ԲՈԼՈՐ ՆՅՈՒԹԵՐԸ
Խախտվում է օտարերկրացու ազատ տեղաշարժվելու իրավունքը. Վահան Հովհաննիսյան 04/21/2017 17:43 | ԼՐԱՀՈՍ
Ազգությամբ ռուս Ուկրաինայի քաղաքացին Վերաքննիչ դատարանի որոշմամբ ազատ է արձակվել, սակայն խափանման միջոցի բացակայության պայմաններում նրան թույլ չեն տալիս լքել Հայաստանի սահմանները: Այս մասին «Փաստինֆո»-ին պատմեց միջազգային հետախուզման մեջ գտնվող Ալեքսեյ Բալաշովի պաշտպան, փաստաբան Վահան Հովհաննիսյանը:
Մարտի 5-ին «Զվարթնոց» օդանավակայանում ձերբակալվել է միջազգային հետախուզման մեջ գտնվող, ազգությամբ ռուս Ուկրաինայի քաղաքացի Ալեքսեյ Բալաշովը: Դատախազության միջնորդությամբ դատարանը նրան ժամանակավորապես կալանավորել է:
Պաշտպանական կողմը բողոքարկել է այդ որոշումը Վերաքննիչ դատարան, որը նորանշանակ դատավոր Անդրանիկ Մնացականյանի նախագահությամբ, պաշտպան Հովհաննիսյանի գնահատմամբ, օբյեկտիվ քննություն է կատարել. առաջին ատյանի դատարանի որոշումը բեկանվել է և Ա.Բալաշովն ազատ է արձակվել:
Պաշտպանական կողմը, մասնավորապես, ներկայացրել է Վերաքննիչ դատարանին, որ գործի նյութերում առկա չէ Արաբական Միացյալ Էմիրությունների համապատասխան որոշումը կալանավորման մասին: Բացի այդ, հոդվածը, որով Բալաշովը հետախուզվում է, Հայաստանի օրենսդրությամբ չի համարվում հանցագործություն:
Գործի հանգամանքները հետևյալն են՝ Բալաշովը տասն օրով մեկնել է Դուբայ, վարձակալել է ավտոմեքենա, վարել ինն օր: Դրանից հետո ավտոմեքենան ու բանալին թողել է հյուրանոցի ռեսեփշընում, մեկնել Ուկրաինա: Առաջացած անհարթությունների պատճառով ավտոմեքենան հյուրանոց ուշ է վերադարձել, որի հետևանքով գոյացել է մոտ 100 հազար դրամի չափով պարտք:
Վահան Հովհաննիսյանը նշեց, որ էմիրաթյան հոդվածն ըստ էության ինչ-որ չափով համապատասխանում է ՀՀ քրեական օրենսգրքի 184-րդ հոդվածին, սակայն ամեն դեպքում էլի հանցակազմ չկա:
«Անգամ եթե ստացվեին արտահանձնման վերաբերյալ փաստաթղթերը, մենք չպետք է իրեն հանձնեինք: Բայց նման պայմաններում առաջին ատյանը բավարարեց միջնորդությունը, իսկ Վերաքննիչը բեկանեց որոշումն ու իրեն ազատ արձակեցին»,- ասաց Վահան Հովհաննիսյանը:
Ազատ արձակվելուց հետո Բալաշովը մինչև այժմ գտնվում է ՀՀ-ում: Թեև ԱՄԷ-ի կողմից հետախուզումը վերացված չէ, չէր էլ կարող վերացվել, սակայն Բալաշովի նկատմամբ Հայաստանի սահմանները լքելու որևէ արգելանք չկա:
«Առկա է Վերաքննիչ դատարանի բեկանման մասին որոշումը, նա խափանման միջոց չունի, որևէ դատավարական փաստաթուղթ, որ նրան արգելվում է լքել ՀՀ-ն, չկա, այսինքն՝ ազատ տեղաշարժման իրավունքը սահմանափակված չէ»,- ասաց պաշտպանը՝ հավելելով, որ օտարերկրացին այստեղ գտնվում է շատ վատ վիճակում՝ ոչ ապրելու տեղ ունի, ոչ սնունդ: Այդ պատճառով պաշտպանական կողմը դիմում է ներկայացրել ՀՀ գլխավոր դատախազություն, Հայաստանից մեկնելու թույլտվություն խնդրելով:
Դիմումի պատասխան օրեր շարունակ չի ստացվել, այդ պատճառով որոշվել է գնալ օդանավակայան ու այնտեղից Բալաշովին ճանապարհել իր երկիր: Օդանավակայանում ինքնաթիռի տոմս են գնել, Բալաշովը փորձել է սահմանը հատել, սակայն սահմանապահ ծառայությունն այսօր գիշերը նրան ձերբակալել է, մոտ ժամուկես ապօրինի պահել արգելանքի տակ: «Հետո եկավ ոստիկանությունը, նրան տարան ոստիկանության բաժանմունք, մենք ներկայացրեցինք ամբողջ իրավիճակը, թեև առաջին պահից գիտեին, որ անձի նկատմամբ արդեն խափանման միջոցը վերացված է, սակայն ժամուկես ապօրինի մնաց արգելանքի տակ»,- ասաց պաշտպանը:
Վահան Հովհաննիսյանն ընդգծեց, որ ամենահետաքրքիրն այն է, որ իր պաշտպանյալի թռիչքից ընդամենը մեկ ժամ անց համանման պայմաններում անարգել թռիչք է կատարել ավելի ծանր հոդվածով միջազգային հետախուզման մեջ գտնվող Ռուսաստանի քաղաքացին, ՌԴ քաղաքացին ազատ լքում է ՀՀ-ն և մեկնում Ռուսաստան:
Ըստ Վահան Հովհաննիսյանի, իրենք խնդրել են սահմանապահ ծառայությանը բացատրել, թե ինչ իրավական հիմնավորմամբ Ուկրաինայի քաղաքացին չի կարողանում լքել ՀՀ սահմանները, իսկ Ռուսաստանի քաղաքացուն համար կանաչ ճանապարհ է: «Մեզ բացատրում են, որ իրենց դեսպանատունը քաղաքական աստառ է հաղորդել գործին, դրա համար իրենք ստիպված բաց են թողել, այսինքն՝ ըստ էության իրենց ասելով կրկին անօրինական, բայց այլ հնար չունենալով բաց են թողել: Իսկ մեր պաշտպանյալի ելքը սահմանափակված է, քանի որ իրենց դեսպանատունը թույլ է գործում, համախատասխան նոտաներ, բողոքներ չի հղում, չի ազդում մեր ԱԳՆ կամ գլխավոր դատախազության վրա»:
Ի պատասխան մեկնաբանություն է հնչում՝ ըստ իրենց համակարգիչների, անձը գտնվում է կարմիր քարտով միջազգային ինտերպոլային հետախուզման մեջ:
«Բացատրում ենք, որ հետախուզման նպատակն անձին հայտնաբերելու ու իրավապահ մարմիններին հանձնումն է, այլ ոչ թե անձի ելքը սահմանափակելը: Տվյալ դեպքում հետախուզման գործառույթն իրացվել է, քանի որ անձն արդեն իսկ հայտնաբերվել է, հանձնվել է իրավասու մարմիններին, քննվել է իր հարցը, և անձն ազատ է արձակվել»,- ասաց Վահան Հովհաննիսյանն՝ ընդգծելով, որ իրենց հարցին՝ որքա՞ն անձը պետք է մնա Հայաստանում, եթե ԱՄԷ-ից էքստրադիցիայի պահանջը չի գալիս, որևէ մեկը չի կարողանում այդ հարցի պատասխանը տալ:
Վահան Հովհաննիսյանը հայտնեց նաև, որ այսօր իրենք համապատասխան բողոքներ են ուղարկել ԱԱԾ, Սահմանապահ զորքերի հրամանատարին և Գլխավոր դատախազություն և խնդրել բացատրել, թե ի՞նչ հիմքով են ՀՀ-ում երկակի ստանդարտներ գործում. «նմանատիպ պայմաններում գտնվող ՌԴ քաղաքացին կարող է անարգել հատել ՀՀ սահմանը, ընդ որում, մեր պաշտպանյալի ներկայությամբ, որը խիստ վրդովեցուցիչ է, իսկ Ուկրաինայի Հանրապետության քաղաքացին չի կարողանում հատել սահմանը»:
Բացի այդ, պաշտպանը նշեց, որ կա ևս մեկ նախադեպ. 2016թ. օգոստոսի 31-ին ևս մեկ ՌԴ քաղաքացի Սերգեյ Միրոնովը նմանատիպ հետախուզման պայմաններում անարգել հատել է ՀՀ սահմանները:
«Կարծում ենք, որ ՀՀ-ն այսօր գտնվում է Ռուսաստանի Դաշնությունից ինչ-որ կախվածության՝ արտաքին դիվանագիտական, թե այլ կախվածության մեջ, և բացարձակ հնարավորություն չունի սահմանափակել հետախուզման մեջ գտնվող ՌԴ քաղաքացու ելքը ՀՀ-ից, ինչը չի կարելի ասել մեր պաշտպանյալի մասին»,- ասաց Վահան Հովհաննիսյանը:
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/24/2024 08:18 Փաշինյանը տավուշցիներին երաշխիքներ չի տվել, որ Ադրբեջանին այլ տարածքներ չեն հանձնվելու․«Հրապարակ»
- 04/24/2024 08:12 Սա դեռ թատրոնի առաջին արարն է․ «Հրապարակ»
- 04/24/2024 08:08 Ամաչում են մարդամեջ դուրս գան․ «Հրապարակ»
- 04/24/2024 08:04 Հաջորդ քայլը լինելու է ապրիլի 24-ի հիշատակի օրվանից հրաժարվելը․«Հրապարակ»
- 04/23/2024 08:20 Տավուշը պայքարում է, համայնքապետն ԱՄՆ-ում է․ «Հրապարակ»
- 04/23/2024 08:17 Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին․ «Ժողովուրդ»
- 04/23/2024 08:14 Համերգն առանց տեղական «իշխանիկների»․ «Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ