ԲՈԼՈՐ ՆՅՈՒԹԵՐԸ
Անչափահաս աղջկա հանդեպ սեռական բնույթի հանցագործություններով արդարացման երկու դատավճիռները բեկանվեցին 06/05/2016 00:09 | Արդարացման դատավճիռներ
ՀՀ վերաքննիչ քրեական դատարանը բեկանել է դատավոր Արթուր Ադամյանի նախագահությամբ ՀՀ Արմավիրի մարզի ընդհանուր իրավասության դատարանի կայացրած երկու արդարացման դատավճիռները ու ուղարկել նույն դատարան՝ այլ կազմով քննության:
Երկու գործերն էլ նույն անչափահաս աղջկա հանդեպ սեռական բնույթի հանցագործության, այն է՝ տասնվեց տարին չլրացած անձի նկատմամբ սեքսուալ բնույթի գործողություններ կատարելու վերաբերյալ գործեր են:
Առաջին ատյանի դատարանի այս երկու դատավճիռներն էլ կայացվել են հանցադեպի, հետևաբար և հանցակազմի բացակայության հիմքերով:
Ա.Մարտիրոսյանի վերաբերյալ գործով Վերաքննիչ դատարանը հարկ է համարել արձանագրել, որ առաջին ատյանի դատարանն արդարացման դատական ակտ կայացնելիս հիմք է րնդունել այն փաստը, որ Ա.Մարտիրոսյանի մեղադրանքի հիմքում դրված նախաքննության ընթացքում ձեռք բերված ապացույցներն անթույլատրելի են ճանաչվել, իսկ դատաքննության ընթացքում ամբաստանյալի մեղավորությունը հաստատող ապացույցներ առկա չեն եղել:
Առաջին ատյանի դատարանն ապացույցների անթույլատրելիության հարցը քննարկելիս արձանագրել է, որ իր 11.08.2015թ. կայացված որոշմամբ սույն քրեական գործով ապացույցները ճանաչել է անթույլատրելի, քանի որ դրանց սույն քրեական գործին ամրագրվելն իրականացվել է միայն պատճենների կցման զուտ տեխնիկական կողմի ապահովմամբ՝ առանց քրեական գործի շրջանակներում հարցաքննություն կատարելու:
Վերաքննիչ դատարանն արձանագրել է, որ տվյալ դեպքում պաշտպանի միջնորդության մեջ նշված հիմնավորումները, այնուհետև նաև դատարանի փաստարկները վկայում են այն մասին, որ ապացույցների անթույլատրելիության հիմքում հիմնականում դրվել է այն փաստը, որ քրեական գործը հարուցվել է Հ.Սարգսյանի դեպքով, իսկ Ա. Մարտիրոսյանի մասով ապացույցները ձեռք են բերվել այդ գործի շրջանակներում։ Այսինքն՝ առկա չէ որևէ պատճառաբանություն, թե նշված հանգամանքն ինքնին էական խախտում կարող է դիտվել, թե ոչ, իսկ եթե կարող է, ապա դա ինչով է դրսևորվում։ Եթե նույնիսկ ընդունելի համարվի, որ օրենքի տառացի մեկնաբանման ուժով Ա. Մարտիրոսյանի վերաբերյալ նախաքննությունը պետք է իրականացվեր առանձին վարույթում, ապա, վերը նշված փաստերը հաշվի առնելով, Վերաքննիչ դատարանը հանգել է հետևության, որ առանձին վարույթում առանձնացված չլինելու հանգամանքը չի կարող դիտվել որպես էական խախտում։
Ավելին՝ տվյալ դեպքում առկա չէ որևէ ողջամիտ պատճառաբանություն, թե արդյոք միևնույն վարույթի շրջանակներում գործի քննության իրականացումն ազդել է կամ կարող էր ազդել ստացված փաստական տվյալների հավաստիության վրա, թե ոչ:
Բացի այդ, առաջին ատյանի դատարանն իր 11.08.2015թ. որոշմամբ ապացույցների անթույլատրելիության հարցը քննարկելիս նշել է, որ անչափահաս տուժողի տված ցուցմունքը, այդ թվում` լրացուցիչ և տեսաձայնագրառումով տված ցուցմունքները, ինչպես նաև փորձագետի երկու եզրակացությունները ձեռք են բերվել նաև ՀՀ քրեական դատավարության օրենսգրքի 207-րդ հոդվածի՝ անչափահաս տուժողի հարցաքննությունը, 2-րդ մասով նախատեսված կարգի խախտմամբ։
Վերաքննիչ դատարանն արձանագրել է, որ առաջին ատյանի դատարանը որևէ հիմնավորում չի ներկայացրել, թե ինչում են դրսևորվել այս դատավարական խախտումները։
ՀՀ քրեական դատավարության օրենսգրքի 207-րդ հոդվածի 2-րդ մասի համաձայն, մինչև տասնվեց տարեկան վկայի կամ տուժողի հարցաքննությունը կատարվում է մանկավարժի մասնակցությամբ: Անչափահաս վկայի կամ անչափահաս տուժողի հարցաքննությանը ներկա գտնվելու իրավունք ունի նրա օրինական ներկայացուցիչը:
Ըստ Վերաքննիչ դատարանի, քրեական գործում առկա վերը նշված հարցաքննութունների արձանագրություններից երևում է, որ անչափահասը ցուցմունքներ է տվել մանկավարժի ներկայությամբ։ Ավելին, տեսաձայնագրառման արձանագրությունից երևում է, որ հարցաքննությունն իրականացվել է դպրոցում, որին ներկա է գտնվել ինչպես մանկավարժը, այնպես էլ հոգեբանը։
Ինչ վերաբերում է այն պատճառաբանությանը, որ տուժողի հարցաքննություններին մասնակից չի դարձել տուժողի օրինական ներկայացուցիչը, ապա ՀՀ քրեական դատավարության օրենսգրքի 207-րդ հոդվածի պահանջների համաձայն` վերջինս ընդամենն իրավունք ունի հարցաքննությանը ներկա գտնվելու, բացի այդ, ՀՀ քրեական դատավարության օրենսգրքի դրույթներում առկա չէ որևէ պահանջ, որ այդ հանգամանքը պետք է դիտել խախտում, այն էլ՝ էական:
Վարույթն իրականացնող մարմնի կողմից արձանագրություններում քրեական գործի այլ համար նշելը Վերաքննիչ դատարանը գնահատել է որպես մեխանիկական սխալ, ինչն որևէ կերպ չէր կարող էական նշանակություն ունենար ձեռք բերված ապացույցների արժանահավատության առումով:
Առաջին ատյանի դատարանն իրավական գնահատական չի տվել դատաքննության ընթացքում հետազոտված Ա. Մարտիրոսյանի, որպես կասկածյալ հարցաքննության արձանագրությանը, այլ միայն անդրադարձ է կատարել որպես մեղադրյալ տված ցուցմունքին:
Առաջին ատյանի դատարանը դատավճռում նշելով, որ որպես ապացույց չեն կարող օգտագործվել քննչական կամ այլ դատավարական գործողության կատարման կարգի էական խախտմամբ ձեռք բերված փաստական տվյալները, որևէ հիմնավոր վերլուծություն չի կատարել և չի պատճառաբանել, թե նախաքննական մարմնի կողմից ձեռք բերված որ ապացույցներն են դատավարական կարգի էական խախտմամբ ձեռք բերվել ու այդ խախտումներն ինչպես են ազդել ստացված փաստական տվյալների հավաստիության վրա:
Ուստի Վերաքննիչ դատարանը գտել է, որ առաջին ատյանի դատարանի հետևություններն այն մասին, որ քրեական գործով ձեռք բերված ապացույցները պետք է ճանաչել անթույլատրելի, հետևաբար Ա. Մարտիրոսյանի վերաբերյալ պետք է կայացնել արդարացման դատավճիռ` հանցադեպի և հանցակազմի բացակայության հիմքերով, հիմնավորված և պատճառաբանված չեն:
Այսպիսով, Վերաքննիչ դատարանը, վերը նշված հանգամանքները և դրանց վերաբերյալ արված մեկնաբանությունները հիմք ընդունելով, եկել է այն եզրահանգման, որ առաջին ատյանի դատարանը չի իրականացրել սույն գործի բազմակողմանի և լրիվ քննություն, չի պահպանել ապացույցների ազատ գնահատման սկզբունքի պահանջները, սույն գործով բոլոր ապացույցները չի հետազոտել պատշաճ իրավական ընթացակարգի շրջանակներում, ապացույցներն անթույլատրելի ճանաչելու համար բավարար հիմքեր չի ունեցել:
Վերաքննիչ դատարանը գտել է, որ առաջին ատյանի դատարանը, Ա.Մարտիրոսյանի վերաբերյալ ձեռք բերված թվով 13 ապացույցներն անթույլատրելի ճանաչելով, թույլ է տվել ՀՀ քրեական դատավարության օրենսգրքի 126-127-րդ հոդվածների խախտում, որը հանգեցրել է ՀՀ քրեական դատավարության օրենսգրքի 358-րդ հոդվածի պահանջներին չհամապատասխանող դատական ակտի կայացմանը: Առաջին ատյանի դատարանի իրավական վերլուծությունները և հետևությունները չեն բխում ինչպես գործող օրենսդրության պահանջներից, այնպես էլ գործի օբյեկտիվ տվյալներից: Արդյունքում թույլ է տրվել ՀՀ քրեական դատավարության օրենսգրքի 398-րդ հոդվածով նախատեսված՝ դատավարական իրավունքի էական խախտում, որն էլ հիմք է հանդիսանում դատական ակտը բեկանելու և գործն առաջին ատյանի դատարան` նոր քննության ուղարկելու համար:
Վերաքննիչ դատարանը գտել է, որ գործի նոր դատական քննությամբ անհրաժեշտ է վերը շարադրված հարցերի շուրջ կատարել բազմակողմանի, լրիվ և օբյեկտիվ քննություն, ՀՀ քրեական դատավարության օրենսգրքի 127-րդ հոդվածի պահանջներից ելնելով՝ պատշաճ գնահատման ենթարկել գործում եղած ապացույցները և հանգել համապատասխան հետևությունների:
Նոր դատաքննությամբ անհրաժեշտ է վերստին հարցաքննել գործով տուժողին, նրա օրինական ներկայացուցչին, վկաներին, և արդյունքում ձեռք բերված տեղեկությունները վերլուծության և գնահատման ենթարկել գործով ձեռք բերված մյուս փաստական տվյալների համակցությամբ:
Նոր դատաքննությամբ անհրաժեշտ է վերստին հարցաքննել նաև ամբաստանյալին, գործում առկա մյուս ապացույցների համադրությամբ վերլուծության և գնահատման ենթարկել վերջինիս գործի քննության ընթացքում տված ցուցմունքների արժանահավատությունը:
Նույնաբովանդակ հիմնավորումներ են ներկայացվել նաև Ս. Սահակյանի վերաբերյալ գործով արդարացման դատավճռի բեկանման վերաբերյալ այլ կազմով՝ Վերաքննիչ դատարանի որոշման մեջ:
Վերաքննիչ դատարանը գտել է, որ առաջին ատյանի դատարանը Ս.Սահակյանի վերաբերյալ ձեռք բերված ապացույցներն անթույլատրելի ճանաչելով, թույլ է տվել ՀՀ քրեական դատավարության օրենսգրքի 126-127-րդ հոդվածների խախտում, որը հանգեցրել է ՀՀ քրեական դատավարության օրենսգրքի 358-րդ հոդվածի պահանջներին չհամապատասխանող դատական ակտի կայացմանը:
Առաջին ատյանի դատարանի իրավական վերլուծությունները և հետևությունները չեն բխում ինչպես գործող օրենսդրության պահանջներից, այնպես էլ գործի օբյեկտիվ տվյալներից:Արդյունքում թույլ է տրվել ՀՀ քրեական դատավարության օրենսգրքի 398-րդ հոդվածով նախատեսված՝ դատավարական իրավունքի էական խախտում, որն էլ հիմք է հանդիսանում վիճարկվող դատական ակտը բեկանելու և գործն նույն դատարան`այլ կազմով նոր քննության ուղարկելու համար:
Վերաքննիչ դատարանը գտել է, որ գործի նոր դատական քննությամբ անհրաժեշտ է վերը շարադրված հարցերի շուրջ կատարել բազմակողմանի, լրիվ և օբյեկտիվ քննություն, ՀՀ քրեական դատավարության օրենսգրքի 127-րդ հոդվածի պահանջներից ելնելով՝ պատշաճ վերլուծության և գնահատման ենթարկել գործում եղած ապացույցները և հանգել համապատասխան հետևությունների:
Նոր դատաքննությամբ անհրաժեշտ է վերստին հարցաքննել գործով տուժողին, նրա օրինական ներկայացուցչին, վկաներին, և արդյունքում ձեռք բերված տեղեկությունները վերլուծության և գնահատման ենթարկել գործով ձեռք բերված մյուս փաստական տվյալների համակցությամբ:
Նոր դատաքննությամբ անհրաժեշտ է հնարավորության դեպքում վերստին հարցաքննել նաև ամբաստանյալին, գործում առկա մյուս ապացույցների համադրությամբ վերլուծության և գնահատման ենթարկել վերջինիս գործի քննության ընթացքում տված ցուցմունքների արժանահավատությունը:
Հարակից հրապարակումներ`
Տեսանյութեր
03/29/2024 11:55 Աննկարագրելի քաոս էր,երեխաներին ասել ենք՝ չխոսեք,վերև չնայեք, թուրքերի միջով ենք գնում.գաղթը՝ ՇոշիցՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել