի հեղինակ. 12-ամյա երեխան ու նրա մայրը տեղափոխվել են հիվանդանոց
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել