Փաստ ինֆո

Ոստիկանության լրատավական ծառայության տեղեկացմամբ՝ տարբեր ստորաբաժանումների կողմից հայտնաբերվել են հետախուզվողներ:

Այսպես.

Ոստիկանության Տարոնի բաժնի ծառայողները նոյեմբերի 27-ին, ժամը 15.20-ին, Վանաձորի Խորենացու փողոցի թիվ 8 հասցեի մոտից բաժին բերման են ենթարկել 1988 թ. ծնված  Վահրամ Ա.-ին, որը նոյեմբերի 24-ից հետախուզվում էր ՀՀ քրեական օրենսգրքի 179 հոդվածի /յուրացնելը կամ վատնելը/  2-րդ մասի 3-րդ կետի և 235 հոդվածի  4-րդ մասի մեղադրանքով:

Ոստիկանության Թալինի բաժնի ծառայողների ձեռնարկած օպերատիվ-հետախուզական միջոցառումների շնորհիվ Արագածավան գյուղից հայտնաբերվել և ժամը 19.00-ին բերման է ենթարկվել նոյեմբերի 25-ից ՀՀ քրեական օրենսգրքի  358 հոդվածի /պետի նկատմամբ բռնի գործողություններ կատարելը կամ դրանք կատարելու սպառնալիքը/ 1-ին մասի մեղադրանքով հետախուզման մեջ գտնվող, 1993 թ. ծնված Սմբատ Հ.-ն:

Ոստիկանության Տարոնի բաժնի և Բագրատաշենի բաժանմունքի ծառայողների  ձեռնարկած համատեղ օպերատիվ-հետախուզական միջոցառումների շնորհիվ, նոյեմբերի 27-ին, ժամը 15.20-ին, Բագրատաշենի անցակետից բերման է ենթարկվել 1973 թ. ծնված Արմեն Օ.-ն, որը 1996 թ. հոկտեմբերի 3-ից ոստիկանության Բազումի բաժնի կողմից հետախուզվում էր ՀՀ քրեական օրենսգրքի 112 հոդվածի /դիտավորությամբ առողջությանը ծանր վնաս պատճառելը/ 1-ին մասի մեղադրանքով:

Ոստիկանության Քանաքեռ-Զեյթունի բաժնի ծառայողների ձեռնարկած օպերատիվ-հետախուզական միջոցառումների շնորհիվ, նոյեմբերի 27-ին, ժամը 09.30-ին, Երևանի Բելինսկու փողոցի տներից մեկից բաժին բերման է ենթարկվել 1976 թ. ծնված Գարիկ Օ.-ն, ով նոյեմբերի 26-ից հետախուզվում էր ՀՀ քրեական օրենսգրքի 176 հոդվածի /կողոպուտ/ 2-րդ մասի 4-րդ կետի մեղադրանքով:

Նոյեմբերի 27-ին, ժամը 15.30-ին, ոստիկանության քրեական հետախուզության գլխավոր վարչության ծառայողների օպերատիվ խմբի կողմից Մոսկվա-Երևան չվերթով ՀՀ է տեղափոխվել 1977 թ. ծնված Դավիթ Մ.-ն, որը ապրիլի 3-ից հետախուզվում էր ոստիկանության Եղեգնաձորի բաժնի կողմից՝ ՀՀ քրեական օրենսգրքի 179 հոդվածի /յուրացնելը կամ վատնելը/ 3-րդ մասի 1-ին կետի մեղադրանքով: