ՀՀ վճռաբեկ դատարանի կողմից վիճարկվող դրույթը սահմանադրականությա՞ն, թե՞ իրավակարգավորման խնդիր է. ՍԴ որոշումն առաջիկա ժամերին

ԲՈԼՈՐ ՆՅՈՒԹԵՐԸ

Բոլորը

05/28/2020 15:08 Նախարարն իր հայտարարություններով խուճապ է առաջացնում. դոկտոր, պրոֆեսոր 05/28/2020 16:41 Հրատապ ահազանգ ՀՀ Արդարադատության նախարարին 05/29/2020 16:58 ԱԱԾ-ի համար այդքան բաղձալի նոր մեղադրանքը դեռ չծնված մահանում է. Կալանավորված փոխնախարարի պաշտպան 05/28/2020 21:14 Ո՜չ «հարգելի» վարչապետ՝ սխալվում եք, այդ մենք ենք ձեր անձի ու կառավարության հանդեպ չափից դուրս վստահություն տածել. Գևորգ Խուրշուդյան 05/28/2020 13:18 «Երևան-Կենտրոն» ՔԿՀ-ից խոցելի տարիքային խմբի կալանավորներին տեղափոխվում են այլ հիմնարկ. առկա է կորոնավիրուսի վտանգ 05/29/2020 19:14 Վարակի առաջին փուլը չենք հաղթահարել, հետևաբար երկրորդ ալիքը չկա. Պրոֆեսոր Անանիկյան 05/29/2020 00:06 Աղջիկը ծնվել է երկու բերանով եւ երկու լեզվով 05/29/2020 14:22 ՄԻԵԴ-ը հրապարակել է Քոչարյանի գործով խորհրդատվական կարծիքը 05/29/2020 11:16 ՀՀ մարզերում վնասվել են «Յուքոմ»-ի օպտիկական մալուխները, իսկ գլխավոր տնօրենը հրավիրվել է 6-րդ վարչություն 05/29/2020 10:00 Սյունիքի «նախկինները»՝ իրավապահների խոշորացույցի տակ. «Դու ո՞վ ես, որ գաս, մեզնից բան խլես». «Հրապարակ» 05/29/2020 18:09 Հանրապետության նախագահն ստորագրել է վիճահարույց Լանզարոտի կոնվենցիան 05/28/2020 14:31 ՔԿԾ-ն չի մեկնաբանում «Երևան-Կենտրոն» ՔԿՀ-ից կալանավորների տեղափոխությունը, նրանց թվում է Գագիկ Խաչատրյանը 05/29/2020 20:34 Շվեդիան կորոնավիրուսի պատճառով մահացության ցուցանիշով առաջ է անցել աշխարհի բոլոր երկրներից. Daily Mail 05/28/2020 10:03 Կեղծ ահազանգ «Զվարթնոց» օդանավակայանում 05/28/2020 10:51 Հայաստանում կորոնավիրուսի 442 նոր դեպք է գրանցվել. Մահացել է 15 մարդ 05/29/2020 13:27 Փրկարարները հայտնաբերել են մոլորված մորը և 3 երեխաներին 05/28/2020 23:37 Հայտնել են արգելքի մասին, որը սպասվում ավիաուղեւորներին համաճարակից հետո 05/28/2020 11:06 Կորոնավիրուսից մահացածներից ամենատարեցը 92 տարեկան է, իսկ երիտասարդը՝ 43. ԱՆ 05/29/2020 10:00 Ի՞նչ է պատմել Գավառում պարանոցը կտրած երիտասարդը. բժիշկը թել ու ասեղով կարել է սիրտը. «Ժողովուրդ» 05/29/2020 12:05 Երբ հարևանի «հարսն» իրականում սիրուն է․ Անդրանիկ Թեւանյանը՝ Վրաստանի կառավարության մասին

ՀՀ վճռաբեկ դատարանի կողմից վիճարկվող դրույթը սահմանադրականությա՞ն, թե՞ իրավակարգավորման խնդիր է. ՍԴ որոշումն առաջիկա ժամերին 02/10/2015 11:30 | ԼՐԱՀՈՍ

Այսօր՝ փետրվարի 10-ին, Սահմանադրական դատարանը գրավոր ընթացակարգով քննության առավ ՀՀ վճռաբեկ դատարանի դիմումի հիման վրա գործը: Վերջինս վիճարկում է ՀՀ վարչական դատավարության օրենսգրքի 131-րդ հոդվածի՝ Վարչական դատարանի բողոքարկման ենթակա միջանկյալ դատական ակտերը, 1-ին մասի սահմանադրականությունը:

Հաշվի առնելով, որ առկա են բոլոր անհրաժեշտ փաստաթղթերը, ՍԴ-ն հեռացավ խորհրդակցական սենյակ՝ գործով ըստ էության որոշում կայացնելու:

ՀՀ վարչական դատավարության օրենսգրքի 131-րդ հոդվածի վիճարկվող 1-ին մասում ամրագրված են վերաքննության կարգով բողոքարկման ենթակա վարչական դատարանի միջանկյալ դատական ակտերը:

Ըստ այդմ՝ բողոքարկման ենթակա են.

1) հայցադիմումի ընդունումը մերժելու մասին.

2) հայցադիմումը վերադարձնելու մասին.

3) հայցի ապահովումը (հակընդդեմ ապահովումը) մերժելու, հայցի ապահովման մեկ միջոցը մեկ այլ միջոցով փոխարինելու, հայցի ապահովումը վերացնելու մասին.

4) լրացուցիչ վճիռ կայացնելը մերժելու մասին.

5) վրիպակները, գրասխալները կամ թվաբանական սխալներն ուղղելու կամ ուղղում կատարելը մերժելու, վճռի պարզաբանումը մերժելու մասին.

6) բաց թողնված դատավարական ժամկետը վերականգնելու կամ դրա վերականգնումը մերժելու մասին.

7) դատավարական ժամկետները երկարաձգելու կամ դրա երկարաձգումը մերժելու մասին.

8) կողմին իրավահաջորդով փոխարինելու կամ փոխարինումը մերժելու մասին, ինչպես նաև երրորդ անձանց դատավարության մեջ ներգրավելու դիմումը մերժելու կամ դատավարության մասնակիցների կազմից երրորդ անձին հանելու մասին.

9) սույն օրենսգրքի 83-րդ հոդվածով նախատեսված դատական ակտերը.

10) գործի վարույթը կասեցնելու մասին, բացառությամբ սույն օրենսգրքի 94-րդ հոդվածի 1-ին մասի 5-րդ կետով նախատեսված դեպքի.

11) ինքնաբացարկի մասին դատական ակտերը:

ՀՀ վճռաբեկ դատարանն այս ցանկը բողոքարկում է այնքանով, որ դրանում բացակայում է գործի վարույթը կարճելու մասին որոշումը:

Դատավարությանը որպես պատասխանող կողմ ներգրավված՝ օրենսգիրքն ընդունած Ազգային ժողովը գտնում է, որ այս նորմը սահմանադրականության խնդիր չի առաջացնում, այլ իրավակարգավորման խնդիր կա, քանզի գործի վարույթը կարճելու մասին որոշումն ինքնին միջանկյալ դատական ակտ չէ: Հետևաբար, ըստ պատասխանող կողմի, այն չէր կարող ներառված լինել ՀՀ վարչական դատավարության օրենսգրքի 131-րդ հոդվածի վիճարկվող 1-ին մասում, այլ պետք է կարգավորում տրվեր օրենսգրքի մեկ այլ հոդվածով:

Ի դեպ՝ 2014թ.-ի սեպտեմբերից ԱԺ-ի նստաշրջանի և քառօրյա նիստերի օրակարգերում արդեն իսկ ընդգրված է ՀՀԿ մի խումբ պատգամավորների հեղինակած օրինագիծը, որով առաջարկվում է 97-րդ հոդվածը լրացնել 2.1 մասով՝ ամրագրելով, որ գործի վարույթը կարճելու մասին դատարանի որոշումը ենթակա է բողոքարկման՝ գործն ըստ էության լուծող դատական ակտի բողոքարկման կանոններով:

Բացի այդ, առաջարկվում է օրենսգրքի 130-րդ հոդվածի 1-ին մասում, որտեղ սահմանված է վերաքննիչ բողոք բերելու իրավունքը, կատարել լրացում, ըստ որի նման իրավունք ունեն նաև դատավարության մասնակից չդարձված անձինք, որոնց իրավունքների և պարտականությունների վերաբերյալ կայացվել է գործի վարույթը կարճելու մասին որոշում: