ԲՈԼՈՐ ՆՅՈՒԹԵՐԸ
Անօգնական վիճակում հայտնված կնոջն ապօրինի զրկել են որդուց, թե՞ երեխայի առք ու վաճառքի դասական օրինակ 03/01/2015 12:14 | ԼՐԱՀՈՍ
Երկար տարիներ երեխա ունենալու փափագով ապրած կինը մայր դառնալուց անմիջապես հետո ապօրինաբար զրկվում է որդուց:
36-ամյա Նարինեն 2013թ. հունիսի 12-ին Երևանի «Քանաքեռ-Զեյթուն» բժշկական կենտրոնում լույս աշխարհ է բերել տղա երեխա և անմիջապես զրկվել որդուց: Կնոջ հղիության մասին տեղյակ չեն եղել ոչ իր հարազատները և ոչ էլ երեխայի կենսաբանական հայրը, որին նա խուսափել է հանդիպել, քանի որ վերջինս ուներ այլ ընտանիք:
Կնոջ հղիության ամբողջ ընթացքում նրա «կողքին» է եղել իրեն ծանոթ մի բժիշկ՝ Կալուստյանը, ում մոտ մինչև հղիությունը նա 2 տարի շարունակ բուժվել է:
Նարինեի փաստաբան Լեռնիկ Հովհաննիսյանը «Փաստինֆո»-ի թղթակցի հետ զրույցում նշեց, որ բժիշկը, քաջատեղյակ լինելով, որ Նարինեն օգնող չունի և գտնվում է նյութական ծանր վիճակում, խոստացել է իր գործընկեր բժիշկների միջոցով օգնել նրան, այդ թվում ֆինանսական հարցերում: Ավելին, բժիշկը հուսադրել է կնոջը, թե երեխան ծննդաբերելուց հետո եւս կկարողանա օգտակար լինել, եթե հնարավորություն չունենա պայմաններ ստեղծել երեխային խնամելու համար` նշելով, որ մի շարք անձինք իրեն են դիմել` երեխա վերցնելու խնդրանքով: Ըստ մեր զրուցակցի` կնոջ համար առաջնայինը եղել է երեխային չկորցնելն ու առողջ ծննդաբերել, կինը բժշկի օգնությունը շատ կարևորել և գնահատել է:
Հղիության 7-րդ ամսում բժիշկը զանգահարել է Նարինեին և ասել, որ իր ծանոթներից մեկը Աբովյանում առանց վարձավճարի բնակարան կտրամադրի իրեն: Հղի կինը բժշկի հետ գնացել է այդ տուն, որտեղ Նարինեն ծանոթացել է բնակարանի սեփականատիրոջ բարեկամի՝ ոմն Էդոյի հետ: Այդ բնակարանում գտնվելու ընթացքում բժիշկը նրան գումարներ է տվել գոյատևելու համար և ասել, որ այդ գումարը փոխանցել է Էդոն, իսկ կնոջ զարմացած հարցադրումներին պատասխանել է, թե «մեծահարուստ մարդ է, դուրը եկել ես, ոչինչ, վերցրու»:
2013թ. հունիսի 12-ին Նարինեն ծննդաբերել է տղա երեխա, ծննդաբերելուց հետո բժիշկը նրան ասել է, որ Էդոն երեխայի հայր թող ճանաչվի, որպեսզի երեխայի ծննդականի հարցը լուծվի, քանի որ առանց դրա կնոջը հիվանդանոցից դուրս չեն գրի, իսկ 1 կամ 2 օր անց Էդոն Նարինեին ներկայացրել է 2-3 փաստաթուղթ, որոնց տակ նա ստորագրել է: Փաստաբան Լեռնիկ Հովհաննիսյանը «Փաստինֆո»-ի թղթակցի հետ զրույցում ասաց, որ իր վստահորդին՝ Նարինեին, բժիշկն ասել է, որ երեխայի դիմաց 6000 դոլար են առաջարկել, սակայն Նարինեն հրաժարվել է` ասելով, որ իր երեխային ոչ ոքի չի տա:
Պարզվում է, որ երեխայի ծննդյան վկայականը Նարինեին չեն տվել, ծննդատնից դուրս գրվելու օրը նա որդու, Էդոյի ու նրա բարեկամուհու հետ մեքենայով գնացել են բժիշկ Կալուստյանի մոտ: Հասնելով տեղ` Էդոն ասել է, որ Նարինեն մեքենայից դուրս գա ու հանդիպի բժշկին, եւ հենց կինը մեքենայից դուրս է եկել՝ Էդոն իր երեխայի հետ գնացել է: Բժիշկն էլ Նարինեին փորձել է հանգստացնել, թե առողջական և ֆինանսական խնդիրների պատճառով այս պահին նա չի կարող խնամել երեխային, եւ մինչեւ խնդրների կարգավորումը փոքրիկին կխնամի Էդոյի բարեկամուհին:
Բժիշկը Նարինեի հետ գնացել է նոտարական գրասենյակ՝ երեխայի ժամանակավորապես խնամքը Էդոյին հանձնելու փաստաթուղթ ստորագրելու համար: Ըստ փաստաբանի՝ կինը, գտնվելով անօգնական վիճակում, չի գիտակցել, թե իրականում ինչ է կատարվում և, վստահելով բժշկին ու Էդոյին, ենթադրել է, որ այդ ամենն անհրաժեշտ գործողություններ են և ստորագրել է երեխայի խնամքի հետ կապված համաձայնագիրը:
Այս ամենից հետո որդուց զրկված մայրը փորձել է բժիշկից ճշտել, թե որտեղ է որդին, իսկ վերջինս էլ կնոջ հայտնել է, որ երեխան Հայաստանում չէ և ավելի լավ կլինի երեխայով չհետաքրքրվի, քանի որ երեխան ազդեցիկ մարդկանց մոտ է և կինը նրանց դեմ չի կարող պայքարել: Հետագայում կինը պարզել է, որ որդին Արցախում է գտնվում: Վերջապես Նարինեին տվել են մի ծննդյան վկայականի պատճեն` «Արթուր Էդոյի Նիկողոսյան» գրառմամբ, իսկ Էդոյի մասին որևէ տվյալներ կամ տեղեկություններ կինը չի ունեցել:
Նարինեն դիմել է դատարան և միայն այդ ժամանակ է պարզվել, որ Էդոյի իրական անունը Էդիսոն Ադյան է և որ իրեն տրված ծննդականի պատճենը կեղծված է եղել, իրականում որդու ծննդյան վկայականում գրված է «Արթուր Էդիսոնի Ադյան»:
Փաստաբանը նշեց, որ դիմել են վարչական դատարան պահանջով՝ անվավեր ճանաչել ՔԿԱԳ Քանաքեռ-Զեյթունի տարածքային բաժնի կողմից «Արթուր Էդիսոնի Ադյանի» հայրության ճանաչման գրանցումը որպես կեղծ գրանցում։ Գործի շրջանակներում դատաձեռագրաբանական փորձաքննություն է նշանակվել, որի արդյունքում պարզվել է, որ 2 ծննդյան վկայականները գրվել է ՔԿԱԳ-ի նույն աշխատակցի կողմից:
Գործը դիտարկվել է նաեւ քրեաիրավական հարթությունում: Նշանակվել է դատահոգեբանական փորձաքննություն, թե արդյո՞ք Նարինեն նշված ժամանակահատվածում ի վիճակի է եղել ղեկավարել իր գործողությունները, թե ոչ, սակայն, ըստ փաստաբանի, ստացված փորձաքննության եզրակացությունը իրենց չի տրամադրվել, անգամ կատարված առերեսումների ժամանակ իր վստահորդին թույլ չեն տվել հարցեր հնչեցնել: Քրեական գործը կարճվել է՝ Էդիսոնի և բժշկի գործողություններում հանցակազմի բացակայության հիմքով:
Քննիչի այս որոշումը կինը բողոքարկել է և դիմել Գլխավոր դատախազին պահանջով՝ քրեական գործով վարույթը կարճելու և քրեական հետապնդում չիրականացնելու մասին որոշումը վերացնել և շարունակել գործի քննությունը, իրեն ճանաչել տուժող, իրականացնել դատագենետիկական փորձաքննություն, օպերատիվ հետախուզական միջոցառումների միջոցով պարզել Կալուստյանի փաստացի գտնվելու վայրն՝ ապահովելով վերջինիս հարցաքննթյունը: Միևնույն ժամանակ նա պահանջել է կատարել այն բոլոր անհրաժեշտ գործողությունները, որոնք անհրաժեշտ կլինեն բացահայտելու համար սույն քրեական գործով տեղի ունեցած հանցագործությունը, մեղավոր անձանց առաջադրել մեղադրանք և ենթարկել քրեական պատասխանատվության:
Կնոջ այս բողոքը ևս մերժվում է՝ անհիմն լինելու պատճառաբանությամբ:
Նշենք, որ բողոքարկվող որոշումը քննիչը հիմնավորել է նրանով, որ Կալուստյանի կողմից երեխաների առք ու վաճառքով զբաղվելու տեղեկություններ չեն ստացվել, որ նա չի հարցաքննվել ՀՀ-ից բացակայելու պատճառով, որ Նարինեն ընդունել է, որ որոշ փաստաթղթեր է ստորագրել:
Ըստ փաստաբանի՝ քննիչը չի իրականացրել անհրաժեշտ քննչական գործողություններ, որոնց իրականացման դեպքում միանշանակ մեղադրանք կառաջադրվեր և՛ Էդիսոն Ադյանին, և՛ Կալուստյանին, և՛ այլ անձաց: Նարինեն խնդրել է պարտավորեցնել վարույթն իրականացնող մարմնին վերացնել Քանաքեռ-Զեյթուն քննչական բաժնի քննիչ Առաքելյանի որոշումը՝ քրեական գործով վարույթը կարճելու և քրեական հետապնդում չիրականացնելու մասին, շարունակել գործի քննությունը, ճանաչել իրեն տուժող, իրականացնել դատագենետիկական փորձաքննություն, անհրաժեշտ գործողությունների արդյունքում պարզել Կալուստյանի գտնվելու վայրը, հարցաքննել նրան: Այս պահանջով կինը բողոք է բերել Երևանի Արակիր և Քանաքեռ –Զեյթուն վարչական շրջանների ընդհանուր իրավասության դատարան:
Փաստաբանը նշում է, որ այս գործում 2 անվիճելի փաստ կա. այն, որ երեխան Նարինեինն է և որ նրա մոտ չի գտնվում, ապօրինի բաժանել են մորից: Նշենք, որ Էդիսոն Ադյանը ևս հայցադիմում է ներկայացրել դատարան՝ Նարինեին ծնողական իրավունքից զրկելու պահանջով:
«Փաստինֆո»-ն պատրաստակամ է ներկայացնել գործի բոլոր կողմերի տեսակետները:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
- 04/19/2024 08:02 Ի՞նչ է փոխվել․ ինչո՞ւ Փաշինյանը հետողորմյա արեց․«Հրապարակ»
- 04/19/2024 07:55 Հիվանդանոցներում պետպատվերով բուժումները կասեցվել են. քաոս. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ