Փարիզում երկրները պայմանավորվել են երկարաժամկետ նպատակի շուրջ. ՄԱԿ-ի գլխավոր քարտուղար

ԲՈԼՈՐ ՆՅՈՒԹԵՐԸ

Բոլորը

04/23/2024 23:26 Ջահերով երթ՝ Թբիլիսիում և Ախալքալաքում 04/23/2024 13:27 Իրավիճակը Երեւան-Սեւան մայրուղու վրա այս պահին. ճանապարհը երկկողմանի փակ է 04/23/2024 12:51 Ջահերով երթ. այսօր Երեւանում ժամը 19։00-ից սկսած փակ են լինելու փողոցներ 04/22/2024 20:22 Անակնկալ բացահայտումներ.Վազգեն Ա կաթողիկոսն այցելել է Թուրքիա, որտեղ նրան դիմավորել են պետական մակարդակով (տեսանյութ) 04/22/2024 19:41 Հայաստանը պատրաստ է զորքերը միակողմանի հետ քաշել`անկախ Բաքվի գործողություններից. Փաշինյանի աշխատակազմի մեկնաբանությունը 04/23/2024 10:51 Արգիշտի Քյարամյանի նոր նշանակումը 04/23/2024 18:55 Ես էլ ձեռքերս կկտրեմ ու Տավուշից ոչինչ չեմ տա. Սարգիս Խանդանյան 04/23/2024 20:25 Այս պահին լարված վիճակ է Ալավերդու ճանապարհին. ոստիկանները հրելով հեռացնում են մեքենաները 04/23/2024 00:14 Տաքսու վարորդը ուղեւորության ժամանակ անարգել է մոսկվացի կնոջը 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո 04/23/2024 17:23 Սյունիքում մտահոգություններ կան. Գորիսի փոխքաղաքապետ 04/24/2024 08:04 Հաջորդ քայլը լինելու է ապրիլի 24-ի հիշատակի օրվանից հրաժարվելը․«Հրապարակ» 04/23/2024 17:14 «Ինձ չեմ տեսնում այն ԵԿՄ շարքերում, ով տարածքներ հանձնելու համար ուժ է կիրառում ժողովրդի վրա». Արայիկ Ղարիբյանը հեռանում է ԵԿՄ-ից 04/22/2024 21:58 Ալիև․ Բաքուն և Մոսկվան ևս մեկ վիթխարի նախագիծ կսկսեն «Հյուսիս-Հարավ» միջանցքի շրջանակներում 04/24/2024 17:44 Լարված վիճակ Իսակովի պողոտայում. «Մերժիր գժին» նախաձեռնության անդամները փակել են այն (տեսանյութ) 04/24/2024 13:46 Ծիծեռնակաբերդում Աննա Հակոբյանին քաղաքացիները դիմավորեցին «Նիկոլ դավաճան» վանկարկումներով 04/23/2024 20:52 Մենակ չթողնեք տավուշցուն,Արցախը կորցրինք` չկարողանալով համախմբվել, Տավուշը մեր դարպասն է. Գառնիկ Դանիելյան 04/23/2024 23:13 Պուտինին եւ Շոյգուին զեկուցել են ՌԴ ՊՆ փոխնախարարի ձերբակալության մասին 04/23/2024 13:14 10 գյուղ էլ Վարդենիսից են հանձնելու Քաղաքացիները փակել են նաև Երևան-Սևան ավտոճանապարհը. ուղիղ 04/23/2024 18:18 Ձերբակալվածների պահման վայրում հայտնաբերվել է տղամարդու կախված մարմին, ով ձերբակալվել էր կնոջ մորը ծանր վնասվածք պատճառելու համար

Փարիզում երկրները պայմանավորվել են երկարաժամկետ նպատակի շուրջ. ՄԱԿ-ի գլխավոր քարտուղար 12/18/2015 14:24 | ԼՐԱՀՈՍ

ՄԱԿ-ի գլխավոր քարտուղար Բան Կի-մունը «Հնարավորության նոր դարաշրջան» իր հեղինակած հոդվածում անդրադարձել է անցյալ շաբաթ Փարիզում կլիմայի հարցերին վերաբերող գագաթնաժողովի ավարտից հետո սպասվող ակնկալիքներին։

Ստորև ներկայացնում ենք ՄԱԿ-ի գլխավոր քարտուղարի հոդվածն ամբողջությամբ.

«70 տարի առաջ Երկրորդ համաշխարհային պատերազմի մոխիրներից ծնվեց Միավորված ազգերի կազմակերպությունը: Յոթ տասնամյակ անց Փարիզում ազգերը միավորվել են՝ պայքարելու մեկ այլ վտանգի՝ կյանքին սպառնացող սպառնալիքի դեմ, որին առնչվում ենք մոլորակի արագընթաց տաքացման հետևանքով:

Կառավարություններն ազդարարել են կլիմայի փոփոխության՝ մարդկությանը երբևէ հանդիպած ամենաբարդ խնդիրներից մեկի շուրջ համաշխարհային համագործակցության նոր դարաշրջանի մեկնարկը: Այդպիսով նրանք զգալիորեն ամրապնդեցին Կանոնադրությամբ ամրագրված՝ «գալիք սերունդներին փրկելու» վճռականությունը:

Փարիզյան համաձայնագիրը հաղթանակ է մարդկանց, շրջակա միջավայրի ինչպես նաև բազմակողմանիության համար: Այն առողջության ապահովագրման քաղաքականություն է մոլորակի համար: Առաջին անգամ աշխարհի յուրաքանչյուր երկիր ստանձնել է արտանետումները սահմանափակելու, դիմակայունությունն ամրապնդելու և միջազգային ու ազգային մակարդակներում կլիմայի փոփոխության դեմ պայքարելու պարտավորություններ:

Երկրները համաձայնել են, որ կլիմայի փոփոխության ռիսկերը նվազագույնի հասցնելու միջոցով համընդհանուր օգուտին հետամուտ լինելը ամբողջովին բխում է ազգային շահերից: Համոզված եմ՝ սա օրինակ է, որին կարող ենք շահավետորեն հետևել ողջ քաղաքական օրակարգի շրջանակներում:

Փարիզյան այս հաղթանակն ամփոփում է այս նշանակալի տարին: Աղետների ռիսկի նվազեցման Սենդայի շրջանակային ծրագրից մինչև Ադիս Աբեբայի «Ֆինանսավորում հանուն զարգացման» գործողությունների օրակարգ, Նյու Յորքի Կայուն զարգացման պատմական գագաթնաժողովից մինչև կլիմայի հարցերով Փարիզի խորհրդաժողով՝ սա տարի էր, որի ընթացքում ՄԱԿ-ը ապացուցեց աշխարհում հույս տարածելու և այն ապաքինելու իր ունակությունը:

Պաշտոնս ստանձնելու առաջին օրերից կլիմայի փոփոխությունը մեր ժամանակների վճռական մարտահրավերն եմ համարել: Դա է պատճառը, որ այդ հիմնահարցը դարձրել եմ իմ պաշտոնավարման գլխավոր գերակայություններից մեկը: Ես խոսել եմ աշխարհի գրեթե բոլոր երկրների առաջնորդների հետ այն սպառնալիքի մասին, որ կլիմայի փոփոխությունը կարող է առաջ բերել մեր տնտեսությունների, մեր անվտանգության և գոյատևման հարցում: Ես այցելել եմ բոլոր մայրցամաքներն ու հանդիպել եմ այն համայնքներին, որոնք ապրում են վտանգավոր կլիմայական պայմաններում:

Ես ցնցվել եմ տառապանքից և ոգեշնչվել այն լուծումներով, որոնք աշխարհը կդարձնեն առավել անվտանգ ու բարեկեցիկ:

Ես մասնակցել եմ ՄԱԿ-ի՝ կլիմայի հարցերով բոլոր խորհրդաժողովներին: Կլիմայի վերաբերյալ այն երեք գագաթնաժողովները, որ ես հրավիրել եմ, համախմբել կառավարությունների, գործարար ոլորտի ու քաղաքացիական հասարակության քաղաքական կամքն ու խթանել նրանց նորարարական նախաձեռնությունները : Գործողությունների փարիզյան օրակարգը, կլիմայի վերաբերյալ անցյալ տարվա գագաթնաժողովին ստանձնած պարտավորությունների հետ մեկտեղ, վկայում են, որ լուծումներն առկա են:

Այն, ինչ ժամանակին աներևակայելի էր թվում, հիմա անկասելի է: Մասնավոր ոլորտն արդեն իսկ մեծ ներդրումներ է կատարում արտանետումների ցածր մակարդակով ապագա ապահովելու համար: Այդ լուծումներն առավել մատչելի ու հասանելի են, և շատերն էլ պատրաստ են ասպարեզ գալու՝ հատկապես Փարիզում կայացած հաջողությունից հետո:

Փարիզյան համաձայնագիրը ներառեց բոլոր այն կետերը, որոնք ես կոչ էի արել: Ներկայում շուկաները հստակ ազդանշան են տալիս, որ կարիք ունեն այնպիսի ներդրումների ընդլայնման, որոնք կնպաստեն արտանետումների ցածր մակարդակին ու կլիմայի նկատմամբ դիմակայուն զարգացմանը:

Բոլոր երկրները համաձայնել են միասին պայքարել, որ ջերմաստիճանի գլոբալ բարձրացումը չգերազանցի 2 աստիճանն՝ ըստ Ցելսիուսի, իսկ հաշվի առնելով լուրջ ռիսկերը՝ պայքարել հանուն 1,5 աստիճանի: Սա հատկապես կարևոր է աֆրիկյան երկրների, զարգացող փոքր կղզի-պետությունների ու առավել թույլ զարգացած երկրների համար:

Փարիզում երկրները պայմանավորվել են երկարաժամկետ նպատակի շուրջ. սահմանափակել ջերմոցային գազերի արտանետումները հնարավորինս շուտ՝ այս դարի երկրորդ կեսին: Հարյուր ութսունութ երկրներ արդեն ներկայացրել են իրենց կատարելիք՝ ազգային մակարդակում սահմանված ներդրումները, ինչը ցույց է տալիս, թե ինչի են պատրաստ այդ երկրներն արտանետումները կրճատելու և դիմակայուն կլիմա ստեղծելու համար:

Ներկայում այդ ազգային թիրախներն արդեն զգալիորեն իջեցրել են արտանետումների կորը:

Այնուամենայնիվ, այդ երկրները դեռևս չեն կանխել ջերմաստիճանի՝ անթույլատրելիորեն վտանգավոր համարվող բարձրացումը 3 աստիճանով: Այս նպատակով էլ Փարիզում երկրները խոստացան վերանայել կլիմայի վերաբերյալ իրենց ազգային ծրագրերը յուրաքանչյուր 5 տարին մեկ՝ սկսած 2018 թվականից: Սա նրանց հնարավորություն կընձեռի հավակնությունները մեծացնելու գիտության պահանջներին համահունչ:

Փարիզյան համաձայնագիրը նաև ապահովում է հարմարեցման ու մեղմացման նպատակով բավարար, հավասարակշռված աջակցություն զարգացող երկրների, մասնավորապես՝ ամենաաղքատ ու ամենախոցելի երկրների համար: Այն կօգնի ընդլայնել գլոբալ ջանքերը՝ ուղղված կլիմայի փոփոխությանը դիմակայելուն և կորուստներն ու վնասը նվազագույնի հասցնելուն:

Կառավարությունները պայմանավորվել են պարտադիր, ամուր և թափանցիկ ընթացակարգային կանոնների շուրջ, որպեսզի լինի բոլոր երկրների կողմից խոսքը գործի վերածելու երաշխիք: Զարգացած երկրները համաձայնել են առաջատար դեր ստանձնել ֆինանսական միջոցների հավաքագրման ու տեխնոլոգիական աջակցության և կարողությունների զարգացման ընդարձակման գործում: Իսկ զարգացող երկրները հանձն են առել ավելացնել կլիմայի փոփոխությանը դիմակայելու իրենց պատասխանատվությունը՝ իրենց կարողություններին համապատասխան:

Այս պատմական ձեռքբերումը արժևորելիս իմ կողմից բացթողում կլինի չգնահատել գործարար համայնքի եւ քաղաքացիական հասարակության առաջնորդող դերն ու տեսլականը: Նրանք ընդգծել են թե՛ սպառնալիքները, թե՛ լուծումները: Ես ողջունում եմ նրանց կլիմայի հարցում ակնառու քաղաքացիական դիրքորոշման համար:

Այժմ, երբ մեր ձեռքին է փարիզյան համաձայնագիրը, մեր գաղափարները պետք է անհապաղ իրագործվեն: Կլիմայի փոփոխությանը դիմակայելով՝ մենք առաջ ենք մղում «Կայուն զարգացում - 2030» օրակարգը: Փարիզի համաձայնագիրը դրական ազդեցություն ունի կայուն զարգացման բոլոր նպատակների վրա: Մենք պատրաստ ենք մտնելու հնարավորությունների նոր դարաշրջան:

Քանի որ կառավարությունները, գործարար ոլորտն ու քաղաքացիական հասարակությունը մեկնարկում են կլիմայի փոփոխության դեմ պայքարի հսկայական ծրագրի և Կայուն զարգացման նպատակների իրագործումը, ՄԱԿ-ը լայնորեն կօժանդակի անդամ երկրներին ու հասարակություններին բոլոր փուլերում: Որպես Փարիզի համաձայնագրի իրականացման առաջին քայլ, ինչպես սահմանված է Համաձայնագրով ու Կոնվենցիայով, հաջորդ տարվա ապրիլի 22-ին Նյու Յորքում կկազմակերպեմ բարձր մակարդակի ստորագրման արարողություն:

Ես կհրավիրեմ պետությունների առաջնորդներին՝օգնելու պահպանել ազդակն ու թափ հավաքել վճռական պահին: Միահամուռ ուժերով մենք կարող ենք հասնել մեր ընդհանուր նպատակին՝ աղքատության վերացում, խաղաղության ամրապնդում և արժանապատիվ կյանք ու հնարավորություններ բոլորի համար»: