Ընտանեկան բռնության դաժան դեպք Գեղարքունիքում. Ամուսինը ջրի բաժակով հարվածել է կնոջ գլխին, փայտյա աթոռը կոտրել մեջքին և շարունակել ոտքերով ծեծել գետնին ընկած կնոջը

ԲՈԼՈՐ ՆՅՈՒԹԵՐԸ

Բոլորը

04/23/2024 13:27 Իրավիճակը Երեւան-Սեւան մայրուղու վրա այս պահին. ճանապարհը երկկողմանի փակ է 04/23/2024 12:51 Ջահերով երթ. այսօր Երեւանում ժամը 19։00-ից սկսած փակ են լինելու փողոցներ 04/22/2024 19:41 Հայաստանը պատրաստ է զորքերը միակողմանի հետ քաշել`անկախ Բաքվի գործողություններից. Փաշինյանի աշխատակազմի մեկնաբանությունը 04/23/2024 10:51 Արգիշտի Քյարամյանի նոր նշանակումը 04/22/2024 20:22 Անակնկալ բացահայտումներ.Վազգեն Ա կաթողիկոսն այցելել է Թուրքիա, որտեղ նրան դիմավորել են պետական մակարդակով (տեսանյութ) 04/23/2024 18:55 Ես էլ ձեռքերս կկտրեմ ու Տավուշից ոչինչ չեմ տա. Սարգիս Խանդանյան 04/23/2024 20:25 Այս պահին լարված վիճակ է Ալավերդու ճանապարհին. ոստիկանները հրելով հեռացնում են մեքենաները 04/22/2024 13:50 Կրեմլը արձագանքել է Տավուշի մարզից ռուս սահմանապահների դուրսբերման վերաբերյալ Փաշինյանի հայտարարությանը 04/23/2024 23:26 Ջահերով երթ՝ Թբիլիսիում և Ախալքալաքում 04/23/2024 00:14 Տաքսու վարորդը ուղեւորության ժամանակ անարգել է մոսկվացի կնոջը 04/22/2024 13:34 Հոգևորականին և հավաքված տավուշցիներին թույլ չտվեցին մոտենալ Ոսկեպարի եկեղեցուն․ լարված իրավիճակ 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո 04/22/2024 17:10 Իրավիճակը Տավուշում այս պահին. ուղիղ 04/22/2024 18:06 Նիկոլ Փաշինյանի հանրային դատը՝ ուղիղ 04/23/2024 17:23 Սյունիքում մտահոգություններ կան. Գորիսի փոխքաղաքապետ 04/22/2024 16:07 Այո, կպայքարեմ տավուշցիների հետ․ Օնիկ Գասպարյան 04/22/2024 21:58 Ալիև․ Բաքուն և Մոսկվան ևս մեկ վիթխարի նախագիծ կսկսեն «Հյուսիս-Հարավ» միջանցքի շրջանակներում 04/23/2024 17:14 «Ինձ չեմ տեսնում այն ԵԿՄ շարքերում, ով տարածքներ հանձնելու համար ուժ է կիրառում ժողովրդի վրա». Արայիկ Ղարիբյանը հեռանում է ԵԿՄ-ից 04/24/2024 08:04 Հաջորդ քայլը լինելու է ապրիլի 24-ի հիշատակի օրվանից հրաժարվելը․«Հրապարակ» 04/23/2024 20:52 Մենակ չթողնեք տավուշցուն,Արցախը կորցրինք` չկարողանալով համախմբվել, Տավուշը մեր դարպասն է. Գառնիկ Դանիելյան

Ընտանեկան բռնության դաժան դեպք Գեղարքունիքում. Ամուսինը ջրի բաժակով հարվածել է կնոջ գլխին, փայտյա աթոռը կոտրել մեջքին և շարունակել ոտքերով ծեծել գետնին ընկած կնոջը 06/04/2014 10:45 | Քրեական խրոնիկոն

Կնոջը ծեծելու, խոշտանգելու, հոգեկան տառապանք և ֆիզիկական ցավ պատճառելու համար մեղադրվող 33-ամյա տղամարդու գործով դատական հերթական նիստի ավարտին Գեղարքունիքի մարզի ընդհանուր իրավասության դատարանը որոշեց հետաձգել գործի քննությունը և բավարարել ամբաստանյալի հանրային պաշտպան Տիգրան Աբրահամյանի միջնորդությունը` լրացուցիչ դատաբժշկական փորձաքնություն նշանակելու վերաբերյալ:

Դրա ավարտին փորձագետները պետք է բացահայտեն կնոջ` մարմնի վրա առկա հետքերի ծագումը, դրանց վաղեմությունն ու առաջացման պատճառները, քանի որ, ըստ գործի նյութերի, դրանք առաջացել են ամուսնու կողմից այրվող ծխախոտով կնոջն այրելու հետևանքով, մինչդեռ ամուսինը մերժում է այս վարկածը:

Հիշեցնենք՝ ըստ մեղադրական եզրակացության՝ ամուսինը 2013 թվականի մայիսի 5-ին` ժամը 23-ի սահմաններում եկել է Գեղարքունիքի մարզի իրենց բնակարան և տեսնելով, որ դստեր դեմքի շրջանում քերծվածքներ կան՝ կնոջը հարցրել է, թե ինչի հետևանքով է դուստրը ստացել այդ վնասվածքները:

Կինը պատասխանել է, որ երեխան ըկել է, բայց ամուսինը չի հավատացել, մեղադրել է կնոջն ու հարավածել նրա ձախ այտին, ապա բռնել է մազերից և քաշելով դուրս հանել նրան սենյակից: Դրանից հետո, հայհոյելով ու սպառնալով կնոջը, վերցրել է ջրի բաժակն ու դրանով հարվածել Հասմիկի գլխին, իսկ երբ կինն ընկել է, շուրջ 20 րոպե ձեռքերով ու ոտքերով հարվածել է նրա գլխին, դեմքին և մեջքին:

Կինը լաց է եղել և խնդրել, որ վերջ տա ծեծին, բայց ամուսինը դրանից էլ ավելի է ոգևորվել` վերցրել է սենյակում գտնվող փայտյա աթոռը և հարվածել նրա մեջքին, այնպես, որ աթոռը կոտրվել է, իսկ դրանից հետո աթոռից պոկված փայտյա գլխիկով է հարվածել կնոջ գլխին և մարմնին, մինչև նա ուշագնաց ընկել է և ուշքի է եկել շարունակվող ծեծի հարվածներից: Այս ամենի հետևանքով երիտասարդ կինն ստացել է բազմաթիվ սալջարդեր և ուղեղի ցնցում:

Շուրջ մեկ ամիս անց ծեծը դարձյալ կրկնվել է: Այս անգամ տղամարդը որոշել է կնոջն ապացուցել, որ ինքը «լավ տղա է» և «եթե ինքը կասկածի, որ կինը դավաճանում է իրեն, աչքերը կհանի»: Այս ասելով նա ձեռքին եղած ծխախոտը մոտեցրել է կնոջ դեմքին, իսկ երբ կինը ձեռքերով ծածկել է դեմքը, այրվող գլանակով այրել է նրա ձախ նախաբազուկը:

Երրորդ անգամ ծեծը կրկնվել է հունիսի 16-ին. Ժամը 23-ի սահմաններում ամուսինն իրենց տան բակում վիճաբանել է կնոջ հետ, ձեռքի ափով հարվածել է նրա ականջին: Կինը ցավ զգալով վազել է դեպի տուն, իսկ ամուսինը, կարծելով, թե կինը փախչում է իրենից, ոտքով հարվածել է նրա դեմքին և մարմնի տարբեր մասերին:Ի վերջո կինն ամուսնուց ստիպված է եղել թաքնվել հայրական տանը:

Ինչ վերաբերում է դատաքննության ժամանակ ամբաստանյալի պաշտպան Տիգրան Աբրահամյանի միջնորդությանը` լրացուցիչ դատաբժշկական փորձաքննություն նշանակելու մասին, ապա դրա անհրաժեշտությունը պաշտպանը պատճառաբանել է նրանով, որ ուսումնասիրելով փորձագետի եզրակացությունը, գտնում է, որ այն հիմնավորված չէ և կասկած է հարուցում:

Տուժողի ներկայացուցիչ Տիգրան Մուրադյանն առարկել է միջնորդության դեմ և խնդրել մերժել այն: Սակայն, դատարանը որոշել է բավարարել պաշտպանական կողմի միջնորդությունը` գտնելով, որ փորձաքննությունից հետո հստակեցված կլինի, թե կնոջ ձախ նախաբազկի շրջանում հայտնաբերված անկանոն կլորավուն պիգմենտավորված տեղամասն առաջացել է ֆուրունկուլից, թե ծխախոտի այրվող գլանակից: