ԲՈԼՈՐ ՆՅՈՒԹԵՐԸ
Դատարանն արդարացրել է քաղաքապետարանի պաշտոնյային 02/22/2013 12:38 | ԳՈՐԾ #
«Նախաքննության մարմնի ենթադրությունը չի կարող դրվել մեղադրանքի հիմքում»,- եզրակացրել է Սյունիքի մարզի ընդհանուր իրավասության դատարանն` արդարացնելով Սիսիանի քաղաքապետարանի եկամուտների հավաքագրման բաժնի պետ Համիկ Ստեփանյանին:
Բայց դեպքերի զարգացումը ներկայացնենք` ըստ հաջորդականության:
2011 թվականի դեկտեմբերի 30-ին Սիսիանում քրեական գործ էր հարուցվել ՀՀ քրեական օրենսգրքի 308 հոդվածի 1-ին մասով` Պաշտոնեական լիազորությունները չարաշահելը: Ըստ քննչական մարմնի, Սիսիանի քաղաքապետարանի եկամուտների հավաքագրման բաժնի աշխատակիցները՝ անձնական շահագրգռվածությունից ելնելով և իրենց պաշտոնեական դիրքը ծառայության շահերին հակառակ օգտագործելով, համայնքի վարչական տարածքում գյուղատնտեսական մթերքների բացօթյա վաճառք իրականացրած ֆիզիկական անձանցից տեղական տուրքի վճարներ էին գանձել: 2012 թվականի մարտի 28-ին նախաքննության մարմինը Սիսիանի քաղաքապետարանի եկամուտների հավաքագրման բաժնի պետ Համիկ Ստեփանյանին մեղադրանք էր առաջադրել հիշյալ հոդվածով:
Ըստ մեղադրանքի՝ պաշտոնյան քաղաքապետարանի բյուջե հնարավորինս շատ գումար մուտքագրելու համար խախտել է «Տեղական ինքնակառավարման մարմինների մասին» ՀՀ օրենքի 40-րդ հոդվածի 3-րդ մասը ու «Առևտրի և ծառայության մասին» ՀՀ օրենքի պահանջները՝ հանձնարարելով աշխատակիցներ Սուսաննա Համբարձումյանին և Սմբատ Առաքելյանին համայնքի վարչական տարածքում` ոչ սահմանված վայրերում, գյուղատնտեսական մթերքների բացօթյա վաճառք իրականացրած, որպես ֆիզիկական անձ հանդես եկած անձանցից գանձել տեղական տուրքի վճարներ: Արդյունքում թվով 6 տուժողներից երեք տարի շարունակ` 2008 թվականի նոյեմբերից մինչև 2011 թվականի նոյեմբերը որպես տեղական վճարներ գանձվել է ընդհանուր առմամբ 581.350 ՀՀ դրամ և մուտքագրվել քաղաքապետարանի բյուջե, որով նախաքննական մարմնի գնահատմամբ էական վնաս է պատճառվել քաղաքացիների իրավունքներին և օրինական շահերին: Իսկ դատարանի գնահատմամբ` եկամուտների հավաքագրման բաժնի պետի գործողություններում բացակայել է հանցակազմը:
Մասնավորեցնենք, Սյունիքի մարզի ընդհանուր իրավասության դատարանում՝ դատավոր Ն. Օհանյանի նախագահությամբ, անցկացված դատաքննության ընթացքում Համիկ Ստեփանյանն առաջադրված մեղադրանքում իրեն մեղավոր չի ճանաչել: Նա հայտնել է, որ տուժողների անունները եղել են աշխատակիցների կողմից ներկայացրած հաշվետվություններում, սակայն չի իմացել, որ վերջիններս իրականացրել են գյուղատնտեսական ապրանքների բացօթյա առևտուր, քանի որ նրանց չի ճանաչել, չի հանդիպել և տեղական տուրք վճարել չի պարտադրել։ Բաժնի աշխատակիցների կողմից ներկայացրած հաշվետվություններում և անդորրագրերում նշում չի եղել, որ գանձում է կատարվել գյուղմթերքների բացօթյա առևտուր իրականացնող ֆիզիկական անձանցից, ուստի մտածել է, որ տեղական տուրքեր վճարողներն իրենց գործունեությունը ծավալել են օրենքին համապատասխան, իսկ գանձված գումարները մուտքագրվել են քաղաքապետարանի բյուջե:
Ամբաստանյալը պնդել է, որ երբևէ իր բաժնի տեսուչներ Սուսաննա Համբարձումյանին և Սմբատ Առաքելյանին չի հանձնարարել համայնքի տարածքում գյուղատնտեսական մթերքների բացօթյա առևտուր կատարող ֆիզիկական անձանցից տեղական տուրքի գումար գանձել, ընդհակառակը` նրանց բազմիցս զգուշացրել է նշված անձանցից գումարներ չգանձել: Չսահմանված վայրերում քաղաքացիների կողմից գյուղմթերքների բացօթյա առևտուր կատարելու մասին դիմել է համայնքի ղեկավարին, վերջինս էլ Սիսիանի ոստիկանության բաժնի պետին, որից հետո Արա Գևորգյանի, Գագիկ Պետրոսյանի և այլ քաղաքացիների նկատմամբ կազմվել է վարչական իրավախախտման վերաբերյալ արձանագրություն:
Համիկ Ստեփանյանն ընդգծել է նաև, որ 2008-2011 թվականների ընթացքում` իր աշխատած տարիներին, քաղաքապետարանի եկամուտներն ավելացել են 30 միլիոն դրամով, որի համեմատ մեղադրանքի ծավալում նշված 581.350 դրամը, որը հավաքվել է 4 տարվա ընթացքում, չնչին տոկոս է կազմում: Հետևաբար որևէ նպատակ, խնդիր կամ անձնական այլ շահագրգռվածություն չի ունեցել նշված գումարի չափով բյուջե գումար մուտքագրելու:
Դատարանը 2012թ. օգոստոսի 28-ի դատավճռով գտել է, որ գործով ձեռք բերված ապացույցներով չի հիմնավորվել նախաքննության մարմնի կողմից Համիկ Ստեփանյանին ՀՀ քրեական օրենսգրքի 308 հոդվածի 1-ին մասով առաջադրված մեղադրանքը: Մասնավորապես, Համիկ Ստեփանյանի կողմից հանձնարարություն տալու վերաբերյալ, նախաքննության մարմինը որևէ հիմնավոր ապացույց չի ներկայացրել՝ դա նախաքննության մարմնի ենթադրությունն է, որը չի կարող դրվել մեղադրանքի հիմքում:
Դատարանն արձանագրում է, որ գործով տուժող ճանաչված անձինք գյուղատնտեսական և այլ ապրանքների բացօթյա առք ու վաճառքով զբաղվել են ապօրինի, առանց համապատասխան թույլտվության, չսահմանված վայրերում և օրենքի պահանջները խախտելով, որի արդյունքում ստացել են շահույթ: Ուստի նման պայմաններում խոսք անգամ չի կարող լինել նրանց իրավունքների և օրինական շահերի խախտման մասին:
Նախաքննության մարմնի դիտարկմամբ` Համիկ Ստեփանյանը կատարել է շարունակվող մեկ միասնական հանցագործություն` 2008 թվականի նոյեմբերից մինչև 2011 թվականի նոյեմբերը նրա հանձնարարությամբ որպես տեղական տուրքի վճարներ գանձվել է 581.350 ՀՀ դրամ: Սակայն չի պատճառաբանել, թե ինչու են բազմաթիվ տարբեր դրվագներով, տարբեր տարիներին` 350-ից 15000 ՀՀ դրամի չափով գանձված գումարները մեխանիկորեն գումարվել (պարզ չէ նաև, թե ինչպես է ստացվել 581350 թիվը): Առանձին դրվագներով և տարբեր տարիներին գանձված դրամական արժեքները կարող էին գումարվել միայն այն դեպքում, եթե քննությամբ ձեռք բերված ապացույցներով հիմնավորվեր, որ Համիկ Ստեփանյանը մեկ միասնական դիտավորությամբ կատարել է մեկ շարունակվող հանցագործություն:
Նախաքննության մարմինը, ըստ դատարանի, չի հիմնավորել այն հանգամանքը, որ պաշտոնյան ունեցել է անձնական շահագրգռվածության ուղղակի կամ անուղղակի դիտավորություն:
Դատարանն ի վերջո գնահատելով դատաքննությամբ հետազոտված ապացույցները գտել է, որ ՀՀ քրեական օրենսգրքի 308-րդ հոդվածի 1-ին մասով նախատեսված հանցագործության կատարման մեջ Համիկ Ստեփանյանի մեղքը հաստատված չէ, հիմնազուրկ է նախաքննության մարմնի այն հետևությունը, որ վերջինս կատարել է պաշտոնեական լիազորությունների չարաշահում:
Հիմնելով վերոհիշյալ հետևությունների վրա՝ դատարանը ճանաչել և հռչակել է ամբաստանյալ Համիկ Ստեփանյանի անմեղությունը ՀՀ քրեական օրենսգրքի 308 հոդվածի 1-ին մասով նախատեսված հանցագործության կատարման մեջ և նրան արդարացրել` արարքում հանցակազմի բացակայության հիմքով:
Արդարացման դատավճռի դեմ բողոք է ներկայացվել ՀՀ վերաքննիչ քրեական դատարան մեղադրող Ս. Նազարպուրի կողմից, նա միջնորդել էր բեկանել Սյունիքի մարզի ընդհանուր իրավասության դատարանի արդարացման դատավճիռը և ՀՀ քր.օր. 308-րդ հոդ. 1-ին մասով ամբաստանյալ Համիկ Ստեփանյանի նկատմամբ կայացնել մեղադրական դատավճիռ:
ՀՀ վերաքննիչ քրեական դատարանը՝ դատավոր Արշակ Խաչատրյանի նախագահությամբ, 2012թ. հոկտեմբերի 22-ի որոշմամբ մեղադրողի վերաքննիչ բողոքը մերժել էր, իսկ Սյունիքի մարզի ընդհանուր իրավասության դատարանի դատավճիռը՝ թողել օրինական ուժի մեջ:
Վերաքննիչ դատարանը՝ վերլուծելով գործում շարադրված ապացույցներն իրենց համակցությամբ` հանգել է այն հետևության, որ դատարանի եզրահանգումները ամբաստանյալ Համիկ Ստեփանյանի նկատմամբ արդարացման դատական ակտ կայացնելու առումով հիմնավոր են, դրանք բխում են ինչպես գործող օրենսդրության պահանջներից, այնպես էլ գործի փաստական հանգամանքներից ու դատաքննության ընթացքում հետազոտված ապացույցներից:
Վերաքննիչ դատարանը գտել է, որ սույն գործը քննելիս և լուծելիս ընդհանուր իրավասության դատարանի կողմից կայացվել է գործն ըստ էության ճիշտ լուծող դատական ակտ:
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/20/2024 08:23 Արամ Սարգսյանի մտերիմին 1 բուլդոզերի համար 700 հազար դոլար են տվել․«Հրապարակ»
- 04/20/2024 08:18 Արցախի վերնախավը հավաքվել էր․ «Հրապարակ»
- 04/20/2024 08:13 Փաշինյանի հերթական նվերը՝ Ադրբեջանի․ «Հրապարակ»
- 04/20/2024 08:10 Տավուշում սահմանազատման և սահմանագծման գործընթացը բխում է նոյեմբերի 9-ի փաստաթղթից. «Ժողովուրդ»
- 04/20/2024 08:07 Վահագն Հովակիմյանն ու ՄԻՊ-ը կգնան ԱԺ․ «Հրապարակ»
- 04/20/2024 08:05 Մինչ Տավուշի հողերի հանձնման հարցն էր լուծվում , Փաշինյանը բեմականացում էր վայելում․«Հրապարակ»
- 04/20/2024 07:41 Կոռուպցիայի կանխարգելման հանձնաժողով հանձնված գրությունների մեծ մասը ՀՀԽ անդամների այլ վճարովի աշխատանքի անհամատեղելիության վերաբերյալ են. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/20/2024 12:22 Վերջ չկա. Հաջորդ «կայարանը» Ազատամուտ և Կայան գյուղերն են, հետո՝ Տիգրանաշենը. Էդգար Էլբակյան
- 04/20/2024 11:49 Մի՜ հավատացեք բանսարկուներին. Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է. ԱԺ փոխխոսնակ
- 04/20/2024 11:44 Ու բանակը հավի նման լքելո՞ւ է դիրքերը. քաղաքագետ
- 04/20/2024 11:25 Ներուժի լարումով համախմբվել է պետք, չկարողացա՞նք, ուրեմն սաղս էլ նույն «զիբիլն» ենք. Շարմազանով
Արխիվ
Արտակարգ պատահարներ
- 04/20/2024 13:17 Անհետ կորած տղամարդու դին գտել են Ջրվեժի ձորում՝ նեխած ու հոշոտված. shamshyan.com
- 04/20/2024 11:03 Էրեբունիում 8-րդ դասարանցին պնևմատիկ ատրճանակից կրակել է 9-դ դասարանի երկու երեխաների վրա. shamshyan.com
- 04/20/2024 10:55 Երեկվա քամին ծառեր է շրջել, տանիքներ պոկել
- 04/20/2024 10:25 Արմավիրի մարզում 38-ամյա տղան դանակի մի քանի հարվածով սպանել է հորը. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ