Փաստ ինֆո

Աշխարհը գտնվում է պատմության կրիտիկական փուլում՝ անցկացնելով 1945թ.-ից ի վեր ամենալուրջ հումանիտար ճգնաժամը՝ 20 մլն-ից ավելի մարդ չորս երկրում տառապում է սովից: Ըստ ՌԻԱ Նովոստիի, այս մասին հայտնում է Associated Press գործակալությունը՝ մեջբերելով հումանիտար հարցերով ՄԱԿ-ի բաժնի ղեկավար Սթիվեն Օ՚ Բրայանի բառերը:

Խոսքը գնում է Եմենի, Հարավային Սուդանի, Սոմալիի և Նիգերիայի մասին: Ինչպես հայտարարել է Օ՚ Բրայանը, առանց միջազգային կազմակերպությունների կողմից «համակարգված գլոբալ ջանքերի» մարդիկ այնտեղ պարզապես կմահանան սովից: Ըստ նրա, աղետի կանխարգելման համար անհրաժեշտ է որքան հնարավոր է արագ ֆինանսական օգնություն ցույց տալ այդ երկրներին՝ մինչև հուլիս անհրաժեշտ է հավաքել առնվազն 4,4 մլրդ դոլար:

«Առանց այդ փողերի երեխաները հետ կմնան աճից ու զարգացումից, չեն կարողանա դպրոց հաճախել և նրանք կարող են կորցնել իրենց ապագան»,- ընդգծել է Օ՚ Բրայանը:

Հավաքական միջոցների բացակայությունը, սակայն, կարող է հանգեցնել միգրացիայի ալիքի, ինչն ամբողջ տարածաշրջաններում կստեղծի անկայուն իրավիճակ, հավելել է ՄԱԿ-ի ներկայացուցիչը:

Աղբյուր` Փաստինֆո