ԲՈԼՈՐ ՆՅՈՒԹԵՐԸ
Մասամբ արդարացման դատավճիռը բեկանվել է, ու գործը վերադարձվել առաջին ատյանի դատարան 05/20/2017 18:01 | Արդարացման դատավճիռներ
ՀՀ վերաքննիչ քրեական դատարանի կողմից բեկանումից հետո Շենգավիթ վարչական շրջանների դատարան է վերադարձել առանձնապես խոշոր չափերի խարդախության և խոշոր չափերի յուրացման Արտակ Ղուկասյանի վերաբերյալ գործը, որով կայացվել էր մասնակի արդարացման դատավճիռ: Գործով սկսվել է նոր կազմով երկրորդ քննությունը:
Առաջին ատյանի դատարանի 2016թ. մարտի 9-ի դատավճռով ՀՀ քրեական օրենսգրքի 178-րդ հոդվածի 3-րդ մասի 1-ին կետով Արտակ Ղուկասյանը ճանաչվել է անպարտ և արդարացվել, իսկ ՀՀ քրեական օրենսգրքի 179-րդ հոդվածի 2-րդ մասի 3-րդ կետով նա մեղավոր է ճանաչվել, նրա նկատմամբ պատիժ է նշանակվել երկուսուկես տարվա ազատազրկում, սակայն հաշվի առնելով, որ Արտակ Ղուկասյանի նկատմամբ նշանակված պատիժը չի գերազանցում նախնական կալանքի տակ փաստացի գտնվելու ժամկետը, ուստի Արտակ Ղուկասյանի նկատմամբ ընտրված խափանման միջոցը` կալանավորումը, վերացվել է, և նա ազատվել է կալանքից դատական նիստի դահլիճում։
Տուժողներ Ալինա Մհերյանի, Արմինե Գրիգորյանի, Սուտո Ասադյանի և Նունե Գրիգորյանի քաղաքացիական հայցերը բավարարվել են, Արտակ Ղուկասյանից Ալինա Մհերյանի և Արմինե Գրիգորյանի օգտին վճռվել է բռնագանձել 130.000-ական դրամ, Սուտո Ասադյանի օգտին՝ 133.000 դրամ և Նունե Գրիգորյանի օգտին՝ 190.000 դրամ։
Ըստ մեղադրանքի, Արտակ Ղուկասյանը 2008-2010թթ. ընթացքում տարբեր անձանց անվամբ հիմնադրել է մի շարք գրավատներ և տարադրամի փոխանակման կետեր ու անձամբ փաստացի կառավարել դրանց գործունեությունը։ Սկզբնական փուլում Արտակ Ղուկասյանը գրավատներում և տարադրամի փոխանակման կետերում ներդնելու նպատակով տարբեր քաղաքացիներից պարտքով, այդ թվում` տոկոսով, գումարներ է վերցրել` եկամտից նրանց մասնաբաժին տալու պայմանով, այդ գումարները հիմնականում չմուտքագրելով դրամարկղերում։ 2009թ. սկսած` Արտակ Ղուկասյանի կողմից նախկինում ստացված ու ձեռնարկատիրական գործունեությունում ներդրած գումարները և դրանց շրջանառությունից գոյացած եկամուտները, ինչպես նաև իրացված գրավներից գոյացած գումարները պարբերաբար վերցնելու արդյունքում գրավատները և տարադրամի փոխանակման կետերը փաստացի աշխատել են ֆինանսական վնասով։
Նշված պայմաններում զրկված լինելով ստացված գումարները վերադարձնելու իրական հնարավորությունից` Արտակ Ղուկասյանը նախկին պարտատերերի կողմից մայր գումարների պահանջը երկարաձգելու նպատակով որոշել է վստահությունը չարաշահելու և խաբեության եղանակով այլ քաղաքացիներից առանձնապես խոշոր չափերի գումարներ հափշտակել և դրանց հաշվին կատարել նախկին պարտատերերի հանդեպ ունեցած պարտավորությունները։
Իր այդ մտադրությունն իրականացնելու նպատակով, առանձնապես խոշոր չափերի հասնող գումարներ հափշտակելու միասնական դիտավորությամբ, Արտակ Ղուկասյանը տարբեր քաղաքացիների առաջարկել է զբաղվել համատեղ ձեռնարկատիրական գործունեությամբ և նրանց մոտ վստահություն ձեռք բերելու նպատակով ներկայացել է որպես հաջողակ գործարար, միաժամանակ, թաքցնելով իր ղեկավարած գրավատների հանդեպ ունեցած խոշոր պարտքերի առկայության հանգամանքները` նրանց սուտ տեղեկություններ է հաղորդել, թե` իր գործունեությունը շահութաբեր է։
Այդ կերպ ձեռք բերելով 28 անձի վստահությունը` համատեղ ձեռնարկատիրական գործունեություն իրականացնելու` գրավատներում և տարադրամի փոխանակման կետերում ներդնելու ու ստացված եկամուտներից մասնաբաժին տալու պատրվակով Արտակ Ղուկասյանը նրանցից` իբրև փայատերերի 2009թ. մինչև 2012թ. հունիսն ընկած ժամանակահատվածում ստացել է առանձնապես խոշոր չափերի գումարներ, ոմանց, իբրև գործունեությունից գոյացած եկամտի մասնաբաժին, որոշ գումարներ վերադարձնելով` ամրապնդել է իր նկատմամբ ունեցած վստահությունը, ինչպես նաև` երկարաձգել մայր գումարները պահանջելու ժամկետները, նրանց գցելով մոլորության մեջ և չարաշահելով վստահությունը` խաբեությամբ հափշտակել է առանձնապես խոշոր չափերի, ընդհանուր` 1.761.781.986 ՀՀ դրամ։
Բացի այդ, Արտակ Ղուկասյանն իրեն վստահված` ուրիշի խոշոր չափերի գույքը յուրացման եղանակով հափշտակելու ուղղակի դիտավորությամբ, փաստացի իր կողմից կառավարվող գրավատնային գործունեություն իրականացնող «Մաստեր կրեդիտ» և «Ֆինանսական շտապօգնություն» ՍՊ ընկերություններից 2012թ. ապրիլ և մայիս ամիսներին յուրացման եղանակով հափշտակել է ներքոհիշյալ անձանց 2011թ. դեկտեմբերից մինչև 2012թ. մայիսն ընկած ժամանակահատվածում տրամադրված 891.000 ՀՀ դրամի վարկերի դիմաց վերջիններիս գրավադրած խոշոր չափերի, ընդհանուր` 1.372.000 ՀՀ դրամ արժողությամբ ոսկյա զարդերը, որոնք անձնական կարիքների համար 2012թ. ապրիլին և մայիսին գրավադրել է այլ գրավատներում և ստացված գումարները ծախսել անձնական կարիքների համար։
Երևանի կայազորի զինվորական դատախազի տեղակալ Պ. Գյուլումյանը խնդրել է բեկանել և փոփոխել առաջին ատյանի դատարանի 2016 թվականի մարտի 9-ի դատավճիռն՝ Արտակ Ղուկասյանին ՀՀ քրեական օրենսգրքի 178-րդ հոդվածի 3-րդ մասի 1-ին կետով արդարացնելու մասով։ Արտակ Ղուկասյանին մեղավոր ճանաչել ՀՀ քրեական օրենսգրքի 178-րդ հոդվածի 3-րդ մասի 1-ին կետով և ՀՀ քրեական օրենսգրքի 179-րդ հոդվածի 2-րդ մասի 3-րդ կետով նախատեսված հանցագործության կատարման մեջ և նրա նկատմամբ սահմանել համաչափ պատիժ ազատազրկման ձևով։
Տուժողի ներկայացուցիչ Վ. Զուռնաչյանը նույնպես խնդրել է բեկանել Շենգավիթ վարչական շրջանի առաջին ատյանի դատարանի հիշյալ դատավճիռը և փոփոխել դատական ակտը` Արտակ Ղուկասյանին մեղավոր ճանաչելով ՀՀ քրեական օրենսգրքի 178-րդ հոդվածի 3-րդ մասի 1-ին կետով և նրա նկատմամբ սահմանել համապատասխան պատիժ:
Վերաքննիչ դատարանն արձանագրել է, որ առաջին ատյանի դատարանը գտնելով, որ գործի քննության արդյունքում ձեռք չի բերվել որևէ փաստական տվյալ, որով կհիմնավորվեր, որ Արտակ Ղուկասյանն ի սկզբանե նպատակ է ունեցել խաբել կամ մոլորության մեջ գցել տուժողներին, այդուհանդերձ չի պատճառաբանել, թե որ ապացույցների հիման վրա է հանգել այդպիսի եզրակացության, այն դեպքում, երբ սույն գործով հարցաքննված տուժողները հայտնել են, որ Ա. Ղուկասյանի հետ իրականացրած գրավատնային և տարադրամի փոխանակման գործունեության արդյունքում եկել են այն համոզման, որ վերջինս չարաշահել է իրենց վստահություն, խաբել և հափշտակել է իրենց գումարները:
Վերաքննիչ դատարանն արձանագրել է նաև, որ առաջին ատյանի դատարանը մի շարք փաստական հանգամանքներ քննության առարկա չի դարձրել: Մասնավորապես չի պարզվել, թե տուժողների կողմից ներդրված գումարները համապատասխան հաշվապահական փաստաթղթային ձևակերպումներ ստացել են, թե ոչ, ինչ նպատակով են դրանք օգտագործվել, Ա. Ղուկասյանի կողմից գրավատներից որքան գումարներ են վերցրվել, գումարները և գրավն ինչ նպատակով են ծախսվել:
Վերաքննիչ դատարանի համոզմամբ, այդ պարագայում առաջին ատյանի դատարանի եզրահանգումն այն մասին, որ չի հիմնավորվել Արտակ Ղուկասյանի արարքում խարդախության հանցակազմի օբյեկտիվ կողմի առկայությունը` պատճառաբանված չէ:
Վերաքննիչ դատարանը փաստել է, որ առաջին ատյանի դատարանի կողմից չպատճառաբանված դատական ակտի կայացումը օբյեկտիվորեն զրկում է Վերաքննիչ դատարանին` լիարժեք դատական ստուգման ենթարկելու բողոքարկվող դատական ակտի օրինականությունն ու հիմնավորվածությունը և կայացնելու արդարացի որոշում:
Վերաքննիչ դատարանի համոզմամբ, դատական ակտի չպատճառաբանված լինելը հանգեցնում է քրեական դատավարության կարևորագույն սկզբունքներից մեկի` ՀՀ Սահմանադրությամբ և քրեադատավարական օրենքով երաշխավորված արդար դատական քննության իրավունքի խախտման:
Վերաքննիչ դատարանը հանգել է հետևության, որ վերը նշված դատավարական իրավունքի խախտումները, որոնք հանգեցրել են ՀՀ քրեական դատավարության օրենսգրքի 358-րդ հոդվածի պահանջներին չհամապատասխանող` չհիմնավորված որոշման կայացմանը և ազդել են գործով ճիշտ որոշում կայացնելու վրա, ՀՀ քրեական դատավարության օրենսգրքի 398-րդ հոդվածի հիման վրա Առաջին ատյանի դատարանի որոշումը բեկանելու հիմք են:
Վերաքննիչ դատարանը գտել է, որ առաջին ատյանի դատարանի դատական ակտը պետք է բեկանել և գործն ուղարկել ստորադաս դատարան` այլ կազմով, նոր քննության` սահմանելով նոր քննության ծավալը:
Նոր քննության ընթացքում առաջին ատյանի դատարանը պետք է հետազոտի քրեական հետապնդման մարմնի կողմից մեղադրանքի հիմքում դրված բոլոր ապացույցները, գործի ապացույցները գնահատելով ապացույցների համակցության մեջ, համապատասխան իրավական գնահատման արժանացնի դրանց, որի արդյունքում կայացնի պատճառաբանված դատական ակտ:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/20/2024 07:31 Թաթուլ Ասիլյանի տան վրա արձակված կրակոցի գործը օդից է կախված․ միակ կասկածյալի խափանման միջոցը փոխվել է. «Ժողովուրդ»
- 04/20/2024 07:28 82 մլն 168 հազար դրամ 1080 ծառի համար, որից տնկվել է մոտ 400-ը․ Երեւանի քաղաքային իշխանությունները ձախողել են . «Ժողովուրդ»
- 04/19/2024 08:26 Ինչպես են այս տարի նշելու Քաղաքացու օրը․ «Հրապարակ»
- 04/19/2024 08:18 Ինչո՞ւ ուղղաթիռով․ «Հրապարակ»
- 04/19/2024 08:15 Հայաստանում դպրոցներ են փակվում. Փաշինյանը խաբել է մաս 202. «Ժողովուրդ»
- 04/19/2024 08:13 ՊԵԿ նախկին փոխնախագահը հրավիրվել է դատախազություն․ «Հրապարակ»
- 04/19/2024 08:10 Մասնակցե՞լ, թե՞ չմասնակցել «պառադին»․ «Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
Մեկնաբանություն
- 04/19/2024 13:36 Խոշտանգման հետևանքները՝ Շենգավիթի քննչական բաժնում․ փաստաբանն ահազանգում է
- 04/18/2024 16:43 Ֆրանկ Փելոնն ԱՄՆ-ին կոչ է արել ռազմական օգնություն ցուցաբերել Հայաստանին
- 04/18/2024 15:26 Ալիևը ասել է քայլերի հաջորդականությունը՝ սկզբում կպահանջեն ոչ անկլավային տարածքները, հետո անկլավայինը, հետո ճանապարհներ կուզեն դեպի անկլավներ. սա ՀՀ օկուպացիայի ու խեղդելու ծրագիր է.Հայրապետյան
- 04/18/2024 11:52 Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
- 04/18/2024 23:54 Սուրճի ևս մեկ օգտակար հատկություն է հայտնաբերվել
- 04/18/2024 23:38 Կինը բժշկի այցի շնորհիվ բացահայտել է ամուսնու դավաճանությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ