ԲՈԼՈՐ ՆՅՈՒԹԵՐԸ
Փաստաբանների համայնքում ընտրական գործընթացը դուրս հանեցինք ստվերից. Արա Ղազարյան 02/08/2017 20:18 | Հարցազրույց
2017թ. փետրվարի 11-ին տեղի են ունենալու ՀՀ փաստաբանների պալատի խորհրդի անդամների ընտրություններ: Պետք է նկատել, որ նախընտրական փուլը փաստաբանները բավական ակտիվ են իրականացնում։ Ինչու, ինչ ակնկալիքներ ունեն փաստաբաններն այս ընտրություններից. այս եւ այլ հարցերի շուրջ է մեր հարցերին է պատասխանում առաջադրված թեկնածու, հայտնի փաստաբան Արա Ղազարյանը։
- Պարոն Ղազարյան, ինչո՞ւ որոշեցիք առաջադրվել Պալատի խորհրդի ընտրություններում։
Ա.Ղազարյան - Խորհուրդը փաստաբանների համայնքի ներկայացուցչական մարմին է, քաղաքականություն մշակող մարմին, և որպես այդպիսին կարևոր դերակատարում ունի համայնքի ինքնակարգավորման գործունեության ոլորտում։ Այդ պատճառով որոշեցի դառնալ այդ գործընթացի մասնակից։
- Բայց Դուք բոլորովին վերջերս եք դարձել փաստաբան, հետևաբար նաև փաստաբանների համայնքի անդամ, մինչդեռ խորհրդի անդամը պետք է առնվազն լավ պատկերացնի համայնքի կարիքները։
Ա.Ղազարյան - Համայնքն այն աստիճան մեծ չէ, խնդիրներն էլ այն աստիճան բազմազան ու դժվար ընկալելի չեն, որ հնարավոր չլինի դրանց ծանոթանալ մի քանի օրվա մեջ։ Ընդհանրապես, փաստաբանների համայնքում հիմնախնդիրների մեծ մեծը լուծված է, ինստիտուտը կայացած է ու բնականոն գործում է՝ որպես համակարգ։ Շատ քիչ համակարգային խնդիրներ են մնացել լուծելու։ Իսկ ինչ վերաբերում է իմ ընդհանուր իրազեկվածությանը, ես վաղուց եմ շփվում փաստաբանների համայնքի հետ, այդ թվում նաև՝ Փաստաբանների պալատի հետ՝ տարբեր ձևաչափերով։ Բացի այդ, մասնակցել եմ նաև Պալատի ձևավորման գործընթացին։
- Ինչ նկատի ունե՞ք
Ա.Ղազարյան - 2004 թվականից սկսվեց գործընթաց գոյություն ունեցող երեք փաստաբանական միությունները միավորելու ուղղությամբ, քանի որ մեծ շռայլություն էր համարվում Հայաստանի նման փոքր երկրում երեք փաստաբանական համայնքներ ունենալը։ Փաստաբանների մի մասը դեմ էր այդ գործընթացին։ Ի վերջո երեք միությունները միավորվեցին մեկ միության մեջ՝ այդպիսով ձևավորվելով ՀՀ փաստաբանների պալատը։ Այդ գործընթացում ամենակարևորը 2005 թվականին անցկացված առաջին ընտրություններն էին։ Ես այդ ժամանակ աշխատում էի Ամերիկյան իրավաբանների ընկերակցությունում, որն ստանձնել էր այդ ողջ գործընթացի տեխնիկական իրավաբանական աջակցությունը՝ այդ թվում նաև լոգիստիկան։
- Փաստորեն խոսքը գնում է միայն տեխնիկական աջակցության մասին։
Ա.Ղազարյան - Որը բնավ չի նշանակում տեխնիկայի տրամադրում։ Դա նշանակում է ոչ միայն գործընթացի ֆինանսավորում, այլ նաև բոլոր անհրաժեշտ կանոնակարգերի մշակում։ Ես այդ ողջ գործընթացին մասնակցեցի որպես ԱՄՆ իրավաբանների ընկերակցության ներկայացուցիչ և ծրագրի կոորդինատոր։ Դա նշանակում էր ընդհուպ մինչև երեք միությունների ղեկավարների բանակցությունների խրախուսում և մասնակցություն։ Սակայն առավել դժվար էր օրենքի բացակայության և Արդարադատութան նախարարության դոմինանտության պայմաններում կանոնակարգեր մշակելը, ինքնակարգավորման ապագա մարմիններ ստեղծելը, էլ չեմ ասում փաստաբանի անկախության համար հակակշիռներ մշակելը։
- Կարող ենք արձանագրել, որ մասնակից եք եղել Պալատի կայացման գործընթացի՞ն։
Ա.Ղազարյան - Չափազանցված կլինի այդպես նշելը, ես ուղղակի շարունակ ներգրավված եմ եղել գործընթացներին։ 2007 թվականին, երբ դուրս եկա իրավաբանների ընկերակցությունից, Ռուբեն Սահակյանը ինձ հրավիրեց Պալատ՝ մասնակցելու մի շարք ծրագրերի, ինքս էլ էի ծրագրեր մշակում և օտարերկրյա դոնոր կազմակերպություններ ներգրավում Պալատում տարբեր միջոցառումներ և ծրագրեր իրականացնելու համար։ 2010 թվականին կրկին Ռուբեն Սահակյանը իրավիրեց մասնակցելու առաջին ուսումնական մոդուլների պատրաստման, մի շարք ծրագրերի նախագծման և իրականացման գործընթացներին։ 2014 թվականին արդեն ստեղծված դպրոցի տնօրեն Սիմոն Բաբայանի կողմից հրավիրվեցի դպրոց որպես դասվար դասընթացներ վարելու, այնուհետև Արա Զոհրաբյանի կողմից հրավիրվեցի մասնակցելու մի շարք ծրագրերի, իսկ վերջինը Լապշինի գործով մասնագիտական խմբում՝ բայց դա արդեն որպես փաստաբան։ Այսինքն, սկսած 2005 թվականից բազմաթիվ ծրագրերի եմ մասնակցել՝ խորհրդատվական, փորձագիտական, ուսումնական, դատավարական: Բոլորը չեմ կարող թվել, ուղղակի, պատասխանելով Ձեր հարցին, ուզում էի նշել, որ ես այդքան էլ նոր մարդ չեմ փաստաբանների համայնքի համար։
- Իսկ ի՞նչ կասեք այսօրվա Պալատի մասին։
Ա.Ղազարյան - Ինչպես արդեն նշեցի, դա կայացած ինստիտուտ է, որն ունի հեղինակություն, պետական մարմիններից անկախություն, առկա են ինքնակարգավորվող մի շարք մարմիններ և ամուր կապեր փաստաբանական համայնքի հետ։
- Թեև դուք դրական երանգներով եք ներկայացնում իրավիճակը, այսօր նույն այդ Պալատը գտնվում է սուր քննադատության տակ, որի մասին շարունակաբար բարձրաձայնում են բազմաթիվ փաստաբաններ։
Ա.Ղազարյան - Ես հետևում եմ լրահոսին, այդ թվում և մասնագիտական նեղ հարթակում, և հանրային հարթակում, և պետք է ասեմ, որ, այո, սուր քննադատություն հնչում է, և դա արվում է շարունակաբար, բայց չէի ասի, որ դա հնչում է բազմաթիվ փաստաբանների կողմից։ Իրակականում քննադատությունը բարձրացվում է միայն մի խումբ փաստաբանների կողմից, սակայն ինֆորմացիան գեներացվում է՝ աւրդյունքում, ստեղծվում է տպավորություն, թե Պալատը ենթարկվում է լայն քննադատության։
- Այդուհանդերձ, հնչում են քննադատություններ, մասնավորապես, որ Պալատում բացակայում է զսպումների և հակակշիռների մեխանիզմը։
Ա.Ղազարյան - Հակակշիռների և զսպումների մեխանիզմների մասին խոսելիս, որպես կանոն, նկատի է առնվում պետական կառավարման հսկայական, բազմածավալ և կոշտ տիրույթը, որտեղ բախվում են հանրային և պետական իշխանության շահերը, որտեղ պետական այն մարմինների միջև, ում շահերը բախվում են, անհրաժեշտ է զսպումների և հակակշիռների մեխանիզմներ ստեղծել, անհրաժեշտ է իշխանության ճյուղերի տարանջատում ու դրանց հակակշռող և զսպող բազմաթիվ մեխանիզմներ, քանի որ դրանք հակված են գերակայել մեկը մյուսի նկատմամբ։ Մինչդեռ տվյալ դեպքում խոսքը համայնքի մասին է, փոքրիկ և մասնագիտական համայնք, որտեղ դրա բոլոր անդամները համախոհներ են, և հենց դրա համար էլ հավաքվել են համայնքի ներսում՝ միասնական գործունեություն իրականացնելու։ Փոքր մասնագիտական համայնքները կառավարվում են փոխհամաձայնության, փոխվստահության, միմյանց աջակցելու, դինամիկ որոշումներ կայացնելու սկզբունքների հիման վրա, այստեղ անհրաժեշտ չէ և գործնականում կիրառելի չէ ինչ-ինչ զսպումների և հակակշիռների մեխանիզմ։ Ո՞ւմից զսպեն և ո՞ւմ դեմ հակակշիռներ սահմանեն, եթե ամբողջը պատկանում է համայնքին, չկա շահերի բախում, և համայնքի բոլորի անդամների շահերը համընկնում են։ Եթե դա համայնք է, որտեղ բոլորը դրա անդամներ են, հետևաբար՝ համախոհներ, ինչ հակակշիռների կամ զսպումների մասին կարող է խոսք լինել։ Դա պսեվդո գաղափար է։ Կարելի էր առավել կարևոր երևույթների վրա ուշադրություն դարձնել։
- Ինչը նկատի ունեք
Ա.Ղազարյան - Օրինակ, պետական մարմիններից անկախությունը, որ փաստաբանական կորպուսը ի վերջո ձեռք բերեց։ Այսօր բացակայում են անկախությունը խաթարող արտաքին ազդակներ փաստաբանների նկատմամբ, հետևաբար, յուրաքանչյուր փաստաբան ինքն է որոշում, թե որչափ անկախ լինի պետական մարմիններից։
- Բայց ներքին անկախությունը եւս կարեւոր է
Ա.Ղազարյան Այսինքն՝ ի՞նչ նկատի ունեք:
- Նկատի ունեմ անկախությունը Փաստաբանների պալատից։
Ա.Ղազարյան - Իսկ ինչպե՞ս կարող է Փաստաբանների պալատը ազդել փաստաբանի անկախության վրա։ Օբյեկտիվորեն դա հնարավոր չէ։ Ես դեռ չեմ լսել որևէ դեպք, երբ Փաստաբանների պալատը միջամտի որևէ փաստաբանի մասնագիտական գործունեությանը, ազդի կոնկրետ գործով նրա որոշում կայացնելու ինքնուրույնության վրա, ինչ-ինչ լծակներ կիրառի փաստաբանի ենթակայության տակ գտնվող որևէ գործի լուծման վրա, դա նույնիսկ համակարգային առումով հնարավոր չէ։
- Իսկ կարգապահական վարույթնե՞րը, չէ՞ որ դրանց միջոցով հնարավոր է ազդել փաստաբանի վրա:
Ա.Ղազարյան - Նախ, ինչո՞ւ պետք է Փաստաբանների պալատը կարգապահական վարույթով փորձի ազդել որևէ փաստաբանի վրա։ Եթե դատական, դատախազական, քննչական մարմիններում դա արվում է կոնկրետ գործով ցանկալի լուծում ստանալու համար, ապա Փաստաբանների պալատը, որը նույնիսկ գերատեսչություն չէ, ի՞նչ շահ կարող է ունենալ որևէ կոնկրետ գործով փաստաբանի վրա ազդելու դեպքում։ Սա անտրամաբանական է։
Իրականում, մենք գործ ունենք ընդհամենը արհեստականորեն ստեղծված ստերեոտիպի, կարծրատիպի հետ, թե իբր կարգապահական վարույթների միջոցով փաստաբանների հետապնդում է տեղի ունենում։ Սակայն ցանկացած ստերեոտիպ հեշտությամբ քանդվում է վիճակագրությամբ։ Ըստ այդմ, օրինակ, 2015 թվականին քաղաքացիների կողմից փաստաբանների դեմ մուտքագրված ընդհանուր բողոքների միայն 18% է բավարարվել ու հարուցվել վարույթներ, իսկ հարուցված վարույթների մի զգալի մասն էլ կարճվել է հաջորդ փուլում՝ խախտման բացակայության հիմքով։ Այսինքն, նվազագույն քանակությամբ վարույթներ են իրականում հարուցվում։
Պարոն Ղազարյան, ցանկանում եմ Ձեզ հաջողություն գալիք ընտրություններում, ամենակարեւորը թերեւս, որ ընտրությունները չխորացնեն առկա տարակարծությունները։
Ա.Ղազարյան- Շնորհակալություն, նույնիսկ եթե ես կամ իմ գործընկերները չհաղթենք, մենք մի կարևոր նորամուծություն արեցինք․ փաստաբանների համայնքում ընտրական գործընթացը դուրս հանեցինք ստվերից։ Մենք հրապարակեցինք մեր ցուցակը և հրապարակավ ասացինք․ ահա մենք, ու դա չենք թաքցնում։ Ուրախ եմ, որ մեր օրինակին հետևեցին մյուսները։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/23/2024 08:20 Տավուշը պայքարում է, համայնքապետն ԱՄՆ-ում է․ «Հրապարակ»
- 04/23/2024 08:17 Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին․ «Ժողովուրդ»
- 04/23/2024 08:14 Համերգն առանց տեղական «իշխանիկների»․ «Հրապարակ»
- 04/23/2024 08:11 Սահմանազատման երեք տարբերակ է քննարկվել․ «Հրապարակ»
- 04/23/2024 08:07 Իշխանությունը փորձում է պառակտել շարժումը ․ Յուրիկների պակաս չի զգացվում․«Հրապարակ»
- 04/23/2024 07:52 Ժողովրդավարությունը թիվ մեկ «բրենդ» հռչակած կառավարության ղեկավարը չի մեկնաբանել Սամվել Վարդանյանի հանդեպ կատարվածը․ «Ժողովուրդ»
- 04/23/2024 07:48 Գնել Սանոսյանը «գովերգում» է, իսկ իր տեղակալը համարում է միջազգային մեքենայությունների հեղինակ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/23/2024 18:18 Ձերբակալվածների պահման վայրում հայտնաբերվել է տղամարդու կախված մարմին, ով ձերբակալվել էր կնոջ մորը ծանր վնասվածք պատճառելու համար
- 04/23/2024 14:49 Ավտովթար՝ Արագածոտնի մարզում. Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր
- 04/23/2024 10:46 Օշական գյուղում ավտոմեքենան բախվել է տներից մեկի դարպասին. կա վիրավոր
- 04/23/2024 10:41 Հրդեհ Հրազդանի կիրճում. այրվել է 2 վագոն-տնակ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
- 04/19/2024 23:53 Հայտնել են երջանիկ կյանքի համար սեքսի իդեալական հաճախականությունը
- 04/19/2024 22:52 Ծնողները դստեր ննջասենյակում հայտնաբերել են մանկապիղծի թաքնված տեսախցիկը
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ