ԲՈԼՈՐ ՆՅՈՒԹԵՐԸ
Կռվողներին բաժանելը խուլիգանությո՞ւն է. սկսվել է պատգամավորի մասնակցությամբ միջադեպի դատաքննությունը 10/21/2016 22:19 | Դատական ռեպորտաժներ
Անցած տարվա սեպտեմբերի 19-ին՝ առավոտյան ժամը 7:00-ի սահմաններում Երևանի Մաշտոցի պողոտայում տեղի էր ունեցել ծեծկռտուք: Ազգային ժողովի պատգամավոր Գուրգեն Արսենյանն ականատես էր եղել, թե ինչպես չորս հոգի գետնին են տապալել մի երիտասարդի ու նրան ծեծում:
Պատգամավորը կանգնեցրել էր ավտոմեքենան, փորձել էր նրանց կարգի հրավիրել, սակայն երիտասարդները թողնելով հիշյալ երիտասարդին, կենտրոնացել էին արդեն պատգամավորի վրա, որի այդ ընթացքում վերջինիս օգնականը դանակահարվել էր: Դեպքը լայն արձագանք գտավ հասարակության մեջ, ինչպես նաև քննարկումներ եղան սոցիալական ցանցերում:
Այսօրվա դատական նիստում վերջապես սկսվեց գործով դատաքննությունը՝ նշենք, որ առաջին դատական նիստը տեղի է ունեցել դեռևս մարտին:
Այսպես, ըստ մեղադրանքի, Անդրանիկ Գաբրիելյանը Սամվել Սաֆարյանի, Հակոբ Բոյաջյանի և Գարիկ Բաբախանյանի հետ գույքի հափշտակություն կատարելու շարջ նախնական համաձայնության գալով, Երևան քաղաքի Հանրապետության հրապարակում Ռուբիկ Առաքելյանի առողջության համար ոչ վտանգավոր բռնություն գործադրելով, ձեռքերով և ոտքերով ծեծի են ենթարկել նրան` պատճառելով առողջության թեթև վնասի հատկանիշներ չպարունակող մարմնական վնասվածքներ, ապա բացահայտ հափշտակել են Ռ. Առաքելյանին պատկանող զգալի չափի` 400.000 ՀՀ դրամ արժողության «Այֆոն» տեսակի բջջային հեռախոսը, 1.500 ՀՀ դրամ գումարը և 200 դրամ արժողության կրակայրիչն ու դիմել փախուստի:
Գարիկ Բաբախանյանն, ըստ մեղադրանքի, Երևան քաղաքի Վ. Սարգսյան փողոցի Հանրապետության հրապարակին հարող տարածքում բացահայտ հափշտակել է Արամ Վարդանյանի կողմից շահագործվող` Արարատ Հայրապետյանին պատկանող զգալի չափի` 12.000 ՀՀ դրամ արժողության «Սամսունգ» տեսակի բջջային հեռախոսը:
Ըստ Հակոբ Բոյաջյանին և Սամվել Սաֆարյանին առաջադրված մեղադրանքի, նա Գարիկ Բաբախանյանի, Սամվել Սաֆարյանի և Անդրանիկ Գաբրիելյանի հետ գույքի հափշտակություն կատարելու շուրջ նախնական համաձայնության գալով, Երևան քաղաքի Հանրապետության հրապարակում Ռուբիկ Առաքելյանի առողջության համար ոչ վտանգավոր բռնություն գործադրելով, ձեռքերով և ոտքերով ծեծի են ենթարկել նրան` պատճառելով առողջության թեթև վնասի հատկանիշներ չպարունակող մարմնական վնասվածքներ, ապա բացահայտ հափշտակել են Ռ. Առաքելյանին պատկանող զգալի չափի` 400.000 ՀՀ դրամ արժողության «Այֆոն» տեսակի բջջային հեռախոսը, 1.500 ՀՀ դրամ գումարը և 200 դրամ արժողության կրակայրիչն ու դիմել փախուստի:
Անդրանիկ Գաբրիելյանին մեղադրանք է առաջադրվել ՀՀ քրեական օրենսգրքի 176-րդ հոդվածի երկրորդ մասի 1-ին և 4-րդ կետերով՝ մի խումբ անձանց կողմից նախնական համաձայնությամբ կատարված կողոպուտ, որը զուգորդվել է կյանքի կամ առողջության համար ոչ վտանգավոր բռնություն գործադրելով, 258-րդ հոդվածի 4-րդ մասով՝ զենքի կամ որպես զենք օգտագործվող առարկաների գործադրմամբ խուլիգանություն, 34-104-րդ հոդվածի 2-րդ մասի 2-րդ կետ՝ ծառայողական գործունեության կամ հասարակական պարտքի կատարման հետ կապված սպանության փորձ:
Գարիկ Բաբախանյանը մեղադրվում է ՀՀ քրեական օրենսգրքի 176-րդ հոդվածի 1-ին մասով, նույն հոդվածի 2-րդ մասի 1-ին և 4-րդ կետերով, 258-րդ հոդվածի 3-րդ մասի 1-ին և 2-րդ կետերով՝ մի խումբ անձանց կամ կազմակերպված խմբի կողմից կատարված խուլիգանություն, որը զուգորդվել է հասարակական կարգի պահպանություն իրականացնող կամ հասարակական կարգի խախտումը խափանող անձին դիմադրություն ցույց տալով:
Հակոբ Բոյաջյանին մեղադրանք է առաջադրվել ՀՀ քրեական օրենսգրքի 176-րդ հոդվածի 2-րդ մասի 1-ին և 4-րդ կետերով, 258-րդ հոդվածի 3-րդ մասի 1-ին և 2-րդ կետերով, իսկ Սամվել Սաֆարյանը՝ ՀՀ քրեական օրենսգրքի 176-րդ հոդվածի 2-րդ մասի 1-ին և 4-րդ կետերով, 258-րդ հոդվածի 3-րդ մասի 1-ին և 2-րդ կետերով:
Անդրանիկ Գաբրիելյանն իրեն մեղավոր չճանաչեց առաջադրված մեղադրանքում, այդ թվում՝ սպանության փորձ կատարելու մեղադրանքում: Ըստ ամբաստանյալի, հոգեկան հուզմունքից դրդված է տեղի ունեցել, գուցե նշանակություն է ունեցել այն, որ ինքը ձախլիկ է: Ինքը կողոպուտ չի արել, ինքնիրավչություն է արել, վերցրել է հեռախոսը, որպեսզի կարողանա հետ ստանալ իրենից պարտքով վերցված գումարը: Գաբրիելյանը նաև հավաստիացրեց, որ Գարիկ Բաբախանյանն այդտեղ ընդհանրապես չի եղել:
Գաբրիելյանը հայտարարեց, որ ինքը ինքնասպանության երկու փորձ է արել և դրանում մեղավոր են ԱԺ պատգամավոր Գուրգեն Արսենյանն ու մեղադրողը:
Գարիկ Բաբախանյանը նույնպես իրեն մեղավոր չճանաչեց, նա չհերքեց խուլիգանության մեղադրանքն՝ ընդգծելով. «եթե կռվողներին բաժանելը խուլիգանություն կարելի է համարել»:
Հակոբ Բոյաջյանն իրեն մեղավոր չճանաչեց՝ ընդունելով միայն՝ «ընկերոջս եմ ծեծել»: Սամվել Սաֆարյանն էլ իրեն առաջադրված մեղադրանքներում մեղավոր չճանաչեց:
Մինչ դատաքննության սկսվելը ամբաստանյալ Գարիկ Բաբախանյանի պաշտպան Վարդան Զուռնաչյանը միջնորդեց իր պաշտպանյալին գրավի դիմաց ազատ արձակել: Ըստ պաշտպանի, իր պաշտպանյալը հակահասարակական գործողություն չի կատարել, իսկ ծեծի ժամանակ եղել է բաժանողի դերում: Վարդան Զուռնաչյանը նշեց, որ չկա Ա.Բաբախանյանին կալանքի տակ պահելու որևէ հիմք, որ նա չի թաքնվի, չի խոչընդոտի քննությանը, որևէ անօրինական գործողություն չի կատարի դատավարության մասնակիցների նկատմամբ: Ըստ նրա, Բաբախանյանը մինչև կալանավորվելը առողջ է եղել, իսկ այժմ նյարդահոգեբույժի հսկողության տակ է գտնվում, այսինքն՝ իր պաշտպանյալը կալանքի մեջ գտնվելու հետևանքով կրել է առողջական, նյութական ու բարոյական վնասներ: Բարոյական վնաս, ըստ պաշտպանի, նա կրել է դեպքի մասին սոցիալական ցանցերում քննարկումների, անգամ հայհոյանքների հետևանքով:
Մեղադրողը գտավ, որ կալանավորման հիմքերից և ոչ մեկը չի վերացել, միջնորդությունն անհիմն է ու չի բխում օրենքից:
Դատարանը մերժեց միջնորդությունը՝ հիշեցնելով, որ այս պահի դրությամբ Կ.Բաբախանյանը մեկ այլ գործով գտնվում է ազատազրկման մեջ՝ դատարանի այս տարվա մայիսի դատավճռով նա դատապարտվել է վեց ամսվա ազատազրկման:
Դատարանի սահմանած կարգի համաձայն, նախ կհետազոտվեն ապացույցները, ապա կհարցաքննվեն տուժողները, վկաները, ապա ամբաստանյալները: Ի դեպ, դատարանի՝ տուժողներից մեկին ուղղված ծանուցումը վերադարձել է նշումով՝ «մահացած»:
Հարակից հրապարակումներ`
Տեսանյութեր
03/29/2024 11:55 Աննկարագրելի քաոս էր,երեխաներին ասել ենք՝ չխոսեք,վերև չնայեք, թուրքերի միջով ենք գնում.գաղթը՝ ՇոշիցՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 03/29/2024 08:17 Ոսկեպարցիներն անհամբեր սպասում են․ «Հրապարակ»
- 03/29/2024 08:13 Սաղաթելյանները՝ իշխանության թիրախում․ «Հրապարակ»
- 03/29/2024 08:08 Դիանա Գալոյանը նոր պաշտոն կստանա՞․ «Հրապարակ»
- 03/29/2024 08:04 Փաշինյանը ոչինչ չի խնայում անձնական պաշտպանության համար․«Հրապարակ»
- 03/29/2024 07:57 Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
- 03/29/2024 07:48 Նոր դիվանագիտական սկանդալ է հասունանում արտգործնախարարությունում . «Ժողովուրդ»
- 03/29/2024 07:46 Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
- 02/17/2024 19:12 ԲԴԽ-ի մեսիջը հստակ էր. ցուցումները չկատարող դատավորները կքարկոծվեն հրապարակայնորեն. Նախշքարյան (տեսանյութ)
- 02/13/2024 21:42 Ադրբեջանը խուսափելու է իրական բանակցային գործընթացից. որոշակի հանձնառություններ է ստանձնել՝ Իրանի դեմ կատարելու, որոնք իրականացնելու ցանկություն այս պահին չունի. Ձյունիկ Աղաջանյան
Մեկնաբանություն
- 03/28/2024 18:41 Հայ ժողովրդին վախեցնում է ադրբեջանի պատերազմով, իսկ ինքը վախենում է Արցախի նախագահից․ և ոչ միայն․․․
- 03/26/2024 13:03 Ադրբեջանի հերթական պահանջը. Արթուր Խաչատրյան
- 03/25/2024 18:12 ԱԺԲ-ն ներկայացրել է, թե ինչ պահանջներ են ներկայացվել Նոր Նորքի ոստիկանության բաժնի մոտ
- 03/25/2024 16:19 Մեկնարկում է «Արցախի երիտասարդության որոշիչ ձայնը» ծրագիրը. Մետաքսե Հակոբյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 03/28/2024 23:41 Վեց ծառայակիցների հետ սեռական հարաբերություն ունեցած ոստիկանը 500 հազար դոլար կստանա
- 03/28/2024 18:28 Կինը բռնել է ամուսնուն դավաճանելիս՝ առողջ ապրելակերպի հանդեպ ունեցած սիրո շնորհիվ
- 03/27/2024 23:52 Նույն քաղաքի երեք ուսուցչուհիների ձերբակալել են աշակերտների հետ սեռական հարաբերություններ ունենալու համար
- 03/27/2024 16:30 «Տիտանիկ»-ի հերոսուհու կյանքը փրկած դուռը աճուրդում վաճառվել է 718 հազար դոլարով
Հետաքրքիր է իմանալ
- 03/25/2024 18:55 Գիշերը Լուսնի խավարում է եղել. ինչ ազդեցություն ունի այն մարդու վրա
- 03/25/2024 16:49 Խաբարովսկի երկնքում անհայտ օբյեկտ են նկատել. (տեսանյութ)
- 03/25/2024 13:21 Արեգակնային բռնկումից հետո Երկիրը ծածկվել է հզոր մագնիսական փոթորիկով. սրանից ավելի ուժեղը գրանցվել է շուրջ 20 տարի առաջ
- 03/22/2024 17:29 Իլոն Մասկը ազդարարել է նոր ուղեղային իմպլանտի մասին, որը կույրերին թույլ կտա տեսնել