ԲՈԼՈՐ ՆՅՈՒԹԵՐԸ
ՌԼԿ-ն ըստ Ադրբեջանի կամ զբոսաշրջային Գաբալա 12/14/2012 12:09 | Վերլուծություններ
Գաբալայի ռադիոլոկացիոն կայանը /ՌԼԿ/-ն Ռուսաստանի համար, որպես զինվորական օբյեկտ, պետք է ենթադրել, որ այլևս հետաքրքիր չէ: Համենայնդեպս այնքան հետաքրքիր չէ, որպեսզի համաձայներ ադրբեջանցիների առաջ քաշած վարձավճարների առասպելական չափերին:
Հակառակ պարագայում, չի բացառվում, որ ՌԴ-ն չձգտեր գտնել կայանի տարեկան 300 մլն դոլար վարձը սակարկելու ուղիներ կամ կանխիկի փոխարեն Ադրբեջանին չառաջարկեր «բնամթերքով», օրինակ՝ ռազմական տեխնիկայով փոխհատուցելու տարբերակներ:
Սա, ի միջի այլոց, որպես նախաբան, քանի որ օր ու գիշեր զինվող ադրբեջանցիները Գաբալայի ՌԼԿ-ի վարձավճարի գնի բարձրացման իրենց ծրագրերում դժվար թե հաշվի առած չլինեին նաև փոխհատուցում ստանալու այդ եղանակը:
Ինչևէ: Բայց պետք է նշել, որ Ռուսաստանի կողմից կայանի շահագործելու վերաբերյալ համաձայնություն ստանալու պարագայում Բաքուն, ունեցել է հարաբերություններ կառուցելու որոշակի ծրագրեր: Հակառակ դեպքում, երբ հարցն ստացավ վերջնական լուծում, ինչու՞ համար այսօր ամենատարբեր կարգի ադրբեջանցի պետական աստիճանավորները անդադրում կրկնում են իրենց երկրի, այսպես կոչված, «պաշտոնական դիրքորոշման» մասին, որն, օրինակ, այդ երկրի ռազմական գերատեսչության մամլո ծառայության ղեկավար Էլդար Սաբիրօղլու մոտ ունի այսպիսի ձևակերպում. «Ադրբեջանը հանդես է եկել ՌԼԿ-ն Ռուսաստանի կողմից վարձակալելու օգտին, սակայն... ....ռուսական կողմը չի համաձայնել»:
Այսօր հարցն արդեն ստացել է հստակ լուծում, և ինչ էլ խոսվի Գաբալայի շուրջ ռուսական ներկայությունը շարունակելու թեմայով, արդեն, ավելորդ է ասել, որ դա իրականության հետ որևէ առնչություն չի կարող ունենալ: Ռուսաստանը հեռացել է այդ օբյեկտից և շուտով այնտեղից կհանի նաև իր ունեցվածքը:
Այնպես, որ Ադրբեջանում շրջանառվող այն մտայնությունը, որ «Կրեմլը փորձում էր իր համար ամեն կերպ պահպանել այդ կարևոր հետախուզական օբյեկտը» ոչ միայն մոլորություն է, այլև Գաբալայի ՌԼԿ-ի վրա կառուցվող նրա հաշվարկների սխալ լինելու ապացույց:
Որ այդ «հույժ կարևոր ռազմական օբյեկտը» արդեն այլ ենթատեքստ ու բովանդակություն ուներ Ռուսաստանի համար, առավել քան ակնհայտ էր դեռ շատ ավելի վաղ: Բավական է հիշել 2007թ. հունիսի 7-ին Գերմանիայում կայացած «ութնյակի գագաթնաժողովում» Ռուսաստանի նախագահ Վ. Պուտինի ԱՄՆ-ին ուղղված կայանը միասին ղեկավարելու վերաբերյալ առաջարկությունը:
Ռուսաստանի նախագահը այն ժամանակ գտնում էր, որ Գաբալայի կայանը, մասնավորապես Իրանի դեմ, համատեղ «հակահրթիռային մոնիտորինգի» անցկացման հնարավորություն է: Սակայն, այդ առաջարկությունը ԱՄՆ-ը չընդունեց, դրանով իսկ, ևս մեկ անգամ, անուղղակի, ցույց տալով Գաբալայի ՌԼԿ-ի նկատմամբ մասնագիտական հետաքրքրությունների նեղացման իրական աստիճանը:
Նման հետաքրքրության չգոյությունն առավել քան հստակ և հասկանալի է: Ռուսաստանն այսօր իր տարածքում ունի Գաբալայի կայանին ոչ թե այլընտրանք, այլ բոլոր ցուցանիշներով գերազանցող Արմավիրի «Վորոնեժ-ԴՄ» ՌԼԿ-ն: Ի տարբերություն նախկին սերնդի ՌԼԿ-ների, այս կայանի տեխնիկական հնարավորությունները շատ ավելի արդյունավետ ու կատարելագործված են:
Ըստ ռուսական ՆՏՎ հեռուստակայանի՝ «Վորոնեժ-ԴՄ» կայանը շատ ավելի դյուրաշարժ է, հավաքվում է մոդուլներով և «նրա հնարավորությունները թույլ են տալիս վերահսկել Ռուսաստանից հազարավոր կմ-եր հարավ, Ատլանտյան օվկիանոսից մինչև Խաղաղ օվկիանոս»:
Աշխարհում դեռևս համարժեքը չունեցող կենտրոնի հրամանատար Վադիմ Սեվերովի ասելով` «Վորոնեժ-ԴՄ» կայանը «ընդունակ է հայտնաբերել բալիստիկ հրթիռները, որտեղից էլ որ դրանք արձակվեն՝ մայրցամաքից, թե սուզանավերից: Այստեղի տեխնիկական միջոցների գործունեության տիրույթում շարժվող տիեզերական օբյեկտները նույնպես հայտնաբերվում են»:
Ռուսական աղբյուրները նաև տեղեկացնում են, որ երկրի հարավում այդպիսի տվյալներով տեխնիկական միջոցների առկայությունը վերացնում է արտասահմանում ռադարներ ունենալու անհրաժեշտությունը:
Գաբալան ռուսական վերջին ներկայությունն էր Ադրբեջանում: Դեկտեմբերի 9-ը կարելի է նույնիսկ փաստել որպես այդ երկրի կողմնորոշման հստակեցման սահմանանիշ, որն արվեց ոչ ի նպաստ Ռուսաստանի: Այստեղ, անշուշտ, Բաքուն փորձեց իր խաղն ու շահերը համարժեք օգտավետությամբ իրականացնել: Սակայն հաշվի չէր առել տեխնոլոգիական առաջընթացի ռուսական հաջողությունները, որոնք այլընտրանքային արժեք ստացան Գաբալայի աշխարհագրական հարմար դիրքի նկատմամբ: Այդ մասին հաստատումները կարելի է ընթերցել ոչ միայն ռուսական համապատասխան ռազմական շրջանակների հավաստիացումներում, այլև դիվանագիտական մակարդակներում: Այս առումով հետաքրքիր փաստը արձանագրել են հենց իրենք՝ ադրբեջանցիները, որոնք Գաբալայի ՌԼԿ-ի շահագործման ժամկետից հետո, այդպես էլ, ռուսական կողմից չստացան օբյեկտի վարձակալման պայմանագիրը երկարացնելու մասին որևէ ակնարկ:
Այո, Գաբալայի խորհրդային ռադիոլոկացիոն կայանն իր դարն ապրել է: Այն այսօր չի կարող կատարել բարձր տեխնոլոգիական այն գործողությունները, ինչ-որ կատարում էր նախկինում: Դրա համար Ադրբեջանը չունի և դժվար թե տեսանելի ապագայում գտնի անհրաժեշտ լուծումներ: Նման հնարավորություններ չունի նաև Թուրքիան: Ըստ ամենայնի, նկատի ունենալով «Վորոնեժ-ԴՄ» կայանի առկայությունը, Գաբալայի հետ կապված ինչ-ինչ հաշվարկներ կատարելու ցանկություն չի առաջանա նաև ՆԱՏՕ-ի կամ ԱՄՆ-ի համապատասխան ծառայություններում նույնպես:
Դա հասկանում են նաև Ադրբեջանում: Ահա թե ինչու այդ երկրի ռազմական գերատեսչության մամլո ծառայության ղեկավար Էլդար Սաբիրօղլուն իր՝ վերջերս կատարած հայտարարության մեջ չբացառեց, որ «...օբյեկտի տարածքը, հաշվի առնելով այս տարածաշրջանում վերջին տարիներին զբոսաշրջության զարգացումը, պետք է ծառայի որպես հանգստյան գոտի»:
Սամվել Մարտիրոսյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
- 04/18/2024 17:08 Քանյե Ուեսթը կասկածվում է տղամարդու վրա հարձակվելու մեջ
- 04/17/2024 23:53 Թվարկել են 40 տարեկանից հետո մաշկի խնամքի հետ կապված տարածված սխալները
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ