Փաստ ինֆո

Երբ Տոկիո եկա, իմ քաշը նորմայից 20 կգ ավելին էր, ես այդ կապակցությամբ իմ ապրումների մասին պատմեցի հարևանությամբ բնակվող մի ճապոնուհու, ով ասաց. «Տաք լոգանք ընդունիր, կօգնի»: «Տաք լոգա՞նք: Ի՞նչ կապ ունի դա քաշ գցելու հետ», AdMe.ru կայքէջում նշում է Քեթրին Գրոները՝ նկատելով, որ ճապոնուհին ակնհայտորեն գիտեր մի բան, ինչն ինքը չգիտեր:

Հեղինակը գրում է, որ սննդակարգ է պահպանել, երազելով կատարելության հասնել և լրջորեն մտածում էր, որ իր մոտ չի ստացվում, որովհետև բավականաչափ չի ջանում: Քեթրինը օրական երկու ժամյա հյուծող մարզանքներով ինքնիրեն տանջում էր, փորձում էր հրաժարվել քաղցրեղենից, սակայն նրան առանց ջանքերի հաջողվել է 30 կգ կորցնել  սեփական մարմնի հանդեպ վերաբերմունքի փոփոխությունից հետո: Ընդ որում, դա նոր կենսակերպի կողմնակի էֆեկտն էր և ոչ թե դրա նպատակը:

Ըստ Քեթրինի, մենք չափից դուրս շատ ուշադրություն ենք հատկացնում նախասպիտակուցներին՝ պրոտեիններին, ածխաջրերին, կալորիաներին և անտեսում ենք ամենագլխավորը՝ մեր մարմինը բնականորեն ձգտում է առողջության, հարկավոր է միայն դրան ականջալուր լինել: Դա հնարավոր չէ անել՝ գտնվելով օլիմպիական արդյունքի հետևից վազքի մեջ:

Հարևանուհու հետ այն խոսակցությունից ի վեր, նշում է Քեթրինը, անցել է 7 տարի: «Այժմ ես օգնում եմ մարդկանց առողջանալ՝ արևմտյան գիտության նվաճումների և արևելյան կենցաղային իմաստության շնորհիվ: Այս 4 հանգամանքները անհրաժեշտ է հիշել և սեփական կյանք ներմուծել բոլոր նրանց, ովքեր ցանկանում են գրավիչ տեսք և լավ ինքնազգացողություն ունենալ»:

1. Եթե մարզվել սումո ըմբիշի պես, ապա սումո ըմբիշի տեսք կունենաս:

Երբ ես դա հասկացա, ես թեթևությամբ շունչ քաշեցի. հարցն իմ մեջ չէ, այլ նրանում, որ ես սխալ կերպով ծանրաբեռնում եմ ինքս ինձ մարզումներով: Սումո ըմբիշները բաց են թողնում նախաճաշը՝ փոխարինելով այն ուժային պարապմունքներով, ապա նրանք շատ սնունդ են ընդունում ճաշին և պառկում են ննջելու: Հետո նրանք արթնանում են և կրկնում են ցիկլը ևս մեկ անգամ:

Ես մարզվում էի խենթի պես և վերածվում իսկական գիշատչի: Կարևոր չէ, թե որքանով օգտակար էր իմ կերակուրը՝ չափաբաժինները չափից դուրս մեծ էին: Չգիտակցելով՝ ես ուտում է պետք եղածից ավելի շատ: Ծանր մարզանքից ու համեղ ընթրիքից հետո ես անմիջապես ցանկանում էի քնել: Ստացվում է, որ մկաններ էի լցնում, որոնց վրա ճարպի շերտ էր առաջանում:

Չափազանց ծանրաբեռնելու ևս մեկ մինուս՝ հիպերօդափոխություն: Հանդարտ շնչառությունը օրգանիզմին ազդանշան է տալիս, որ ամեն ինչ լավ է, և որ մարմինը կենտրոնանում է նրա վրա, որպեսզի ճարպային բջիջներ ծախսի՝ էներգիա ստանալու համար: Բայց հենց որ մարմինը սթրեսի վիճակի մեջ է ընկնում, շնչառությունը հաճախակի է դառնում, ուղեղը ազդանշան է տալիս, որ անհրաժեշտ է արագ ստանալ էներգիայի հարվածային դոզա, որն ամենից շատ պարունակում է քաղցրեղենը: Հիշո՞ւմ եք այդպիսի պահեր, երբ մարզանքներից հետո այնքան եք ուզում ուտել, որ պատրաստ եք սեփական ձեռքը կծելով պոկել: Դա գլխավոր նշանն է այն բանի, որ դուք չափից ավելի ջանք եք թափել:

2. Ջերմությունը կյանք է:

Սննդային էներգետիկան արևմտյան դիետոլոգիայի հանրահայտ ուղղություններից մեկն է, այն հիմնված է արևելյան սկզբունքի վրա՝ ջերմությունը կյանք է: Սնունդը էներգիա է, որը մենք գործածում ենք ապրելու համար: Սննդամթերքը, որոնք բերք են տալիս ամռանը, կոչված են օգնել օրգանիզմին հարմարվել շոգին, նրանք սառեցնում են: Իսկ ձմեռային մրգերն ու բանջարեղենը ավելի շատ կալորիաներ են պարունակում, որպեսզի տարվա ցուրտ ժամանակ մեր մարմինները պահպանեն որքան հնարավոր է շատ ջերմություն:

Շատ դիետոլոգներ խորհուրդ են տալիս հում բանջարեղեն ու մրգեր ուտել և որքան հնարավոր շատ կանաչի: Դա անվիճելիորեն օգտակար է, սակայն հում կերակուրի շատ քանակությունից օրգանիզմը սառչում է և նորից տաքանալու համար սնունդ է պահանջում: Այսինքն՝ դուք ուտում եք, սակայն ցանկանում եք ավելի շատ ուտել:

Բանջարեղեն կարելի է և պետք է ուտել, սակայն մի մոռացեք, որ դրանք կարելի է տապակել, եփել կամ շոգեխաշել: Միգուցե դրանց մեջ կմնան մի քիչ ավելի քիչ վիտամիններ, սակայն փոխարենն ավելի շատ ջերմություն կլինի, ասել է թե՝ ավելի շատ էներգիա կլինի ձեր մարմնի համար:

3. Ուտելու ժամանակ ջուր խմելը վնասում է առողջությանը:

Ճապոնիայում սննդի հետ ջուր չեն խմում. նախ, որովհետև այն սառեցնում է մարմինը, և երկրորդ, որովհետև այն վատ է անդրադառնում սննդի  մարսողության վրա: Գիտնականները հետևյալ կերպ են դա բացատրում. ջուրը չեզոքացնում է թթուն, որն արտադրում է ստամոքսը մարսողության համար, ինչի արդյունքում օրգանիզմում մի քանի անգամ ավելի շատ էներգիա է ծախսվում այդ պրոցեսի վրա, և շուտով դուք նորից ցանկանում եք ուտել:

Օրգանիզմը հագեցնել հեղուկով կարելի է նաև սննդի օգնությամբ. օրինակ, ուտել տաք ապուրներ, որոնք ճապոնացիները պաշտում են: Կամ գոնե չօգտագործել  ջրազրկող սուրճ և ծխախոտ:

4. Տաք լոգանքը երկարացնում է կյանքը:

Նկատե՞լ եք, թե որքան հանգստացած է իրեն զգում մարմինը տաք լոգանքից հետո: Մկանները թուլանում են, արյան շրջանառությունը ավելի արագանում է: Եթե վարժվեք ամիսը երկու անգամից ավելի հաճախ լոգանք ընդունել, ապա դա կօգնի ձեզ մաշկն ավելի մաքուր, իսկ մարսողությունն ավելի լավը դարձնել:

Ճապոնացիները լոգանք ընդունելու համար ջուրը հավաքում են մինչև սրտի մակարդակը. եթե ջուրն ավելի բարձր լինի, ապա ճնշումը կբարձրանա, իսկ դա արդեն այնքան էլ օգտակար չէ: Ջերմաստիճանն էլ կարևոր է՝  38–40 ՛С-ն իդեալական է արյան շրջանառության բարելավման համար:

Մենք սովորել ենք, որ նիհարելը կալորիաների դեմ պայքար է, դրա համար շատերին այս խորհուրդները կարող են տարօրինակ թվալ: Բայց նայեք ճապոնացիների վրա՝ մի ամբողջ ազգ մինչև ծերություն հրաշալի տեսք ունի և հայտնի է իր երկարակյացությամբ: Միգուցե պետք չէ հեծանիվ հորինել, այլ պարզապես պետք է կրկնել նրանց հետևից, ովքեր կարողանում են ներդաշնակ ապրել:

Աղբյուր` Փաստինֆո