Փաստ ինֆո

Ամերիկյան ռեալիթի շոուի աստղ Քիմ Քարդաշյանին կողոպտած բանդան կազմված է եղել տարեց մարդկանցից, հափշտակողներից ամենակրտսերը 54 տարեկան էր:

LCI հեռուստաալիքի տվյալներով, կողոպուտի կազմակերպիչը 60-ամյա Աոմար Աիթ Խեդաշն է՝ փախուստի դիմած ռեցիդիվիստ, ով հայտնի է Ծեր Օմար մականվամբ:

Պատահական վարձատրություններով յոլա գնացող հանցագործը ամերիկյան մուլտիմիլոնատիրուհու այցի մասին իմացել է մայրաքաղաքային մի բարմենից, տեղեկացնում են քննչական մարմիններում աղբյուրները:

Ծեր Օմարը սկսել է նախօրոք ծրագրել ու նախապատրաստել կողոպուտը, դրա համար նա շայկա է հավաքել, որում ներգրավվել են հանցավոր աշխարհի վետերաններ 61-ամյա Դիդիե Դյուբրեքը՝ Երկնագույն աչքեր մականունով, 63-ամյա Յունիս Աբբասը և 72-ամյա Պիեռ Բուիաները: Նրանցից ամենակրտսերը 54-ամյա Ֆրանսուա Դելապորտն է եղել: Օմարը ներգրավել է նաև իր որդուն, սակայն նրան վստահվել է միայն վարորդի դերը:

Փորձը չի օգնել հանցագործներին թաքնվել ոստիկանությունից: Բանդայի պարագլխի փաստաբան Ժան-Իվ Լիենարը կողոպուտը որակել է որպես մաքուր սիրողական: Հենց նրա պաշտպանյալն է հանցագործության վայրում թողել իր ԴՆԹ հետքերը, որի շնորհիվ ոստիկաններն արդեն մի քանի օր անց նրան սկսել են հետևել:

Քարդաշյանին կողոպտելու դեպքը տեղի է ունեցել հոկտեմբերի լույս 3-ի գիշերը: Հանցագործները գողացել են թանկարժեք զարդերով զարդատուփը՝ մոտ 5 մլն եվրո արժեքով և 4 մլն եվրո արժեքով մատանին, կողոպտիչները տարել են նաև երկու բջջային հեռախոս:

Ավազակային հարձակմանը մասնակցել է հինգ մարդ՝ դիմակներով, ընդ որում ոստիկանական համազգեստներով: Նրանք կապել են իրենց զոհին և փակել լողասենյակում: Քարդաշյանի ներկայացուցիչը հայտարարել է, որ աստղը չի տուժել, նա ուժեղ շոկի մեջ է:

Ավազակային հարձակման մասնակիցներին ու նրանց հանցակիցներին կալանավորել են հունվարի 9-ի ոստիկանական գործողության ընթացքում:

Աղբյուր` Փաստինֆո