Փաստ ինֆո

Օրերս երկարատեւ ազատազրկման է դատապարտվել «օրենքով գող» Արտյոմ Առաքելյանը: Նրա նկատմամբ նշանակվել է պատիժ 17 տարվա ազատազրկման ձևով, խիստ ռեժիմի գաղութում, քրեական հեղինակություն Ալեքսանդր Աբբասովի (Սաշա Աբբաս) սպանությունը կատարելու համար:

Դատարանը որոշել է, որ Միտիշչիներում բնակվող, Արտյոմ Լիպեցկի մականվամբ «օրենքով գող» Առաքելյանը 2011թ. դեկտեմբերին ստեղծել է կազմակերպված հանցավոր խումբ Աբբասովին առևանգելու ու սպանելու համար:

Քննության տվյալներով, Արտյոմ Առաքելյանը այդպիսով ցանկանում էր ընդլայնել իր ազդեցությունը, բարձրացնել քրեական միջավայրում իր կարգավիճակը և վերահսկել Լիպեցկի մարզի շրջաններից մեկում քրեական կառույցների միջև փողերի բաշխումը:

Կազմակերպված հանցավոր խմբում Առաքելյանը ընդգրկել է իր ծանոթներ Աղաբաբյանին, Պանինին, Բարանովին և Դրեևին ու առնվազն ևս ութ մարդու:

Այդ սպանությունը հնարավոր է տեղի չունենար, եթե Սաշա Աբբասը Արտյոմ Լիպեցկու մասին չարտահայտվեր որպես գողական «թագը կրելու» անարժան մեկի մասին: Ալեքսանդր Աբբասովը Լիպեցկի մարզի Չապլիգին քաղաքի նայողն է եղել և փորձում էր խանգարել Առաքելյանին դառնալ օրենքով գող: Իսկ նրան այդ տեղի համար 2011թ. առաջ էր քաշում ինքը՝ Դեդ Հասանը: Ինչպես ասում էր Աբբասը, Առաքելյանն իր ժամանակին ընտանիքի հետ միասին տեղի շուկայում զբաղվում էր մրգերի առևտրով և բանդիտներին վճարում էր «տանիքի համար», ինչպես նաև ոչ մի դատվածություն չուներ, ինչը «օրինականի» համար համարվում է վատ բնութագիր:

Աբբասը նամակ է գրել Հասանին, որում հայտարարել է, որ Առաքելյանը չպետք է ստանա գողական տիտղոս: Արտյոմը մատնության մասին իմացել է և որոշել է սպանել հեղինակությանը:

2011թ. դեկտեմբերի լույս 10-ի գիշերը Աբբասովը երկու «թիկնապահների»՝ Ալեքսեյ Իվանովի և Աշոտ Բակոյանի հետ միասին ժամանել է Մոսկվա, իբրև թե անշարժ գույքի գործարքի կնքմանը մասնակցելու համար: Նա իջևանել է եղբոր մոտ: Հեղինակությունը կիսվել է ազգականի հետ իր կյանքի հանդեպ մտավախությունների հետ կապված, պատմել, որ վերջերս մահափորձ է տարել: Այդուհանդերձ, առավոտվանից գնացել է հանդիպման, որը պետք է տեղի ունենար Վարշավյան մայրուղում գտնվող սրճարանում:

Իրականում Աբբասին պարզապես նման ոչ խորամանկ ձևով ծուղակն են գցել: Անսպասելիորեն խմելու հաստատություն ներխուժել է 10-ը զինված անձ՝ Արտյոմ Առաքելյանի ու Սուրեն Աղաբաբյանի գլխավորությամբ: Նրանք ատրճանակի փողի ներքո գինետնից դուրս են բերել Աբբասովին և նրա թիկնապահներին, ստիպելով նրանց նստել միկրոավտոբուս: Դրանում մատնիչին կիսամահվան աստիճանի ծեծել են զենքի կոթով: Առևանգվածներին տարել են մերձմոսկովյան Միտիշչիում անվադողերի սարման արհեստանոց: Թիկնապահներին բաց են թողել, իսկ հազիվհազ ողջ Աբբասին տարել են անհայտ ուղղությամբ:

Ավելի ուշ պարզվել է, որ նրան սպանել է Առաքելյանը՝ հանցակիցների հետ, գլխին արձակված հինգ կրակոցով: Դրանից հետո դիակը գցել են կանալիզացիոն կոլլեկտորի մեջ Սգոննիկի գյուղի շրջանում, որտեղ էլ նա մնացել է մինչև 2012թ. փետրվարը: Այդ ժամանակ Արտյոմ Լիպեցկին ձեռք է բերել բաղձալի տիտղոսը: 2013թ. վերջին քրեական դրամայի բոլոր մասնակիցներին հաջողվել է կալանավորել, բացի Դրեևից, ով գտնվում է դաշնային հետախուզման մեջ:

Առաքելյանին և նրա հանցակիցներ Սուրեն Աղաբաբյանին, Դենիս Պանինին և Սերգեյ Բարանովին քննությունը մեղադրել է դիտավորյալ սպանության, մարդկանց առևանգելու, ավազակության և զենք պահելու համար: Նրանք բոլորը հերքել են հանցագործությանն իրենց մասնակցությունը:

Դատավճռի հրապարակմանը եկել էին ամբաստանյալների բազմաթիվ ազգականներ և ընկերներ և ԶԼՄ ներկայացուցիչներ: Լրագրողների ներկայությունը առաջացրել է «ակվարիում»-ում գտնվող մեղադրյալների վրդովմունքի փոթորիկ: Նրանք գոռում էին և փակում դեմքերը տեսախցիկներից:

«Թող տեսախցիկները դուրս գան, թող մեզ չմոտենան: Ընկեր դատախազ, քեզ դո՞ւր է գալիս, թե մեր հետ ինչ են արել: Մեզ ցանկանում են խայտառակել ամբողջ երկրով մեկ: Մեզ ոչնչի համար են նստեցրել»,- գոռում էին ամբաստանյալները:

Նրանցից մի կողմ չի մնացել նաև նրանց աջակցողների խումբը: Սև հագուստով տարեց տղամարդը քիչ էր մնում բռունցքներով հարձակվեր օպերատորների վրա: «Մեզ չի կարելի նկարահանել, մենք չենք թույլ տալիս մեզ նկարել»,- աղաղակում էր նա: Նրա ագրեսիվ վարքը այնպես էր վախեցրել դատական պրիստավներին, որ նրանք գերադասել են չխառնվել կոնֆլիկտին: Ֆեմիդայի ծառան ևս ստիպված էր հանգստացնել մեղադրյալներին: Նա անմիջապես չի կարողացել կարդալ դատավճիռը: «Ես չեմ կարող վռնդել լրագրողներին, մեր մոտ դռնբաց դատավարություն է»,- բացատրել է դատավորը: Սակայն «ակվարիում»-ում շարունակել են պահանջել հեռացնել մամուլին: Արդեն իսկ դատավճռի հրապարակման ժամանակ ամբաստանյալ Սուրեն Աղաբաբյանը հարկադրել է նախագահողին հայտարարել 10-րոպեանոց ընդմիջում: «Ես զուգարան եմ ուզում, չեմ կարող համբերել»:

Մոսկովյան մարզային դատարանի դատավճռով Առաքելյանը դատապարտվել է 17 տարվա, Աղաբաբյանը՝ 18 տարվա, Բարանովը՝ 13 տարվա, Պանինը՝ 15 տարվա ազատազրկման: Բացի այդ դատարանի կողմից նրանցից յուրաքանչյուրից գանձվել է տուգանք 250 հազար ռուբլու չափով:

Առաքելյանի մերձավոր հանցակիցները դատապարտվել են դեռևս 2013թ. և դատապարտվել են տարբեր ժամկետներով ազատազրկման՝ կախված հանցագործությունների կատարմանը նրանցից յուրաքանչյուրի կատարած դերից:

Աղբյուր` Փաստինֆո