Մեկնարկեցին Թալին-Գյումրի ճանապարհի Թալին-Լանջիկ և Լանջիկ-Գյումրի ճանապարհահատվածների շինարարական աշխատանքները (Տեսանյութ)

ԲՈԼՈՐ ՆՅՈՒԹԵՐԸ

Բոլորը

04/23/2024 13:27 Իրավիճակը Երեւան-Սեւան մայրուղու վրա այս պահին. ճանապարհը երկկողմանի փակ է 04/23/2024 12:51 Ջահերով երթ. այսօր Երեւանում ժամը 19։00-ից սկսած փակ են լինելու փողոցներ 04/22/2024 19:41 Հայաստանը պատրաստ է զորքերը միակողմանի հետ քաշել`անկախ Բաքվի գործողություններից. Փաշինյանի աշխատակազմի մեկնաբանությունը 04/22/2024 20:22 Անակնկալ բացահայտումներ.Վազգեն Ա կաթողիկոսն այցելել է Թուրքիա, որտեղ նրան դիմավորել են պետական մակարդակով (տեսանյութ) 04/23/2024 10:51 Արգիշտի Քյարամյանի նոր նշանակումը 04/23/2024 23:26 Ջահերով երթ՝ Թբիլիսիում և Ախալքալաքում 04/23/2024 18:55 Ես էլ ձեռքերս կկտրեմ ու Տավուշից ոչինչ չեմ տա. Սարգիս Խանդանյան 04/23/2024 20:25 Այս պահին լարված վիճակ է Ալավերդու ճանապարհին. ոստիկանները հրելով հեռացնում են մեքենաները 04/23/2024 00:14 Տաքսու վարորդը ուղեւորության ժամանակ անարգել է մոսկվացի կնոջը 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո 04/22/2024 17:10 Իրավիճակը Տավուշում այս պահին. ուղիղ 04/22/2024 18:06 Նիկոլ Փաշինյանի հանրային դատը՝ ուղիղ 04/23/2024 17:23 Սյունիքում մտահոգություններ կան. Գորիսի փոխքաղաքապետ 04/22/2024 16:07 Այո, կպայքարեմ տավուշցիների հետ․ Օնիկ Գասպարյան 04/24/2024 08:04 Հաջորդ քայլը լինելու է ապրիլի 24-ի հիշատակի օրվանից հրաժարվելը․«Հրապարակ» 04/23/2024 17:14 «Ինձ չեմ տեսնում այն ԵԿՄ շարքերում, ով տարածքներ հանձնելու համար ուժ է կիրառում ժողովրդի վրա». Արայիկ Ղարիբյանը հեռանում է ԵԿՄ-ից 04/22/2024 21:58 Ալիև․ Բաքուն և Մոսկվան ևս մեկ վիթխարի նախագիծ կսկսեն «Հյուսիս-Հարավ» միջանցքի շրջանակներում 04/23/2024 20:52 Մենակ չթողնեք տավուշցուն,Արցախը կորցրինք` չկարողանալով համախմբվել, Տավուշը մեր դարպասն է. Գառնիկ Դանիելյան 04/23/2024 23:13 Պուտինին եւ Շոյգուին զեկուցել են ՌԴ ՊՆ փոխնախարարի ձերբակալության մասին 04/23/2024 18:18 Ձերբակալվածների պահման վայրում հայտնաբերվել է տղամարդու կախված մարմին, ով ձերբակալվել էր կնոջ մորը ծանր վնասվածք պատճառելու համար

Մեկնարկեցին Թալին-Գյումրի ճանապարհի Թալին-Լանջիկ և Լանջիկ-Գյումրի ճանապարհահատվածների շինարարական աշխատանքները (Տեսանյութ) 06/17/2016 21:40 | ԼՐԱՀՈՍ

Երևան-Գյումրի մայրուղու Լանջիկ համայնքի մոտ հունիսի 17-ին ազդարարվեց «Հյուսիս-հարավ ճանապարհային միջանցքի ներդրումային ծրագրի» Տրանշ 3-ի Թալին-Գյումրի ճանապարհի Թալին-Լանջիկ (18,7 կմ) և Լանջիկ-Գյումրի (27,5 կմ) ճանապարհահատվածների շինարարական աշխատանքների մեկնարկը:

Ինչպես հայտնում են ՀՀ տրանսպորտի և կապի նախարարության լրատվական ծառայությունից, այն նշանավորվեց ՀՀ տրանսպորտի և կապի նախարար Գագիկ Բեգլարյանի, Հայաստանում Եվրոպական Միության դեսպան Պյոտր Սվիտալսկու և Հայաստանում Չինաստանի Ժողովրդական Հանրապետության արտակարգ և լիազոր դեսպան Թիան Էրլունի կողմից կառուցվելիք ճանապարհի հիմքում խորհրդանշական պարկուճի տեղադրմամբ:

Լրագրողների հետ զրույցում «Հյուսիս-հարավ ԾԻԳ» ՊՈԱԿ-ի տնօրեն Արթուր Սարգսյանը նշեց, որ ծրագիրն իրականացվում է բազմատրանշ ֆինանսավորման տարբերակով: Այն բաժանված է առանձին տրանշերի, որոնց շրջանակում կնքվել են վարկային առանձին պայմանագրեր:

Հյուսիս-հարավ ծրագրի 3-րդ Տրանշը համաֆինանսավորվում է Ասիական զարգացման բանկի և Եվրոպական ներդրումային բանկի կողմից: «Այս հատվածների շինարարական աշխատանքներն իրականացնելու համար Եվրոպական Միությունը Հայաստանի կառավարությանը տրամադրել է նաև 12 մլն եվրո դրամաշնորհ:

ԱԶԲ-ի 100 միլիոն դոլար վարկն ուղղվելու է Թալին-Լանջիկ հատվածի (18,7 կմ) վերակառուցմանն ու տեխնիկական հսկողությանը, իսկ ԵՆԲ-ի հետ կնքված 72 մլն. եվրոյի համաձայնագրի շրջանակներում իրականացվելու է Լանջիկ-Գյումրի հատվածի (27,5 կմ) վերակառուցումը և տեխնիկական հսկողությունը, ինչպես նաև Գյումրի-Բավրա հատվածի նախագծումը», - ասաց Ա. Սարգսյանը:

Հայաստանում Եվրոպական Միության դեսպան Պյոտր Սվիտալսկին իր ելույթում շեշտեց, որ Եվրոպական Միությունը մեծ ուրախությամբ է ներդրում կատարում և աջակցում Հայաստանում ճանապարհների կառուցմանը. «Կարծում եմ` բոլորիս համար, սա գերազանց օր է: Հայաստանը հրաշալի երկիր է, բայց կարիք ունի լավ ճանապարհների: Իսկ լավ ճանապարհները կայուն զարգացման հիմնական սյունն են: Դրանք անհրաժեշտ են նաև մարզերի կենսամակարդակի բարձրացման համար, մասնավորապես այս մարզի: Ինչպես նաև անհրաժեշտ է, որպեսզի արտաքին ներդրողները շահագրգռված լինեն ներդրումներ կատարել այս երկրում»:

Հայաստանում Չինաստանի Ժողովրդական Հանրապետության արտակարգ և լիազոր դեսպան Թիան Էրլունը հիշեց չինական ասացվածքը` «Ուզում եք հարուստ լինել, ճանապարհները լավը դարձրեք»: «Մենք ամբողջովին գիտակցում ենք լավ ճանապարհային համակարգի կարևորությունը և առանձնահատուկ ուրախ ենք, որ չինական «Սինոհիդրո Քորփորեյշն» ընկերությանն է իրավունք և հնարավորություն տրվել մասնակից դառնալ աշխատանքներին։

Այն հատկապես կարևոր է Չինաստանի նախաձեռնած Մետաքսի ճանապարհ ծրագրի իրականացման համատեքստում: Հուսով եմ, որ աշխատանքները կավարտվեն ճիշտ ժամանակին և բարձր որակով», - ընդգծեց դեսպանը:

Հայտարարված միջազգային մրցույթների արդյունքներով՝ որպես նվազագույն գնային առաջարկ և տեխնիկապես բավարար գնահատված հայտ ներկայացրած չինական «Սինոհիդրո Քորփորեյշն» ընկերության ղեկավար Վեն Սյաոն վստահեցրեց, որ հաջողությամբ կավարտեն այս նախագիծը. «Մեր ընկերությունը ավելի քան 80 երկրներում ծրագրեր է իրականացրել, իսկ վերջին տարիներին` Ղազախստանում, Սերբիայում, Վրաստանում, և այժմ եկել ենք Հայաստան: Հույս ունեմ, որ լավ համագործակցություն և գործընկերներ կգտնեմ այստեղ»:

Շնորհավորանքներ հնչեցին նաև դոնոր ֆինանսական կառույցների (ԱԶԲ և ԵՆԲ) ղեկավարների, շինարարական և վերահսկող կազմակերպությունների ներկայացուցիչների կողմից:

Ամփոփելով այս կարևոր իրադարձությունը` ՀՀ տրանսպորտի և կապի նախարար Գագիկ Բեգլարյանը պատասխանեց լրագրողների հարցերին:

Անդրադառնալով Թալին-Լանջիկ և Լանջիկ-Գյումրի ճանապարհահատվածների շինարարական աշխատանքների մեկնարկին` նա մասնավորապես նշեց. «Կարող եմ ասել, որ այսօր սկիզբ դրվեց` երեք տարի հետո Հայաստանի հյուսիսային ճանապարհը ամբողջությամբ ավարտելու գործընթացին: Ամեն ինչ արվում է, որպեսզի մենք ունենանք մինչև Սև ծով առաջին կարգի ճանապարհ: Մենք բանակցում ենք այսօր մեր հարևան Վրաստանի Հանրապետության հետ, որպեսզի ճանապարհը Բավրայից մինչև Սև ծով նաև իրենք այս կազմակերպությունների միջոցով իրականացնեն և հասնենք մեր նպատակին, ինչի համար երկար տարիներ աշխատել ենք»:

Հավելենք, որ Թալին-Գյումրի ճանապարհի Թալին-Լանջիկ և Լանջիկ-Գյումրի ճանապարհահատվածների կառուցման համապատասխան կապալային պայմանագրերի համաձայն կկառուցվի 46,2 կմ ճանապարհ՝ շուրջ 140 մլն ԱՄՆ դոլար ընդհանուր արժեքով, ներառյալ ԱԱՀ-ն:

«Հյուսիս-հարավ ճանապարհային միջանցքի ներդրումային ծրագրի» Տրանշ 3-ի Թալին-Գյումրի ճանապարհի Թալին-Լանջիկ և Լանջիկ-Գյումրի ճանապարհահատվածների շինարարական աշխատանքների ավարտը նախատեսված է 2018 թվականի տարեվերջին, 2019 թվականի տարեսկզբին:

Այլ մանրամասներ՝ ՏԿՆ-ի տեսանյութում: